تجمع الحوامل اللاتي سيلدن بشهر محرم 1432

[الحق المبين]

راح الكثير مابقى الا القليل ايام وتعدي الله يتمم على خير

[يـــونا]

رياح الغروووووووووب

اهلا وسهلا بك سعدنا بتواجدك معنا في شهر محرم

الله يعينك يالله هانت مابقى شي تفقسين هع

..................

زهره البنفسج للاسف رحت للدكتور لقيت زحمه عنده

وانا مرييييييييييضه راسي يعورني وزكام وانفلونزا تعرفين عاد

مااتحمل الانتظار

قلت اروح اليوم الثاني الله لا يوريك معاي ولد عمره سنتين

طاح عل راسه وانفتح فتحه براسه وتعرفين انشغلت فيه

واليوم الي بعده بس حراره ويستفرغ كثير

واهلي مسافرين لو رحت المستشفى فين احطه

ان شاء الله يستحسن هو بعدين افكر بنفسي

شكرا لسؤالك

[سوسو *$*]

الله يعين ويسهل ولادتنا ماباقي شي وربي مشتاقه لنونو

[ميرآل]

صبااح الخير
أنا موعد ولادتي 13 محرم وبكرية هذا اول حمل لي
وتعبت من الثقل وووووووكل شويه الحمام
الله يقومناا بالسلامة ونسمع الاخبار الطيبة عن الجميع

[يـــونا]

هلا ميرااااااااااااال

الله يعينك موعدك قبلي بيومين ^_^

يالله هانت

[دلع جود]

هااااي كروشات
ميرال انا مثلك بكريه و موعد ولادتي 13-1 الله يسهل علينا يارب بس يجيني طلق ونفتح 1 سانتي عندي

والله يابنات نفسيتي مرااااا زفت من التعب والثقل وهذا غير خوف الولاده لاني كل ماانام اتحلم
بالولاده مدري احس بجيني حاله نفسيه
احيان ابي اولد بسرعه من التعب واحيان اقول لا لاخلاص ماابي اولد خايفه من ولاده
وغير كلام اهلي كل شوي يتصلواااا هاه جاك طلق ولا يعني قمه القلق

بنات انا الى الحين معي الم في اسفل الرحم شد قوووي لما امشي اتالم مره يروح ومره يخف ومره يشد حيييل ومايزيد الا وقت الليل وقت النوم
اااااااااااااه بس والله تعبنا متى نخلص من هذا كله على خير
يارب رحمتك ارحمنا وسهل علينا

اما عن الخلطات حق النفاس انا بجرب الخلطه الصابونيه

1-صابونه الكركم ---------------- ( تبييض+ نظافة+ تشيل الحبوب الدهنيه بالجسم )
2-صابونه الغار-------------------- ( تبييض + نظافة وتشيل الحبوب وتصفي)
3-صابونه السحرية------------------------ ( تبييض)
4-صابونه البابايا --------------------------( تبييض + تشيل الحبوب وتوحد اللون)
5-ماي ورد قلاص وربع------------ ( ترطيب نعومه تبييض)
6-اشوية كركم جسم ------------------------( تبييض)
7-ملعقة كبيره ملح خشن ---------------( تطهر الخلطة + نظافة)
8-ملعقتين كبار سفيد اب مطحون- ---------- ( تبييض)
9-ملعقة وسط نشا----------------- ( تبييض + لتماسك الخلطة)
والحين نبشر صابونه الكركم وصابون الغار و الصابونه السحرية وصابونه البابايا
نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون
نبشرهم ونحطهم في صحن بروحهم راح تصير عندج كميه من الصابون المبشور
نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم
أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل
وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله
طريقة استخدامها:
مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو
وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون


لتبييض الابطين استخدمي جلسرين مع زيت زيتون لمدة شهر وانشالله تبين النتيجه بعدها

وتضيق قشر الرمان لانه مرااا حلو نتايجه الكل يقول

اممممم وماادري بعد جالسه احوس عن شي ثاني

[ميرآل]

يونا الله يسهل علينا ونسمع بسلامتنا جميعاً

دلع أنا مثل حالتك ونفس الآلام بالضببببط
ومشكورة عالوصفاات حبيبتي

[ام شمس]

كيفكم عزيزاتي انا ام شمس من العراق اسمي منى وهذا حملي الثالث عمري 22 سنه وتعبانه حييييييييييييييييييييييل وموعد ولادتي 4 محرم والايام احسها متمشي الله يسهل علينه يارب

[حجــآزيــۃ]

السلام عليكم

كيفكم ي حلوآت

الله يسهل ع الجميع .،،

تصدقو مااعرف بالضبط متى راح اولد ههههههههههه

مره يقولو 2 -1 ، ومره يقولو 15 - 1 ومره يقولو 10 - 1

مره دوخوني ^^

//

بسالكم للاهل الخبره دحين الالم الطلق كيف تكون ؟ زي الم الدوره اسفل البطن ولا كيف
ولا شي يتحرك ولا ايش بالضبط ههههههه ؟!

نفسي اعرف كيف الم الطلق عشان لمن يجي اعرف انو طلق ؟!

لانو هذي الايام احس بالم اسفل بطني زي الالم الدوره ..!!

والله يسهل ع الجميع

[ميرآل]

ام شمس هلا فيك أنا بعمرك بعد والله يسهل عليك

حجازية كيفك ؟
بالنسبه لآلام الطلق يقولون انها مثل آلام الدورة او مغص طبعا ماعندي خبرة بحكم ان هذا اول حمل لي
بس ان شاء الله يجوون اصحاب الخبرة ويفيدونك ونستفيد احنا معك قبل مااتفلسف وانا مو دارية بالدنياا