.·¤ تجمع الحوامل اللي ولادتهم في محرم¤·.

[Marawy]

المشاركة الأصلية كتبت بواسطة دلع الأحساء

ترى تحمست بقوه خخخخ 100 حبه تكلف يعني 100 ريال توزيعات
وكم سعر الحلاوات تغريبا؟؟ عشان اعرف من الحين واجمع من الحين
ومتى نبدء نسويهم
انا عن نفسي انا بسويهم مابوديهم محل لان عندي لمسه فنية على قولتهم خخخ

100 حبه احسهم كثير .. بس لو ما بتسوين توزيعات ثانيه كفايه 100 حبه ..*

ودام تعرفين تسوين تغليفات وجي سويهم بروحج افضل واوفر .. انا زوجي رافض انني اسوي اي شي بالبيت .. كل يبيني اخذه جاهز .. ما يحب يشوفني اشتغل ههههههه*
ابتدي فيهم من الحين لو قدرتي او بنص الثامن .. يعني عشان الميزانيه بعد .. كل مره خذي شي .. عشان ما تكلفين على زوجج ..*
وحتى لو سويتيها من الحين ما راح تخترب لان الحلاوه عليها تاريخ انتهاء وتكفي لسنه اتوقع .. والفلوس ما تخترب ..*

[عيش الحياة]

ملكة

الحمد لله دام بخير انا بخير
وانا كمان ما ابدأ مشي الا من التاسع لأن بصراحة اخاف يصير شي بس من التاسع ان شاء الله اكون مطمنة في المشي
امشي نص ساعة باليوم وخلاص اتعب بس الانتظام في المشي يختلف من حامل لاخرى في يمشو ويولدو بسرعة وبعضهم يكثرو مشي ويخلصو التاسع وماولدو على حسب يختلف والله يسهل على الجميع

[اعز الناس عافوني]

المشاركة الأصلية كتبت بواسطة marawy

اعز ..*
خلاص كلنا بناخذ الابيض الطبي عشان نصير مثل بعض .. وبنقنع بنات التجمع بالابيض هههههههه ام التوينز بيكون حلو على بناتها الابيض ثنتينهم نفس الشي ما شاء الله فديتهم ..*

والاسم بتحبينه اكثر لما تشوفينها بين ايدج .. ويقولون ان البيبي اول ما ينولد يكون مسمي نفسه بنفسه سبحان الله .. يعني اكيد بيليق عليها اسم فطووومه .. وعشان تتعلقين به اكثر خذي قبعة صغنونه لونها ابيض من سنتربوينت واكتبي اسم النونو بالفصوص( سوارافيسكي) بيطلع رووعه .. اختي عندها الجهاز اللي يلصق الفصوص وان شاء الله بسويها اول ما ترجع من السفر.. *

حبيت الحركه مراوي بسويهااا ان شاء الله ياادبه شوقتيني لبنتي اكثر واكثررر احس ودي اششمها واضمها حييييل
الابسالك وين القا مثل الجهاز اللي قلتي عليه

[Marawy]

المشاركة الأصلية كتبت بواسطة Noga88

هههههههههههههههههه اما بطاقه شحن لا ماسويتها بس يمكن اجهزها هههههههههههههه


تعالي حيااااااااااااااااااااااااااك ناكل سوا ونتفق ع الافكار هههههههه بس لاتطولي عندي دوام

دلع ... سالت الصيدلي والله وقال مافيه شي بس تخبرين الخوف والوسوسه
والله ودي اطلع واخذ اجازه واصارخ ع البنات بس امسك اعصابي مالهم ذنب حرام
وبالنسبه للمصاص تلقينه عند هذي المحلات اللي تكون محامص مكسرات وكاكاوات زي الفلاج وهالطقه انا من هناك اشتريها
بس ماراح اسوي 100 حبه .. ماراح يجيني كل هالاطفال اتوووقع 50 وكثيير بعد احنا مايجيبون بزارينهم ابد.. بس يمكن اعطي للأم وهي طالعه للبنوتتاتها

يب يب فهمت الفكره طبعا ...
اي ماشاء الله احس انك فنانه.. وامي تحب هالحركات بقول لها تسويها لي وزوجه اخوي تساعدها تحب هالشغلات
لاتنسي تحطي بطاقه تسويها بااسم حمودي مع المصاصه وش رايكم!!


