تجمع حوامل ليبيا

[ميمونة]

ميراس صبح الورد كيف حالكم

ام وسونه القسم تخلطت صنته علي حلو وحار مانكملو هالشهر اللي زيدين 5 كيلو واكثر

[3miao]

اخواتي انا مش ليبية لكن اهنئ كل الشعب الليبي بعيد الاضحى المبارك كل عام وانتم بخير

[أم أجنادين 80]

صباح الخير
وكل عام وانتن بخير
ويارب ينعاد علينا وعليكم بالصحة والعافية وبالخير
ويكون هدا العيد فاتحة خيرعلي ليبيا كلها
ويارب تحقق لكل وحدة منا شن تتمني
أم وسونه صحيتي وخيتي والله كلماتك قريب نزلت دمعتي
ان شاء الله ربي يرزقنا كلنا الحمل العاجل يارب
قولوا آمــــــــــــــــــــــين

[أم أجنادين 80]

قوليلي يابنات شن هوا اللحم المصلي يلي في طنجرة البورديم
من تعرفه تقولي بالتفصيل
انا العيد هدا ثاني عيد ليا متزوجة وطبعا مع أهل زوجي وانا اول كنه والوحيدة لتوا
مازلت ماجربت مقالب السلفات
هلكانة وتعبانه
وصارلي مواقف راح نحكيها بعدين

[تمر حنة]

السلام عليكم ورحمة الله وبركاته

يعطيهالكم يابنات والله قتلتوني بالضحك بدل ماتقولولهم هذا عيد الناس تتسامح مش تتعارك صلوا على النبي وصفوا قلوبكم هههههههههههه وحدة تقول شوقتوني والثانية تقول سهفتوني و وحدة تهدد هههههه والله قتلتلوني بالضحك شن هالفضول هذا شوفوني انا كيف رزينة وعاقلة لكن مع هذا بنسأل زعمة امتى عيـــــــــون تروح اليوم من عند اهلها استاحشناها ههههههههههه وآيــــــــــة حتى انت عاد ماتغيبيش علينا راك غالية
انا قصدي شريف ماتقولوش حتى انا ما رقدتش من آمس نفكر زعمة خيرهم هم وسلفاتهم لالالا مافيش الكلام هذا

[تمر حنة]

ميمــــــــونـة وام اجنـــــــــــاديــــن كيف حالكم اليوم ان شاء الله تمام
ام اجنــــاديــــــــن خيرك ماجاوبتيش على سؤال المسابقة جاوبي لان الجوائز مش عادية بكل
وحتى ميــــــــراس ماجاوبتش خيركم حشمتوني قدام الناس وانا انقول مسابقة لليبيات بس وماحدش جاوب إلا ام وسونة وميمونة شن نقعد نترجى فيكم!!

[تمر حنة]

ام وسونــــــــة انا لساني طويل! بااااااااااهي لكن حرجت منك .. لكن سامحتك لانه عيد بس
اسمعي صحيتي على الصفرة وكلها كليتها وصحتين على قلبي لكن قعدت حاجة وحدة ماعرفتهاش هم حاجات شكلهم زي الشماعي ما عرفتهمش زينة وإلا ناكلهم عادي
شكلهم زي المتفجرات اللي في رسوم توم وجيري خفت بصراحة خفتك حسدتيني في الخروف وتبي تتخلصي مني فلازم تاكلي منهم واحد قدامي قبل وبعدين ناكل

[تمر حنة]

ام محمــــــــــد تبي بازين تعالي عند تمـــــــورة انا انطيب فيه من حد كنت في الثانوي وكيف تبيه بطبيخة البطاطا وإلا طبيخة القرعة وإلا باللحم بس وإلا بطبيخة الفول وراح تاكلي صوابعك وراه
لأن انقولك ميـــــــراس ماتعبيش عليها راهي فالحة غير في الكلام حتى انا نحسابها فالحة طلبت منها عصبان وقالت دارتلي عصبان بلا بصل تخيلي وبلا نية بكل وحتى هو والله ماشفته منها لتوا يعني كلام بس
عصبـــــان ورفلـــــــــي بازيــــــن ورفلــــــــي وماشفناش منها حتى نص بالدحي ورفلي يعني دعاية بس ميراس من الاخير

[أم أجنادين 80]

الــــــسلام علـــــيكم
معليشي أبلة تمر حنه ممكن تعاودي السؤال حاشاك من كثرة
اللحم لين بديت غبيه وننسي ,,,
اليوم ثاني العيد افطرنا عصبان وتغجينا عصبان ولحم الحمد لله الحمد لله
بس كرهت اللحم من كثرة اكله وين مانمشي يجيبوا عصبان ولحم ,,,
قريب حتي راجلي نشوفه عصبانه ولا طرف كبده هههههههههههه

[أم أجنادين 80]

أم مُحمد نقولك البازين ساهل جدا وممكن أسهل حتي من الكسكسي
مانقولش في الكلام هدا لاني خبرة فيه رغم اني ماناكلش فيه بس تعلمتهومازلت مش فالحه هلبة فيه ,,
قلت علي جيه ضيف ولا يطلبه زوجي وزي ماقالت تمر حنه طبيخة البازين تختلف
فيه بالبطاطا وفيه بالفول وفيه بازين بالطماطم الاخضر وياخدوا شوية
من دقيق البازين ويحطوه في الطبيخه منعرفش كيف بنشرحلك , وفيه بازين بالحوت هدا طبيخته بالحوت بس ومتنحطش بطاطا في الطبيخه .
وكل الشاطرات فيه يقولو انه اسهل من هلبه اكلات ,,,