تجمع حوامل ليبيا

[ميمونة]

ام رفيده كل عام وانتي بخير لاباس عليك علاش ماتقدريش تخشي تقصقيص ههههههههه

[عيون زوجي]

السلام عليكم
الحمدلله فينيش
سيقت الكوجينه ومسحتها بالمعطر من ريحة الزفرة وحطيت القلايه عالنار
والبطن غسلتها وقرضت المعلاق وشويه لحم معاها
درت لحم شواء تبلته وخليته يتخمر للعشيه ماسي
وتغدينا لحم مصلي في طنجرة البورديم درت كتف تام وشبعنا منه ولله الحمد
شنو تاني
العصبان ماعنديش خضرة بنديره تالت يوم العيد
اليوم ماكنتش مدايرة حساب مقلب سلفتي واني رح نعيد في حوشي بروحي
ولله الحمد دبحنا الساعه 11 وكملت حوستي الساعه 2.30
توا مقعمزة رايقة ومدايرة دوش وفي ايدي طاسة شاهي اخضر بالزعتر وحميدة يلعب جنبي وبنتي وبوها طلعوا يلوحوا في الكناسه حاشاكم
تقرير تام صح

[ام وسونة]

هده ليك ياميمونة صحة على قلبك

[ام وسونة]

اليوم ماكنتش مدايرة حساب مقلب سلفتي واني رح نعيد في حوشي بروحي

ايوة شن هو المقلب وصحيحة غداكم

[ام وسونة]

مسكـــــــــــــــــــــين الجليل

[ميمونة]

هههههههههههههه

هده كلها ليا اما وسونه بطني كبيره هههههههه خلي نعزمو عيون اها هنا والا يلحق ياكل

انا توا نستادن كمل باقي شغلي والله حسدتك ياعيون طاسه شاي متكيفه قولي لي ام وسونه تجبيلنا حلويات بعد هالعصبان

[ميراس]

يعطيهالك ياام وسونة علي هالسفرة تي خيرك معاي انت شن الجو امتع العصبان والشواء في من اتشوفي توا انت تري قوليلي والله ياتمورة الا صح ليك خدمتيها صح تستاهلي عيون شن الجو عندكم في طرابلس هادي والاشني انا بنشرف ليبيا انشالله بعد يومين تلاتة بالكتير واخير راجعة طبعا انا قبل مانبيش انروح لكن الكيب حلفلي بيمين حرام مانقدرش حرام مرته تطلق علي خاطري ماقيهاش قالي الوضع في ليبيا ملبز لازم نرجعلهم ونرتبلهم امورهم بعدين ساهل والمشكلة الحكومة مايقروش ايشكلوها لين انا انصدق عليها ونعطيهم مباركتي يلا معليشي عالخاطر ليبيا نتحملوا ام وسونة مرات نستحقلك نبعت وراك ماتعطليش الحقيني مش مشكلة العلاج اجليه باهي لان في وحدين عندتجاوزات يلزم التحقيق معاهم وماينفعش فيه واخد منهم المعلومة الا انت ماشي حي عليك ياعيون توا اتشوفي اجليل كيف انديرله لما انجوزه تلات وحدة من مالى والتانية من النيجر والتالتة تارقية كمشة مرتزقة ايوروه تعدد الزوجات شن شكله والاولي بنخلوها تستحلي فيه باهي

[ام وسونة]

اهلين مرة اخرى

وينكم شكله مافيش حد الااني

وخيه ميمونة اني درتلك الصفرة وانتي

اعزمي اللي تبيه ههههههه

ووخيه ميراس صفيرتك توا نزلهالك باش

تروحي لليبيا من الحدود طول للمطبخ طيبي

ههههههه هادوا للتجويع

[عيون زوجي]

خبر عاجل نقلا عن رويترز :- موسى ابراهيم يصرح :-

.
.
.
... .
.
.
.
.
.
.
.مايكدبووووش عليكم ,,, لا تصدقوا اعلام الكذب ,,,, راهو العيد يوم الاثنين
ههههههههههههههههههههههههههه

[عيون زوجي]

بنعدبكم ومش مقايلتلكم شنو صار معاي مع سلفتي لغدوة
ام وسونه حي اعليك راسك ياكل فيك
ونحب نشوقك من ربع ساعه استاكينا مع بعض دعكه