دردشة حوامل أهل القصيم - دردشة بنات القصيم - تجمع حوامل القصيم

nody · 04-30-2011, 12:16 AM

رسيل انا والله ماجربت الفريح ابدا مره بالمستشفى الحكومي ومره بالحبيب

nody · 04-30-2011, 12:37 AM

طيب الاشاعه الي بالمستوصفات الخاصه ثلاثيه الابعاد؟ومين الدكتوره الي اشاعتها ثلاثيه؟

nody · 04-30-2011, 12:46 AM

الي تعرف وحده تأجر شغاله يومي وسعرها حلو ياريت تقولي

ببريده طبعا

أم أرين · 04-30-2011, 10:43 PM

السلام عليكم ... أخباركن كروشات ...ووووووووينك وأخبارحملكن إن شاء الله بخير ..الله يتمم علينا ...

ردينة · 05-01-2011, 07:37 AM

السلام عليكم كيفم كرررروشات وكيف الثقل وياكم ان شاء الله اموركم تمام

مررررراحب ام ارين كيفك وكيف الحمل ان شاء الله تكوني احسن

اهلا وسهلا بك ياnody بيننا

ام رررررولا طمنينا عنك يالغلا

ردينة · 05-01-2011, 02:21 PM

اهلين كروشات اليوم موعدي عند الدكتور وقال لي انه انا بلاسبوع 22 و حسبها
زوجي حبيبي طلع باقي لي ثلاث ايام واخلص الشهر الخامس وادخل الشهر السادس
ملخص كلامي انه ماعرفت جنس الجنين لانه موباين طبعا بوسط الدوشه هاذي
ماسالت عن وضع الجنين كويس اولا راحت عن بالي تتوقعون فيه شئ الجنين لاسمح الله اولا ومين صار لها كذا ومتي عرفت جنس الجنين ؟؟؟؟؟
بليز بنات ردو علي الله يهون عليكم وعلي يارب

|| A L W A N || · 05-01-2011, 10:34 PM

هلاوات بكل الكروشات...

nody هلا خيتو
انا جربت الفريح قديم جدا.. كان عندهم كادر ممتاز..لكن الحين مدري عنهم!!
------- ------- --------

ردينه ياهلا بك يالغلا..أخبارك والثقل؟ أجل تدخلين السادس وانا ادخل السابع..

بالنسبة لمعرفة جنس الجنين بهذا الشهر عادي ما تبان.. يعني بالسونار..

انا قبل شهر سويت سونار وما بان جنس الجنين..
تقول الدكتورة: انه ما بين بسبب كثرة حركة الجنين..
وبكرا ان شاء الله موعدي مع الدكتورة ..
وكمان بكرا ادخل الشهر السابع..
--------------

أم أرين · 05-01-2011, 11:22 PM

هلا وغلا أختي ( ردينة ) الحمد لله بشرك أنا بخير .. الله يتمم عليك إن شاء الله تفرحين فيه عادي ياقلبي تقدرين تعرفين نوع الجنين عن طريق السونار من الشهر الخامس الدكتوره تقول لي .. لكن بعض المرات مابين كثير أنا كم مره أسألهم يقولون ماهو بين شي مسكر رجوله وقالوا لي في 6 أنه بنووووته الله يفرحني فيها ويفرح جميع المسلمات والحين أنا باقي حوالي 3 أسابيع وأدخل 9 وخايفه من الولادة على أنهم يقولون التسقيط أقوى من الولادة وأنا كنت مسقطه أول في الشهر 5
طبعا موعدي يوم الثلاثاء إن شاء الله ...
هلا وغلا أختي ( alwan) الله يتمم عليك إن شاء الله ياقلبي .. طمنيني عنك ..
(أختي أم رووووووووووولا ياليت طمنيني عنك من زمان عنا )

**طيور الجنه ** · 05-02-2011, 02:07 AM

اهلين كروشاااااااات الله يهون عليكم يارب
كيفكم مع الثقل الله يعينكم
(ردينه )انا دخلت السادس وكان مو واضح يعني لاتخافي
ابشركم خلصت الاربعين عقبالكم يعني بدا التعب والخوف يارب تيسر كل امر عسير رحت البيت بعدين جت الغبره وانحاس البيت شي فضيع ولدي تعب مره وصار معه نزله معاويه والحين خايفه لان الدكتور قال جيبوه بعد خمس ايام كان ماتحسن نظطر ندخله المستشفى ترقيد تكفون ادعوله ان الله يشفيه والله نفسيتي مره حوسه

ردينة · 05-02-2011, 07:03 AM

هلاوغلا بك اخيتي الوان الحمدلله اناتمام وانتي كيفك ؟؟والله يطمنك على نونتك مثل ماطمنتيني وعاد بشري وش تقول لك الدكتورة

ام ارين مشكورة ياقلبو علي الرد والله يهون عليك راح الكثير مابقي الاالقليل الله يبلغك بشوفة البنوتة
................................................
مرررراحب اسفرت وانورت طيور الجنة والله لك وحشة الحمدلله على السلامة
والله الجوامس مررره غبره حنا الكبار انكتمنا فما بالك الصغار يارب الطف بحالنا
الله يشفيلك ولدك ويخليه لك وش سميتي العريس ؟؟؟
......................
الله لايحرمني منكم كروشات علي الرد طمنتوني الله يطمنكم بالعافيه