هنا تجمع حوامل الشهر (السابع والثامن والتاسع)

[ميرال..]

صباح الخير

[مــاي عيني]

اهلين عزيزاتي . . .

أنا من الظهران . . . حامل في الشهر ال8

وبدأ الترقب للقريب بكل وجل . . .

[مــاي عيني]

النوم أصبح ذكرى باهتة هالأيام . . والأسبوعين اللي فاتو كنت بدوامه اكتئاب مايعلم بيها الا رب العالمين . . . بس حمدلله عدت على خير هالاسبوع احس اعصابي مرتاحه والضيقه راحت بفضل الدعاء والقراءة . . .

الآن أحس بثقل بجميع عظامي . . بالقوة أنام وبالقوة أصحى من النوم . . . غير اني كل شوي قايمه من نومي ( يعني أنواع قلق مش طبيعي ) . . .

كان موعدي يوم السبت اللي راح . . وشفت البيبي وللآن قوية قلب ماعرفت وش جنسه باتفاق مع زوجي . . . رغم اني متشوقه اش يطلع بس حابه اول بيبي مفاجأة واحس بطعمها بوقتها باذن ربنا . . . .

الطفل متى يتخذ وضعيه المخاض ( رجوله فوق وراسه تحت ) ؟ ؟ ؟

بالنسبه للأكل المفيد في هالوقت بالذات لان الطفل سبحانه الله الشهور الاخيره يحتاج لغذاء
مثل الشهور الأولى . . . بس ودي اعرف اي مكثرات الحليب في الصدر ؟ اش اللي يغذي الطفل ويخليه دغبوووووووجه حلو وزنه ؟ ؟ ؟

وتسلمون على فكره التجمع لان من زمان وانا ادور على احد يجاريني في تجربتي الجديده

[اقصوصه]

ميرال صباح النور والسرور

ماي عيني والله نفس المشكله عندي وعند اغلب الحوامل الله يعيننا بس :(

[ام الغلاه]

ههههههههههههلي وشلون الكل عساكم دوم بصحه وعافيه

[اقصوصه]

هلا والله ام الغلاه بخير شحالج انتي عساج بخير :)

[ام الغلاه]

هلا قصوصه@

وشلونك انا الحمد الله تمام



يختي فيني ضيق في صدري وكتاب


الله يعينا وابو اشباب مورضي يجيب خدامه

[اقصوصه]

ام الغلاه ، استفري ربج وذكري الله واقري قران ترى الحامل بهالمرحله تكون حساسه وتضايق بسرعه ، طولي بالج وعسى الله يفرجها عليج يا رب :)

[ام الغلاه]

هلا فيج #قصوصه

امين يارب


وشلونك انتي عساك دوم بخير


انا ذبحتني اطلوق

الله يستر انا ولدي اصغير جبتا في اخر الثامن


والله خايفه

[اقصوصه]

الله يتمملك حملك ع خير يا رب وتكملين شهرك التاسع وتولدين بالوقت المناسب ان شا الله :)