【ツ】أحلى تجمع لأحلى حوامل التوائم 【ツ】 ‏الجزء الثالث

[روح المحبه*]

السلام عليكم ورحمه الله وبركاته
سامحوووووووووووووني خجلاااااانه كثير
بس انقطعت غصب عني
كيفكم طمنوني
انا تمام وحاامل ببنوته الله يجيبها بالسلااااامه

[شنتوره]

هلا فيكم يا اخوات العزيزاااااااااااااااااااات
بنااااااااااااات ادعولي بساعه الولاده المبااااااركه

[عزتي بايماني]

شنتورة الله يسهل عليك الولادة ويقومك بالسلامة
انتي وتوينزك ويفرح فيهم وانتي وهم بأتم الصحة والعافية
ودعواتك لنا وقت الولادة

[رضاك ربي]

صباح الورد والرضى والقناعة والثقة بالله

شنتورة هلا حبيبتي يسلمك الغالية وربي ييسر امر ولادتك ويقر عينك بشوفة التوأم بألف خير وصحة وعافية البنوتات تمام حمدلله احسهم وعيانين هههههه جديدهم طعميتهم الوجبة الالى بحياتهم خضااااااااااااار وياسلالالالالالالالام تعابيرهم تجنن وهم يتذوقوا

عزتي ربي يسلمك حبيبتي ويسلملك البنوتة ويطمنك عليها البنوتات تمام يدعون بسلامتك

روح المحبة الله يتمم لك بالخير حبيبتي اهم شي انكم بخير

[ضوء السحر]

أخباركم بنات طيبين

ام منذر اخبارچ طمنيني عنج و عن توينزچ

[أماني آل ظاهر]

السلام عليكم ورحمة الله وبركاته

اشتقت لكم حبيباتي الكروشات كرشة كرشة هههههه
الحمد لله أنا دخلت السادس بتوفيق من الله عز وجل
الغريب غن الشد اللي كان عندي بالخامس وقف ، مع اني اتوقع انه يزيد
حركة احد التوائم عادية بس الجنين الضعيف حركته ضعيفة لدرجة اني ما احس بيه الا حزة النوم بس ، لأنه قاعد لي على جنبي اليسار ولما ارقد على اليسار تصير حركة بسيطة كتنه نبض خفيف ويوقف ، فأنا خايفة جدا عليه ، ادعوله يا جماعة

آخر مرة بموعدي قالت الدكتورة بالحكومي ان الفرق مو كبير بين التوأم في الوزن ، وكنت ابي اسألها اذا ممكن اخذ اسبرين عسب يزيد وزنه بس نسيت ، ونسيت بعد أسألها عن ابرة الرئة ، موعدي الجاي بعد اسبوعين وودي اروح خاص بس زوجي يقول لا توسوسين ، دام انه يتحرك فهو بخير ويمكن قله حركته بسبب وزنه الضعيف بس والله كل ساعة اوسوس واكلم نفسي ، زين ما حد صادني ههههه

خواتي قاعدة اتابعكم يوميا وادعيلكم وانتو بعد ادعولي ترا مالي غيركم بعد الله عز وجل ،
أختي لن أييأس / بالحلم كنت اوصيج بزيادة الاستغفار واشكيلج فتوري عن الاستغفار وبعدي عن الله وكنت اقولج بس لو نتقرب اكثر من الله رب العالمين ونزيد من الاستغفار كان بيتبدل الحال !! فما أدري اي حال كنت اقصد في الحلم بس دام السالفة فيها وصاية بالذكر فأكيد خير يا أختي وربي ما يحرمني من دعواتج الصالحة .

رضاك / بوسيلي البنات والله يسعدهم ويرزقني مثلهم

أحلى أيام العمر وشنتورة / ربي يقومكم بالسلامة وتضمون توائمكم بصحة وسلامة
ويالله شدو الهمة نبي الأكشنات بسرعة

أم منذر وام عبودي وسيفو / طمنونا عليكم

ضوء السحر / مبروك عليج السابع وربي يقومج بالسلامة

سدومتي / صج انا دايخة لكن ياقلبي أنتي ما فهمتي قصدي
أنا ادري ان في فرق بين الهجري والميلادي ، بس انا قصدت شهر 8 الماضي ( شهر اغسطس ) كان بادي بالضبط مع بداية رمضان ، فكانت اخر دورة لي 23 / 8 ميلادي يعني 23 / 9 هجري ، ولما قلتي 23 / 8 فكرت تقصدين الميلادي فاستغربت ، بعدين طلعت من حالة الدوخة وعرفت ان قصدج التاريخ الهجري ، وفعلا بالهجري يكون الحساب صح لي لج

ريماس / ربي يعينج ع التدريس وخلي بالج من نفسج لا تسوين نفس حالتي ، لما اشوف نفسي زينة اهلك نفسي لين اتعب حييييل وبالتهاية أتألم واعرض اجنتي للخطر


ادعولي ولا تنسوني فغني بهم لا يعلمه الا الله عز وجل بس صابرة ومحتيبة الأجر من ربي وعسى ان تتحول المحنة الى محنة ، بس اهم شي لا تنسوني من دعواتكم


راجعة ،،،، ومتابعة ،،،،، يعني لا تحشون فيني ههههههه

[رضاك ربي]

اماني حبيبتي تبوسك العافية وربي يسعدك ويسلمك اللهم امين يحفظنا ويحفظك ياقلبي

[#جوجو]

المشاركة الأصلية كتبت بواسطة #جوجو

مساء الرضا والسعاده والسرور

تكفون جاوبوني على سؤالي

متى يبان حمل التوائم بالسونار؟؟؟

وين الناس انتظركم

[ام منذر]

هلا والله بكل الكروشااااات
ضوء السحر
الحمدلله اللحين احسن شوي بس الدكتور مو راضي اطلع

كل شوي يسوون تخطيط للتوينز وتحليل دم
والاشاعه يقول الاسبوع الجاي
الله يعين والاجازه خلصت وتبدأ المدارس واولادي والبرد
الله يسهل يارب

اماني من زمان عنك الله يعطيك العافيه على سؤالك

طمنينا عليك والباقي كيفكم مع الثقل والله ادعي للكل
ربي يسهل علينا

[ام منذر]

هلا جوجو
زمان جاوبتك
بعضه يبين من الاسبوع السابع انا كذا
وبعضهم من العاشر واكثر شي 12
مع السونار وضربات القلب يبين

انتي حاسه بشي