دردشة حوامل مصر - دردشة بنات مصر - تجمع حوامل مصر

[dr.princess]

اه عرفت 3 ستات او 4 اجوازهم اصحاب جوزى
وكمان بدأت اتعرف على واحدة جارتى هنا

انتى عرفتى حد عندك

[dr.princess]

طيب بتحبى البطاطا ولا ايه ؟؟
انا حاطة بطاطا بتتشوى فى الفرن

[gogo]

انا عرفت قبرص كلها خلاص
انا من اول ما جيت اتعرفت على كل مراتات اصحاب جوزى وبقينا اصحاب
هما كمان سكنين قريب مننا ف ده مساعد
واهى ماشيه والواحد بيقضى وقت ويجرى الايام
بس الاهم من التعارف انك تلاقى واحده تستريحلها نفسيا منهم هما مصرين

[gogo]

انا بموت ف البطاطا خصوصا لو كانت صغيره ومعسله
انتى هتخلينى اجبها بكره واعملها

[dr.princess]

اه مصريين ومحترمين اوى بس برده مش زى اصحابى
انا باخد على الناس بسرعة بس كلهم اكبر منى بس برده انا حاسه انى عارفاهم بس علشان اجوازهم اصحاب جوزى بس بصراحة لو احتجتهم فى حاجة مش بيتأخروا

[gogo]

صحيح انتى اختفيتى فتره ليه

[gogo]

انا عرفت مصرين وسورين ولبنانين وصينين

[dr.princess]

لا ياستى متجيبيش انا حطيت 2 صغيرين و2 كبار شوية علشان يتشووا ابعتلك منهم ولا عايزة حقك ناشف هههههههههههه
احنا عندنا فى بيت ماما كلنا بنحب البطاطا وبنقضى عليها ههههههههههههههه

[dr.princess]

صينين كمان ايه القدرة دى ههههههههههههههه
انا اخرى عرفت كذا واحدة سودانية

والله كنت بنقل فى شقة جديدة فالنت فصل وعلى ما ركبناه تانى بقى

[gogo]

ابعتيلى طرد بيهم بس انا هايزه الصغيرين
احنا ف البيت عندنا كنا بنطلع الى استوا وناكلوا مبنصبرش وعقبال ما تستوى كلها تكون خلصت تلاقى الفرن فضى