دردشة حوامل مصر - دردشة بنات مصر - تجمع حوامل مصر

[احساس الأمومه]

صباح الخير
أزيكم يا بنات

[MALAK2010]

انا جيييييييييييت

[احساس الأمومه]

أزيك يا ملك صباح الخير وأزى النونو

[MALAK2010]

الحمد لله اتاخرت عليكى كنت بقرا موضوع وماخدتش بالى انى اعمل تحديث للصفحة

[احساس الأمومه]

ولا يهمك يا جميل
انتى ايه اخبارك
انا صحيت النهارده دايخه ومليش نفس للأكل خالص
أبتدى يحصلى حاجات غريبه
وامبارح كنت بتغدى مع جوطى وانا ألى طابخه وعماله أشم فى الأكل
تلاقيه قال مجنونه فى سره
ههههههههههه

[MALAK2010]

معلش بس حاولى وانتى بتطبخى تشغلى الشفاط وتهوى المطبخ علشان الريحة تطلع بسرعى ماتتعبيش
عارفة انا كنت بقرا موضوع بيقولك متى اخر مرة دمعت عينيكى هههههههههههههههههه
الكل باعت ياما النهاردة عيطوا ياما امبارح
البنات تعبانة تعبانة ومش بتبطل عياط ربنا يقوينا

[احساس الأمومه]

أخر مرة دمعت عيناكى
لسه امبارح يا ملك
معندكيش فكرة هو فوار الأملاح بيأثر على الحمل
عايزه أسال الدكتورة أصلى زودها اليومين ألى فاتوا فى المخللات وجنبى واجعنى

[MALAK2010]

ماعنديش فكرة يا جميل بس مش انتى ان شاء الله راحة النهاردة اساليها واسالى كل اللى انتى عاوزاه ماتنسيش حاجة لانك مش هتروحى الا بعدها بشهر

[احساس الأمومه]

ان شاء الله النهارده
بس مش فى تحليل البى ار اتش سمعت انه بتعمل فى الشهر التانى عشان فصيلة الدم
بس يارب ياملك تجاوبنى على كل أسئلتى لأن طبعها كلامها قليل
وأمبارح نزلت وخرجت ولما رجعت لقيت مايه عليا م عارفه ده عادى هى كانت قيلالى عادى بس انا قلقت

[MALAK2010]

بصى بالنسبة للتحليل انتى المفروض هتعملى تحليل للكشف عن فقر الدم(الأنيميا):

عن طريق عمل صورة عاملة للدم و التي تظهر نسبة الهيموجلوبين وفية تحليل بول علشان السكر وتحليل rh
اذا ماطلبتش منك قوليلها انك عاوزة تعملى التحاليل لان انا ماكنتش عارفة ومعملتهاش الا اليومين اللى فاتوا دول