بنات عن اذنكم عندي دوام بكرا .. ودي اريح شووي
تكفووون لاتكثروا الصفحات
تصبحون على خير

فديتج .. تعزميني وتروحين تنامين ! ههههههههه وين السنع يا عرب هههههه*
نوم العوافي فديتج .. احلام سعيده ..*

حلوه فكرة البطاقه .. زوجي يقول مافي داعي .. ولو نقدر نسوي البطاقه بنفسنا .. او حتى نقدر نطبع البطاقات على شكل دائره بحجم الحلاوه وتلصقينها هلى الحلاوه وتصير مثل هذي ..*



او هذي



وبدل الصور تكتبين شعر للنونو باسمها .. وتحته اسم ابوها لو هو حاب يسوي لها .. مثلا

سلام منا على الخلان
أحلى تحايا من الوجدان
الله وهبنا الغالية ((... شيخه ....))
جاتنا ونورت كل المكان
قدومها اليوم للفرح عنوان
تقول للي انتظروها
أنا وصلت اليوم هبه من المنان


او تكتفين مبدعاء صغير مثل هذا :

اللهم اجعل (شيخه) قرة عين لوالديها واحفظها


وشرايج ؟!

[دلع الأحساء]

مراوي بسوي 100حبه حلاوه لان مابسوي توزيعات غيرهم يعني الي يجي بعطيه اذا جاو ناس من غير بزارين بوزع عليهم
واذا معاهم بزارين بوزع بس لبزارينهم والحريم بعطيهم حلاوة شكولاته
ومع كل حلاوه ريال واحد بس ولو في نص ريال ورق كان حطيته بدال الريال خخخخ
اي نوقا عرفت المحلات اممم احنا عندنا بالحسا سمير بو سرور
ونوم العوافي
اعز امشي تحمسي معنا ونسويها كلنا لان حلوه الحركه وماشي فيها ينرمي
من الحماس صحيت زوجي من النوم وقلت له بس ينزل الراتب بشتري الحلوات انت عليك الحلاوات وانا علي من مكافئتي الريالات خخخخ

واه بث تحمست متى ينزل الراتب بس

[قصيميه وافتخر]

سلام عليكم

اخباركم

بكره عندي موعد الصبح دعواتكم

ان شاء الله اذا ربي جاب البنوته بصحه وسلامه البسها زيكم ابيض هي واختها

وتصبحووووووون على خير

[دلع الأحساء]

مرواي فكرت البطايق مو داخله مخي ابصراحه
لان بصراحه لرحنا لوحده والد ناخذ التوزيعات ونرمي البطاقه في الزباله
وناس ماتنتبه ان بعض البطايق فيها اسم الله
و حتى لو مافيها اسم الله مايدعيني قلبي يرمون اسم ولدي خخخخ

[دلع الأحساء]

قصيميه وانتي من اهله
بكرا انا وانتي وام التونز و نوقا عندنا موعد
ربي يطمنا
اقصد اليوم الصبح مو بكرا خخ

[دلع الأحساء]

بنات دعواتكم لولد اختي توه متنيم في العناية المركزه

[Marawy]

المشاركة الأصلية كتبت بواسطة اعز الناس عافوني

حبيت الحركه مراوي بسويهااا ان شاء الله ياادبه شوقتيني لبنتي اكثر واكثررر احس ودي اششمها واضمها حييييل
الابسالك وين القا مثل الجهاز اللي قلتي عليه

فديتج وفديت طمطووومه الحلوه .. الحركه عاجبتني كثير خصوصا لما بالمستشفى تلبسينها القبعه بيضه وعليها بالفصوص اسمها .. واااو ..
الجهاز مدري من وين اختي شرته .. وهو مثل القلم .. مثل هالشكل*







واتوقع ممكن تحصلينه بالمنتديات يبيعونه او بالمركز التجاري .. ابحثي بالنت باسم ( جهاز تركيب الفصوص) وراح تحصلين عنه ..*

ولو ما حصلتيه تقدرين تلصقينهم بالمكواه .. مثل الخياط .. تحطين الفص مكان اللي تبين وتسخنين كواية الملابس وتحطينها عليه بس حاسبي حاولي تحطين قطعة قماش بينها وبين القبعه عشان ما تحترق وتخترب ..*