ديوانية البحرين - دردشة حوامل البحرين - البحرينيات

[فلونة]

اقولج سنفورة ما خذينا ماجلة هالشهر ريلي يبي يوديني وانا متعايرة مافيني شدة اروووح يلا طرشي لي جان عندج ،، وعلا سالفة البيبي انا اتحجى كله انه ولد لانه ماعرف شنو فيني واقول بطل وما يندرا شنو يطلع بعدين عروس ولا عريس اهم شي السلامة

روز اخذي لج بنفسجي لون بناتي وتغيير عن الوردي ،،

[طفلي حياتي]

اني شفت في مذركير الوان محايده تهبل وروعه روحي شوفي روز وي على افادي اذا ولد فراشه وردي وفيه حركات بنات امايي ناصر

[Roze]

رحت اعور في المطبخ ابحث عن طعام

ماليي الا الخربطة جبس وكاكوات

البنفسجي جيد بس مو كل الدرجات
اني احب الاخضر
بسحب ريلي ويايي وبنشوف ذوقه مع اني اعرف بقولي اخدي الي تبينه افف

[Roze]

للحين مارحت مذركير
ان شاءالله الايام الي جايه بأذن الله
وباخد كل شي نوبة ماقدر اروح وايي

[فلونة]

انا كل من يجوفني يقولي فيج بنوتة وصار عندي احساس ان فيني بنوتة جميلة نفس امها بس اغراضي كلها بييييج وابيض مع ان حلو حق البجر تجهزين ملون بس شاسوي

[Roze]

فلونة هالتجهيزات لاول الاشهر بس
لاحقة تتشرين الالوان الي تعجبش وتكشخين ضناش

[طفلي حياتي]

تأخرت على المشيه احب سوالفكم ثنتينكم وفلونه ما تتحصل صايره مغروره من قربت ولادتها عفر بقوم اتجهز وامشي
الققاكم على خير تعالي في الليل فلونه للسهره مو وايد شوي اوكى؟؟
يلا باااااااي

[فلونة]

روز سوي لج لستة قبل لا تروحين لا تصيرين نفسي رحت جني هبيلة اطالع الاغراض واحط في السلة ماعرف شاخذ وشاخلي بس اذا رحتي مرتبة افكارج يختلف الوضع انا باقيلي ملابس داخلية مو متشجعة اخذ المفتوحين مال الرضاعة احسهم مال حريم كبار شرايكم

[Roze]

اي بسوي لسته بكتبها ويا طفطف الهايته
الستيانات اني قالت لي اختي في نوعيه تنفتح منصوب السير ببلاستيك في السرور يبيعونهم علا دينار وشي

[فلونة]

سنفورة بليز لا تحاولين تيسري اما بعد الذي قلتموه فلا والف لااا :p
يلا درب السلامة ودعواتج لنا بالتساهيل