دردشة بنات المدينه المنوره - تجمع حوامل بنات المدينه

[Na3oOomi]

صبــــــــــآح الخيــــــــــرآت ياحلووؤوؤين ..~

انا متابعتكم من زمان وكل ما التبس عليا أمر ادخل واقرا واستفيد منكم ..~

الله يعطيكم العآفية ويقومني ويقومكم بآلسلآمة ياآآآرب ..ْ~

ســـومآ الف الف الف الحمدلله على سلآمتك والله تأثرت بكلامك مرة وخفت بصراحة الله يقومك بالسلامة يارب ويباركلك ببنوتتك ويجعلها تقية نقية صالحة بارة قرة عين لك ولوالدهآ يارب ...

أنا بكرية ودوبي دخلت السابع .. كنت اراجع بمستوصف الوطني السعودي اللي بالسبع مسآجد بس خلاص سحبت ملفي من عندهم وماني عارفة فين اروح ..؟!!
مررررررة محتآرة زوجي مايبغآ الزحمة والانتظآر وانا ما اعرف شي .. تنصحوني بإي مستشفى ودكتورة ؟ .. وانا افكر اروح عند الدكتورة اللي بولد عندها بس محتارة اختار الالماني ولا المواساة والا الاحمدي ايش رايكم ؟

ساآعدوني بليــــز ..ْ~

[احلى ليان]

سوما .. لولولولي الف مبروك يالغالية والحمد لله على سلامتك وسلامة العروسة تتربى في عزكم وجعلها ربي من مواليد السعادة وقرة عين لكي ولأبوها.. والله يكتبلك الاجر ويشدك بالعافية..
ام اجوان .. لسه معاكي بوح لا تخافي سوا انتو التنين سباق مين تولد قبل ههههههههه الله يفرجها عليكم وعلينا اجمعين انتو الشهر ده واحنا الشهر الجاي ان شاء الله..
توته... الحمد لله على سلامتك ياقمر نورت المدينة والحمد لله من تعب السفر والله يعينك بعدينت على تعب الولادة .. الله يسلمك واجبنا نسال على بعض ..
اظن كمان انو دلوعة زوجي حبيبي ولدت لها كم يوم ما بتدخل ان شاء الله تطمنا عنها..
دانة الدنيا .. في باسلامة في قباء وفي كل شيء للاطفال وهوم بيبي في طريق المطار .. وفي كل مجمع في المدينة تلاقي ملابس اطفال .. بس احسن كل شي للاطفال .. وفي سنتر بوينت كمان خاماتهم ممتازة صح غالي بس تمنه فيه لكي وللزمان.. غسيل وكرف هههههههههه.. اقصد غسيل ولبس ..
ورحيق بخير والحمد لله طمنتني عنها..
وان شاء الله باقي الكروشات الغايبين يطمنونا عنهم..

[امنيتي اشوفك اياد]

مرحبا ي حلووين ...
كيفكم ي كرووشاات فديتكم ؟...
اامممم ابي اعرف حاليا في تخفيضاات في مذركير ؟؟؟؟!!!!!!!!!!
وتسلموووو ي عسولات ..

[امنيتي اشوفك اياد]

ابشري ي <<احلى ليان <<
ان شاء ي قلبي لمن اشتري ملابس البيبي اقولكم وانزلها صور
بث محل بيبي هوم فين ؟

سوري رجيتك انا اسفة بس مشان م نعرف الاسواق بالمدينة
فديتك ام ليان جزاك الله خير

[أسوووم]

كللللللللللووووووووووووش الف مليووووووون مبروووووووك الحمد الله على سلامتك ..

وتتربى في عزك البنووته والصفار لا تخااااافى اغلب البزوره يجيهم بس شمسيهاااا ولحسيها عسل بـ هرده وان شاء الله ماعليها شر

وعقباااااااااالي انا ليلي طوييييييل .. ادعوولي يابنات

يااااارب ارزقني ولد صالح كامل معافى سليييييم

[زوجي جنة دنيتي]

الحمدلله على السلامة سوما بكري كان فيه الصفار

وعطيته سكر نبات مع اليانسون والكراويه وشمسته

وبدا يختفي الصفار الحمدلله من عيونه

والحمدلله تشافى بس نصيحة اخت

انا ولدي ماقالوا انه فيه صفار

بس امي واللي زاروني انتبهوا

اذا بنتك اعطاها الدكتور علاج

اسمعي نصيحته هم يقولون

الصفار عادي يجي كل البزورة

بس للاحتياط عادي اعطيها سكر نبات

وكمان علاج الدكتور وربي يكتب لك العافية

[احلى ليان]

امنيتي اشوفك اياد .. يا قلبي بيبي هوم في طريق المطار جنب كل شيء للاطفال اممم جنب المحلات المرصوصة جنب بعضها الطازج وارجوان " حق الاحذية " الله يكرمك ووتلاقيه على نفس الرصة..
اسوم .. ياقلبي الله يعطيكي ويرضيكي اللي تتمنيه بس لا تستعجلي ليلك طويل هههههههههههه تبداي في سنة و .تولدي في سنة هههههههههههه قليل اللي يحملوا من بداية السنة ويوكون الحمل والولادة في نفس السنة بس ربي يهونها على الجميع يارب..

[أسوووم]

أحلى ليان ..الله يسعدك يارب كتري من الدعاوي الحلوة دي بس أنا ياقلبي حملت في دي السنة وإن شاء الله وإنتي طيبه بولد فيها يوم ٥ ذو القعده بخلص التاسع يعني إحتمال أولد في شوال لأنو ساعتها أكون دخلت التاسع وأي وقت تجي ولاده إن شا الله ماأطول حتى لوبكريه يقولو الناس البكرية تطول بس ييللا كل وحده تقول في بكريها في أيت أسبوع من الشهر التاسع ولدت عشان نعرف المقولة دي صح ولا لأ

[بوح التفائل]

يسعدلي مسائكم ياكروشات ياحلوين

ام جوان انا معاكي ربي يسهل علينا وعلى كل حامل

[احلى ليان]

تسلمي يا اسووووووم .. انا عن نفسي خلصت التاسع واخر شي قالتلي الدكتورة يومين ازا ما ولدتي تجينا نولدك ونساعدك.. وحتى لمن رحت وكانت فيه كل علامات الولادة الرحم كان مفتوح 1 سم بس.. وحطولي جل فتح الرحم وفي الليل ولدت والحمد لله .. بس هيه تساهيل من رب العالمين..