دردشة بنات العراق, دردشة حوامل العراق , تجمع بنات العراق

[روضانيه]

بايااااااااااااااااااااااااااااااااااات قلب

[زينب السعدي]

شنو هاي رحت نمت اجيت شفت روض ومي مسولفين كومة واني ماكو والموضوع شيق العمة والجنه هههههههههههه
صدك بنات خلي نسوي مواضيع اجتماعية نحجي بيهن هنا ملينا من كلامنا العادي خلي يوميه نطرح موضوع اجتماعي بخصوص حياتنا وكل وحدة توسلف تجاربها ومعاناتها حتى هم نرتاح ونفضفض وهم نستفاد من بعض بالتجارب

[عسل بغداد]

هلو زنوبه شلونج جمعه مباركه والله خوش فكره بس لازم انتي تطرحين اول موضووع

[زينب السعدي]

هلو سجاوي حبحب شلونج
عود ليش لازم اني اطرح اول موضوع ههههههههههههههه
اول موضوع مطروح من قبل مي وروض اجيت لكيتهم حاجين بي وعجبني لان اكثرنا عدنا عمات واكو بيهن الحبابات واكو الي الله يسامحهن انشالله واكو الي يوم اي يوم لا
هسه بالنسبة الي ان اريد اكون منصفة جدا ..‘متي ماانكر انه قلبها طيب ومتعاونه بس هم عدها سوالف تضوج يعني مرات احسها انانيه تريد بيتنا والي بي بس الهم يعني من تحس اهلي عاجبهم يجون لدبي زيارة تكل خلقتهامع العلم اني صارلي سنتين هنا ولا مرة اجوني اهلي .. لو من تحس اني اريد اروح لاهلي تكوم تحجي وتكولي شعندج كل كم شهر ورايحة كلتلها لان اهلي ومااشبع منهم مع العلم بتها يوميه يمها من الصبح لليل بس تروح تنام ببيتها

[عسل بغداد]

وداعتج كل العمات يموتون من الوحده تروح يم اهلها اني مسويتها روحه يمهم وروحه يم اهلي واذا ابات يم اهلي تندق تكلي متباتين يمنه اني اضايق لان حماي عايش وياهم وبناتها قريبات عليها ويوميه وحده رايحتلها واني كل اسبوعين تلاثه اروح مره

[زينب السعدي]

اي صح كلامج اكثر العمات هيج مع العلم هي وامي علاقتهم كلش قويه وصديقات ومن تروح للعراق تروح يم اهلي تبات بس مااعرف ليش تضوج من اروح يم اهلي ...هسه اني كاعدة هنا وحدي محرومة لا صديقات لا اطفال لااهل خو هم روحي تطك ساعة الساعة
شوفي سالتني كالتلي الفيلا الجديدة مم تتكون كلتلها صالة كبيرة جوة وغرفتين نوم ومطبخ وجناح خاص للخدامة برة بالحديقة وفوك 3 غرف
كالت خوش الصالة بعد هي استقبال والغرفتين وحدة مكتب لزوجج ووحدة النا اني وعمج من نجي والغرف ال 3 الفوك وحدة الكم
وحدة لحسين (حمايه يشتغل بدبي بس يروح ويجي) ووحدة لغيث (هم حمايه يشتغل هنا يروح ويجي) كلتلها لا بالله لعد احنا بس اسمه بيتنا ومناخذ بس غرفة وحدة كلتلها لا عيني اني اريد غرفة للبيبي القادم انشالله ناجر بيت كبير تالي غرفة خاصة للبيبي ماكو جان تضحك وتكولي لالا الطفل اني اريده انتي بس شيلي المانع واحبلي وجيبي واني اريد اخذه يمي اربيه اني هم ضحكت كلت بقلبي هسه مو وكتها...يعني شايفة تريد تحتل البيت الهم وبس ...اني هم مقصرت رحت لزوجي وكلتله شلون تريد تقسم الغرف كال الاثنين الجوة وحدة مكتب وحدة اريد اسويها جلسه عربيه
وال الفوك وحدة النا وحدة لاهلي من يجون ووحدة للطفل القادم انشالله ههههههههههههههه اني هم كيفت حتى مو تكعد تقسم بكيفها ببيتي عبالك اني خراعة خضرة هنا

[عسل بغداد]

يله سوتيالج فندق انشالله تترسين البيت اطفال حتى الها ميبقى مكان

[عسل بغداد]

انتي شوكت صار عندج اسقاط وليش تستعملين مانع والله لو امي يمج جان عالاربعين خلتج تحبلين ههههههه

[زينب السعدي]

هههههههههههههههه الله يسمع منج سجاوي االعسل
اني حبلت العالم بشهر 6 كملت 4 اشهر حمل وطبيت بالخامس اسم الله عليج وتوفى الجنين وطلع عنقودي جزئي وبهالحمل يرتفع هرمون الحمل بشكل مو طبيعي ووره الاسقاط ميصفر بسرعه يرادله فتره فمنعو عليه الحمل لان لازم يصفر الهرمون ويبقى فترة صفر يلا احبل لان اذا حبلت بسرعه راح يرجع يرتفع الهرمون وممكن يتكرر الحمل العنقودي الجزئي لذلك منعو عليه الحمل طبعا ناس تكول مانع 6 اشهر وناس تكول سنه بس اخر دكتورة رحتلها كالو عليها كلش تفتهم كالت ماما من بعد ما يصفر الهرمون لازم تسوين كل شهر اختبار تتاكدين انه بعده صفر واذا صارن 6 اختبارات كلها صفر شيلي المانع اني قبل اسبوع سويت اخر اختبار الحمد لله هم كان صفر وكان هذا خامس اختبار يعني بعدلي شهر واشيل المانع انشالله وونشوف شوكت الله يكتبلي
شوفي امي وعمتي هم ميحبون المانع بس امي من شافت بانه الحاله هيج خطرة كالت لازم تسوين مانع تخاف عليه لان صحتي اهم بس عمتي تلح تكولي ملج علاقة بالاطباء لتسوين كلتلها لو صار بي شي صحتي اني حتدمر انتو شحتفيدوني ذاك الوكت وزوجي كاللها لا اهم شي صحة زينب

[عسل بغداد]

الله كريم انشالله يبقى صفر اهم شي صحتج والجهال همه يجون ويشلعون قلبج اني جنت اخذ حبوب بدون محد يدري ومن انكشفت كتلهم الدكتوره كتبتلي حتى ينضم الدوره جان هسه اني والضره مكافش من الروس هههههههه