دردشة بنات العراق, دردشة حوامل العراق , تجمع بنات العراق

مي & · 05-12-2012, 10:15 PM

دا اقره الصفحااات صارلي نص ساااعه ولجن اشكد مسولفات دخت وعيني كاامت توجعني

فوفو العراقية · 05-12-2012, 10:17 PM

هلا منمن ام ابرار
شلونج قلب
شخبــــــــــــــــــارج؟؟؟

فوفو العراقية · 05-12-2012, 10:19 PM

امونة
المشكلة اني ببناتي صرت اشحلاتني
ماكو شعر
ملساااااااااااااااء
اشمعنه هالمرة هيج
يبووو
مو كل حمل سوى
لازم ازررع ههههههههههههه لهسبب توقعت بسبب حبوب الحديد
لان ببناتي ماحتاجيت اخذ
وبمحمد صار هيج هم لان جنت لازم اخذ حبوب حديد
يمكن هنة السبب وااااااااااااع.

يلا ان شاء الله يروح ورة الولادة كلة.

فوفو العراقية · 05-12-2012, 10:21 PM

سلامة العنون والبؤبؤ منى هههههههههههه حلوة البؤبؤ احب اكتبها
اقرالج اني؟ ههههههههههه

مي & · 05-12-2012, 10:24 PM

هلو حبي فاااديو شلونج حياتي وشخبرج وشلونهم الصغار والنونو شلونه

فوفو العراقية · 05-12-2012, 10:27 PM

اليوم ورة ما رجعنة من برة
رحت بالحمام
دخلت ساونة ربع ساعه
خليت حمام زيتي الشعري
وخليت ماسك منعم لكل جسمي ماعدى بطني خفت يضر البيبي
بعدين خلصت من الحمام
سويت ماسك لرجلية الاطراف وخليتهن بجهاز المساج
ونكعتهن بكريم خاص بالنعناع والليمون وملح النهر
وبعدها سويتلهن مرطب وصبغتهن بعدما قلمتهن
بس حسيت براااااااااااااااحة كلش
عبالك نزلت 20 كيلو ههههههههههههههه

اموت على شيئ اسمة عناية كاملة.
بالحمل كلش ضروري العانية الكاملة ب الجسم واي شيئ يريحجن سونة لان كلش يأثر ايجابيا عالجنين.

فوفو العراقية · 05-12-2012, 10:30 PM

مي حبي
اني زينة و الجهال تمام
والبيبي اليوم كلة نايم هههههههه ماعرف اشسالفته
بس كل شيئ تمام
اننتي شلونج
وابرار حبيبتي شلونها
فدوة حبيبتي تنكع بالقلب ربي يحفظها يااااااااارب.

مي & · 05-12-2012, 10:34 PM

حبي امونه الف الف الف مليون الحمدلله على سلامتج وانشالله التقارير كله خير وانشالله الحمل عن قريب العااجل يارب

حبي ام الوقه هااي شن عبالنا جبتي طلعتي يم الحفااافه حبي ابشري خير اني من جنت حااامل بشهري رحت للحفااافه ورااهه بيومين جبت ههههه >> خوش والله انشالله اتوكمين بسلامه يارب وايفرح كلبج الله ايساعدج هذه اصعب ايام واثقل اياام

نورا ام رنده شلونج حياتتو وشلونه رنونده وشلونه النونو

زنوبه السعدي هيااتي الله ايعينج على الخطار والله شلعان كلب بس شنسوي الضيف ضيف الله بس انتي بيت وحد يعني كلشي ابراحتج شوكت متسوين الاكل اتسوين وشتسوين اتسوين الله ايديمهه عليج حبي اني ويه العمتي من يجينه خطار تكلب الدنيه عليه خخخ عبالك اني جايبتهم اتضل بس اتصيح عليه والله ومن دون سبب ولازم اتسمعني ميه الف حجايه اتطلع قهر الخطار بيه يله الله كريم

عذوره حياتيي الله ايساعدج هاااي الضوجه ما الولاده اطلعي هسه تنسين اشويه الضوجه هداااوي اشلونهه واشوكت يطلع اربعينهه؟؟؟

سجااااوي العسل حياتي مشتااقتلج ومشتاااقه لسوالفج حبي

ام نورهانه حيتي شلونج وشلونهه الامتحانات شدي حيلج والله ايعينج

حوراء او روضانيه عااشت الاسامي حبيبتي ام الدم العسل شلونج حياتي

هباااوي شلونج وشلونهه النونيه شخيارج حبي اشلونه الحمل

رحوبه وتوته وام شوق كلهن ماكو عسى المانع خير انشالله

زينه حياتي شلونج وشلونه هلونه ربي ايخليهه الج انشالله

علياء حبي الله يحفظلج بنوتج انشالله اشو مكلتينه عن اخبارج شنو انتي بلعرااق ؟؟؟؟

صعوبه حبي شلونج وشلونه الصغير عساكم ابخير

مي & · 05-12-2012, 10:37 PM

ما ادري اخاااف نسيت وحده من البنااات خلي تعذرني كلكم بلبال وبلكلب

حبي فوفو الحمدلله مدامه ابخير الحمدلله خليه نايم ههههههه

اني جنت اذا متتحرك اوهس ميه واهس وامي اتكل ولج عااادي الطفل يخنس مرات 3 ايام بس همين لازم الواحد يطمئن على روحهه وروح البيبي

فوفو العراقية · 05-12-2012, 10:39 PM

خل اروح اسوي كيكة ام بيضه وحده على كولت زينة هههههههههه
وراح انزل صورتها هنا ورة ما اطلعها من الفرن ولو ماحب الكيك بس راح اسويهة للعيله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM