تجمع حوامل ليبيا

[ام قصى محمد]

ايه بعيد السو على بنيتك تعرفو حتى انا جنى اليوم عندها حراره راقده مسكينه وعيونه حمر والله شاغلتنى مش قادره نرقد وبكرا عندى تصحيح
ميراس حتى انتى واحشتنى حبابه

[ام وسونة]

نهاركم حلو يارب

كيفكم ياحلوات قداش ليا ماقصقصتش

يلا كل وحدة تخش تحكيلي علي اخر اخبارها

[يقين]

السلام عليكم مرووووووووووووسه تواحشتك وينك مغيبه اسكتي ساكته اهلي مشوا لحوشهم في بني وليد مشاااااااااااااااااااااااااالله علي الا سلوب اللي مكسكسين بيه الحوش وحوش خوي واااااااااتي مش نا قصاته حاجه علي اساس بيتزوج فيه رافعين منه التلفزيونات وطاوله وكرسي خزف
وحوش اهلي رافعين زوز لاب تبوات متاع خوتي ورافعين هاتف ريفي حتي الخدمه ما يخدم حنننننننننننننننننننننبه وتنكيت وتكسكيس بالرصاص مانعرفش علاش هالغل والحقد هادا كلع علاش عليشان ناصروا معمرهما حرين كل واحد ورايه مش قلتوا ديمقراطيه اااااااااااااااه بالله خليني ساكته حتي اللي كان مع الثوره حقد عليها تعرفي ولد جيرانه قسما عظما خوه ميت في جبهه البريقه مع الثوار لقوه بيركب في سيارته بيطلع وقفوه خدوا منه سيارته وهو واقف ظلم عيني عينك ربي ياخد الحق وينصفنا اللي داروه مايرضي بيه لا ربي ولا عبيده واللي راضيه تقول هادا صح

[يقين]

ام قصي كيف حالك تي وين معاش تخشي علينا ولا خايفتينا نطلبوك في حاجه اه شويه قديد ولا شويه عصبان
ام اجنادين تاخذي اللحم وتشرحيه وتحطي عليه كركم وفلفل وملح وتخليه وتخليه يجف شوي وتحطيه في الماكينه اللي تجفف في الفواكه او كان ما عنكش حطيه في التوستر وخليه ساعتين حطلعيه قديد صح حطيه في حفاظه ويري منه يهبببببببببببببببببببل قالي راجلي هادا قديد مراهقات هههههههههههههه
ام وسونه اهليييييييييين بيك تواحشتك وكيف حال بنيتك
ميمونه يمشوا ويجوا باللللللللللللللللف سلامه وان شالله زي ما سقدتي تلاقي
تموره شنننننننننن حالك ووين الحوايج اللي وصيتك عليهم هادا غير بتجيبيهم علي طول
ليبيا قلبي كيف حالك وحال بنيتك لا باس عليها وان شالله تشوفيها عروسه وتفرحي بوليد عن قريب ولا ما خاطركش هههههههههه عارفاتك خايفه من الجياب زيي اني

[ميمونة]

السلام عليكم

واخيرا والله مانحكيلكم عالتعب تصدقوا من امس مارقدتش والله تسكدو اهلي للحج الفجر وطبعا الحوش زحمه خالاتي وعماتي امس النهار علي طوله وكملو باتو لحد ماسكدوهم والحمد لله اتصلوا بينا توا وقالوا وصلو

بارك الله فيكم ==ام اجنادين==ميراس--ام قصي--وام ناريز==وايه السنفوره--ويقين==وام وسونه --عقبالكم يارب

[ميمونة]

ايـــــــــــــــــــه--تفضلي في اي وقت من غير عزومه طبعا والله انا متحشمه معاك ومع اختك بس والله غالب ظروف منعتني الجايات اكتر من الريحات

[ميمونة]

توا سلام نتلاقوا ياحلوات

[ليبياقلبي]

سلام ليكم امس سهرت انا وايوتة عالفيس الحق ارتحتلها خاطري نتعرف عليها وجده لوجه يارب يجي اليوم هدا

[ليبياقلبي]

يقين انا مفهمتيكش علا من تقصدي علا الكتائب ولا منو التوار لي دارو هكي وبالنسبة لي اخباري كويسة اهو بنتي باهي الحمد لله حالها اتصلح علا قبل وبالنسيبة للجياب خايفة موت
ميمونة يوصلولك بالسلامة وسلمليلي عليهم
ام قصي ابعاد السوء علا بنيتك

[ليبياقلبي]

امس مشيت بتت في حوش اهلي جو خواتي مدايرين بزار جو حلو الجق مدايرين بزار في الخمس سوق خيري مش يجعموا بيهم اضحية امس ديرنا حاجات حارة ديرنا مكرونة محشية وسيجارة جو يهبلوا وشاورما طبعا انا نحب ندير وناكل الحار اكتر من الحلو