ديوانية البحرين - دردشة حوامل البحرين - البحرينيات

[فلونة]

سمعت زيت الخروع يسبب اسهال ويسبب جفاف وانقباض حق المعدة ويتعب وااايد شكلج تبيني ادوخ وادش الولادة مافيني طاقة مولية صح،، ابي شي يسرع الولادة :p

[طفلي حياتي]

فلونه من قال لش هالحجي؟؟
روحي اقري قصص البنات الي تسهلت ولادتهم كلهم ماخذين زيت الخروع ولا وحده قالت صادها اسهال وثانيا الاسهال اللي يسبق الولاده شي طبيعي ينظف البطن والي ما يصيدها يعطونها تحميله تنزل اللي في جبدها مادري انتين حره بس اني ببحث اكثر وقت ولادتي وبشوف

[أحلام أم]

شكلي باقوم عيوني طبقت وأدري روحي ماباناام
فلوونة
لا تخافين ماتغير وضعة بس هو يمكن نزهق وقام يرفس ويتراوى لش إفتر وتغير وضعة ويش يفره خلاااص راسة تحت ومقعدته فوق حتى المراخة ليين شرعنش الياهل مفتر ماتقدر تعدل وضعيته إلا بالغصب يعني ماي بغير وضعه
لا تحاتيين أبدددددددا ولا تعودينها
طفلي حيلاتي
حاطه ليكم موضوع عن الملل لاكن إحتياجات حقيبة المستشفى عندنه إحنه غير مرة ثانية بكتب لش كم غرض
مثل مشمريين يددد
نعال
مزيل عرق
مشط
ربطات شعر يددد 3
مرطب شفايف
إلويز
ملابس رضاعه
دشاديش
ملابس داخلية كل شي عدد من 3-4
سافلون إذا تعرفينه ضروري معقم مع الماء لمكان الخياط وتحت
وكريم شعر
ومادري بعدددد
إنصكت العيووووون
تالي بشوفكم

[فلونة]

انتي تعبتي احلام ام وتالي بتسندرينا مرة ثانية قومي ييبي لج ورقة وكتبي فيها هالسوالف يا الشاطرة حركي دمج جان تتحرك بنتج يا البطة ،، احلام ام انا ماحطيت لا فوط صحية ولا حفاظات حق البيبي في الدختر يبدلونه ما يحتاي اغراض وايد يبيلهم مكان وانشالله يخلونه بس يوم ونطلع

اتصدقين طفلو انا احاتي سالفة الكشة عقب الولادة فشيلة تخيلي اييون لج الاوادم وانتي علا السرير وشعرج يقول يا شمس لا تغيبي ههههههههههه باجوف الفيديو وباييج

[طفلي حياتي]

شكرا احلام ان شاء الله وقت ولادتي بارد اعيد السؤال وبكتب كل شي

[طفلي حياتي]

يقول ياسمش لاتغيبي لو غيبي وغطي الفشيله ههههههههههه
اني بربطه بسرعه لاحد ينتبه وبعدين بارتبه اذا ودوني الجناح ... الله كلام حلو ولدت وخيطو وفرغو ورحت الجناح انتظر تغفي عيوني ارتاح ونصره نايمه عقب ما سبحوها ونظفوها الورديه وتالي اقعد من نومتي واخذ نصرتي :)

[Roze]

ويش لحوال

[فلونة]

طفلوو في زيت خروع حق الشعر وفي زيت خروع ينشرب؟؟ انا امي معلوماتها علا قدها وما عندها خبرة في هالسوالف حتى حق النفاس ما تعرف حق الادوية انا ابحث في النت ومن سوالف البنات اعرف حتى المعمول اقولها باخذ تقول ما له داعي حبوب الملح كفاية ،، باروح الصيدلية باسأل واحين ماميش سافلون في الصيدليات ما اييبون يستخدمون الديتول الاخضرر حق الجسم

[فلونة]

احلام ام ،، الله يسمع منج وبارووح اليوم امشي والله يحفظ جنيني من كل شر وعين ويحفظ اجنة الحوامل ويقر عينا بجوفتهم سليمين يارب وعموما مشكورة حبيبتي نبهتيني حق شي غافلة عنه من هبالتي وذكرتيني بربطاات الشعر ما حطيت في الشنطة

اهلين رروز احنا ااحمدلله وانتي شخبارج ويا حسوونة علا قولتج وين وصلتي معاه

[طفلي حياتي]

ولكم روزتي هلا حياش
فلونه اسألي البنات هنا ويش تستخدمين ادويه وخالتش ماتعرف؟؟؟ مابتضيعين ترى الاشياء جدا بسيطه مالت النفاس المراخات يعرفون سأليهم واشتري اشياء مال الرشوفه هي اهم شي اما العصيد هرار ولا له منفعه للوالده طحين وشكر بس الرشوفه فيها رشاد وحلبه ينظفون الرحم وسمسم وامي الله يرحمها اشوفها تسوي الى اختي اذا ولدت حلبه منقوعه تطبخها الصبح وتكسر فيها بيض وشوي بهار وتقوي الظهر وتدر الحليب وتنظف الرحم بالاضافه للمراخ والمر اللي يخلونه داخل ماعرف شسمه