دردشة حوامل القطيف- تجمع بنات القطيف

[om khalil]

حبيبة حسوني اللي اقصده اني قبل اذا ياه ابوفاق اعرف وين مكانه لاني احس به تحت حده

بس البارحه لما ياه كان مكان الصوت والحركة فوق حتى حطيت ايدي على بطني وهيست الصوت فوق

هذا اللي خوفني فهمتين عليي؟

[حبيبة حسوني]

اممممممم فهمت عليش مادري والله بس مو شرط يكون تغير وضعيته يمكن علحسب قعدتش او وضعيتش انتين حسيتين بمكانه تغير ان شالله مافي الا الخير لاتحاتين :)

[om khalil]

ان شاءالله مافيه الا كل خير موعدي الأحد ويقولون السبت بروحون لاشارة الدوار
ادعوا ليي اولد في يوم سهاله مافيه شي ان شاءالله

[حبيبة حسوني]

وعلا عمري ويش بيدي عليش ام خلول ادري نفسيتش تعبانه
الكل نفسياته تعبانه بس انتون ازيد يعني الحوامل كله احاتيكم الله يسهل عليش يارب وتولدين وترتاحين

[طفلي حياتي]

اني رحت سبايب زنوب بدت بروفات السهره هلكتني من متى للحين ترن
ام خليل صادني اخر الايام بالضبط الشكل وقلت عقب مانزل الراس ارتفع !!!!!! وكلها يومين وولدت الله يسهل لش وللباقي

[حبيبة حسوني]

هههههههههههه الله يعينش طفطف اني بعد بتي كل يوم سهرتها تبدي هالحزه واخدي عاد للصبح بس حجايج بعد مو مطعمينها قاعده وتتدلع ليي تصدقين حتى اني افمر اقول ياعلييييييي شلون برد احمل مره ثانيه اين جدي ومافي قوه ولا اقدر الحق وياشغل البيت والطبخ والغسال وممسؤؤليه اتامي صدق الله يعينا *_^

[طفلي حياتي]

اي والله هلكه بس نعمه الحمدلله رب العالمين نحمده ونشكر فضله
الحين بقوم اعدل ظهري ورايي سسسسسسسسسسهر

[حبيبة حسوني]

الله وياش طفطف

[حنين للماضي]

السلام عليكم
اوضاع الديرة متأزمة والكل ماله خلق شيء حتى اولاده
الله يسر امورنا ان شاءالله ويرجع الامان نفس قبل

احلام ام حمدلله على سلامة هنوي
دام عطوش اياه معناته الحمدلله مافي اله العافية لاتحاتين
قمت ابحث ليش عن تغذية الطفل الخديج وجفت هالموضوع جوفي يمكن يفيديش
http://www.qassimy.com/vb/showthread.php?t=148966
بس اللي لاحظته من خلال قرائتي لكذا موضوع ان المفروض كلش مايتعب في الرضاعة وزيدي فترات الراضاعة تدريجياً لأن بعده ضعيف مايتحمل
ياااااااااااااااااااااارب بحق محمد وآل محمد يحفظه ليش ويبعد عنه كل سوء

طفطف ترى عادي اذا تبين بعلمش لاتستحين

يا الله صوت علاوي طلع كلش مالي خلقه تعبانة عدل

نجوفكم على خير

[أحلام أم]

صباااح الخير <<<ليش إنتين نمتين علشان تصبحيين
ويش أخباركم السهر يهلك وأذاني مواصلة سهر للمدارس وياارب حمود يخليني أنام قطرة
الله يسلمكم ويبارك ليكم ويهدي هنووووي ويلبسة ملبوس العافية يارب
حنين للماضي
تسلميين حبيبتي ،اللله يسلمش ويسلم ليش علاوووي الحمدلله على كل حال
مشكورة يالغالية تعبتش ويايي وكلفت عليش الموضوع عجبني وراح أستفيد منه
الرضاعه هي الشي الصعب في حالة هالرضع ربي ييسر أمورنه ويعطينه العافية على رعايتهم ويلبسهم ملبوس العافية
شمس الصباح
الله يسلمش وشلون أولادش وملوك والسهر ،حبيبتي بس موشكلة واايد إني كل نص ساعه أحاول أرضعه ،على العموم مشكورة وربي يكون بعونه
طفطووفة
أفه حبيبتي ،لاتقوليين هالحجي يالغالية يأم زنوب
أني مثل ماقلتلش نفسيتي تعباانه والدمعه قريبة لأقل شي ،لاتحاتين أهم شي إذكرونة في دعواتكم الحلوة وربي يعدل الضروف وتزورين أهلش وأهلش يزورنش ولاتعبين نفسيتش فكري في فرحتش وإهتمي بأكلش وصحتش النفسية وخففي من توترش بسماع القرأن
أم خليل
هلا حبيبتي لاتحاتيين وتوسوسين ياارب مازال الراس تحت وكله يومين وتولديين بالسلامة مع البطل الصغير بس إستعدي لغيرة خليل
حبيبة حسوني
الحمدلله على تطعيم فطامي وياارب نبارك ليش بتلبيس فطوووم التراكي وخراق الأذون قبلها

حموود زايد ومن أمس من شاف أخوه كلمة تحبيني مافارقت لسانه ،وإندهشت منه ماشفته إلا يقول كلام غريب يقول يوم كان الدادو في بطنش كنتين تحبيني ألحيين يوم طلعوه من بطنش ماتحبيني ويصيح
بنات القطيف ربي ييسر أموركم ويقضي حوائجكم ولاتبخلةةن بطلتكم علينه وأم حسين الدارننتظرش