【ツ】أحلى تجمع لأحلى حوامل التوائم 【ツ】 ‏الجزء الثالث

[شنتوره]

اسماااء وش اخباارك
طولتي الغيبه

[رجواي بالله]

اشكررر كل من دعا لي وياااارب تفرحوا باجنتكم واطفالكم وتشوفوهم عرايس وعرسان
ام منذر حبيبتي طمنتيييني الله يعطيك العافيه بس كم كان وزنها اول ماجبتيها لانو اعتقد الوزن مهم جدا ويقرر اذا الطفل يحتاج او لا

[أحلى أيام العمر]

السلاااااام عليييييييييييييييييييكم
ادري طفشتكم كل ماقلتو ولدت نطيت لكم هههههههههه الله يعين
غنو ماشاءالله والله وعملتيها يبت الف الف الف مبروك ع اخت غنو الله يبارك لك فيها وفغنو يااارب
رجواي ماشاءالله زين منك اللي وصلتي لها الاسبوع بثلاثة لاقوة الا بالله شدي حيلك ياعسوله ويارب تفرحينا قريب
بنات انا اليوم كان موعدي اللي ماادري اش يبغى والله كنت فهم لايعلمه الا الله ووساوس وافكر وابكي مو عارفه اش بيصير والدم عندي قليل المهم اروح للدكتوره فقسم طب الاجنه واتمدد ع السريروتبدا تقيس قاست كل شي والحمد لله كلو تمام ومن اول مابدات سالتها دكتوره راح اتنوم اليوم قالت لسا ماخلصت عشان اجاوب ع دا السؤال قلنا يالله خلصي ياستي وبعد مانتهت قالت ادخلي تنويم خذي دم واجيك الاثنين اشوف الرحم لو بدا يطري اصبر عليك لو لسا قاسي حددت موعد عمليه قلت طيب واخلص اجراءات الدخول ويجو في الطواري يعملو تحليل للهيموجلوبين الا المفاجأه طلع دمي 11 الكل استغرب قالو اجل ليه راجتنا من الصبح وتحاليل ونبض المهم قالو ماتحتاجي دم تقدري تخرجي خرجت وانا احمد ربي لاني مااحب المستشفيات يوووه مااطيقها وبس المفروض موعدي عند الدكتوره الاثنين بس انا راح اكنسله واروح لها الاسبوع الجاي الدنيا اجازه وهي فاضيه احس ماعندها سالفه بس يالله اهم شي كلو تمام ياربي لك الحمد والشكر والمنه ياكريم
شنتوره ابسالك غنو ولدت طبيعي او قيصري؟وسلمي عليها

[أحلى أيام العمر]

اشوفكم على خير النوووووووووم سلطاااااااااااااااان

[أماني آل ظاهر]

صباح الخير كروشات ، شو أخباركم ؟

سديم بسألج : آخر دورة كانت لج 23 / 8 ؟
انا آخر دورة بالميلادي كانت لي بتاريخ 23 / 8 برمضان وكانو التاريخين الهجري والميلادي نفس الشي ؟
شلون سابقتني ؟

انا ألحين 21 أسبوع ومدري متى أدخل الشهر السادس ؟ مدري شي عن الحساب
ياريت ياريتاج تسوين لي شريط حمل ..


دعواتكم لي بالصبر وبتفريج الهم اللي أعيشه
وادعو لتوأمي


لن أيأس وينج حلمتج ...............




سلام ،،،،،،،،،،،،،،،،،،،،،،،،،،،،، متابعة بصمت

[رضاك ربي]

المشاركة الأصلية كتبت بواسطة ام منصور

السلام عليكم
غنو الف الف مبروك والحمدلله على سلامتج ومبروك البنوته ربي يحفظها لج ان شاء الله

رجواي ياعيوني
توكلي على الله وربي لا يحرمج من شوفت عيالج وايسرلج ولا تج ان شاء الله ياقلبي
طمنينا عليج حبيبتي قلبي عندج وادعي لج بهالمطر ان شاء الله

خواتي الغاليات
شو اخباركم اتمنى تكونون بخير وصحه حبيباتي

رضاك
بدا الثقل ياختي وشكله القولون يبغي يلعب معايه لعبته معاج ااااه منه
تذكرتج لما مغصني

حبيبتي معافاية يارب وان شاء الله يكون عارض ومايستمر فترة الحمل

[ام منصور]

سديم
تسلمين ياقلبي على الموضوع معلومات حلوه اغلبها ماكنت اعرفها
الله يعطيج العافيه يعيوني

شنتوره الحلوه الاموره
ياقلبي انا بخير الحمد لله تسلمين فديتج نتريا ولادتج بالسلامه ياقلبي

رجواي بالله
حبيبتي استودعيهم رب العالمين وربي يفرح قلبج فيهم معافين ان شاء الله وتضمينهم لصدرج ياعيوني

احلا ايام العمر
ياختي ياكرهها هالدكتوره سبحان الله فيه دكتورات قلبج ينشرح لها وفيه غثه ماتعرف اطيب خاطرج بكلام حلو
الحمد لله انه الدم ارتفع عندج وربي يكتب لج ولاده يسره وبالسلامه ياقلبي


اماني
شحالج الغاليه وشو نفسيتج الحين خليج متفائله فديتج وامورج كلها بتتعدل باذن الله وفكري في اللي في بطنج وكيف ان شاء الله بتستقبلينهم ربي يتمم حملج على خير ياقلبي


رضاك
ربي يعافيج ياعيوني

[ام منذر]

صبااااااح الخير للحلوين الكروشااات

سديم ورنين
ماشاءالله مشكوره حبيبتي على المعلومات الحلوه عن السائل


سبحان الله نقصه خطر وزيادته خطر انا عندي ينزل السائل

علشان كذا انا بالمسشفى تحت الملاحظه واحاول ماتحرك كثير

وكل شوي يحطون تخطيط للتوينز وخايفه ينقص عندهم المويه

واقول للدكتور ابي اعمل سونار يقول مو ضروري على

اساس مسوينه الاسبوع اللي فات الله يسهل ويثبتهم على خير


رجواي كانت بنتي تقريبا 2.4 كيلو بس كانت صغييييييره*

[غربة مشاعر2011]

صباااااااااااحكم الله بالخير

الله يعافيكم يا رجواي وام منذر واطمن قلوبكم على توينزكم يارب بقدرته وحواه وقوته يحفظمهم يارب

اللي عندها نقص فالسائل عليج بماي زمزم عن تجربه ضرورب استمري واقري عليه

[لن أيئس]

المشاركة الأصلية كتبت بواسطة أماني آل ظاهر

صباح الخير كروشات ، شو أخباركم ؟


لن أيأس وينج حلمتج ...............


سلام ،،،،،،،،،،،،،،،،،،،،،،،،،،،،، متابعة بصمت

وعليكم السلام
باهلا وغلا فيك قلبووو
أخبارك وأخبار توأمك يارب تكونون بصحه وعافيه

الله يفرج لك كل هم وغم ويحفظ لك توأمك ويقرعينك بشوفتهم بكامل صحتهم وعافيتهم ياااااااااااااااااارب

قلتي حلمتيني
لاااااااااااااااااااازم تقوليلي وش حلمتي !!
يارب انك حلمتيلي بتوأم هههههههههههههههههههههه

فديتك وربي كل ماتذكرتك دعيتلك بالفرج والتوفيق ويحفظ لك توأمك من كل سوء ..
هاه تريني أنتظر اسدحي الحلم ...........