تجمع حبيباتي الكروشات اللي راح يولدون بشعبان

[سلافتي]

وااااااااي على ذا السونار الله يشيله والله
بديت اوسوس وأنا ماحملت
من جد يوهق
الله يعينكم يابنات والله يصدم
انا اهم شي عندي التجهيز لانه وهقه
ولا البيبي كل شي من ربي حلو الحمدلله على فضله ومنته
انا من زمان اقول اذا ربي رزقني بحمل
بجهز لنفسي اول وبعدين اخذ الاشياء
اللي تجي ولد وبنت >> سرير عربه ملابس داخليه بيضا
والباقي بالسابع

[سفن بارد]

كنق حبيبتي اذا ماكنت جهزتي مافيه مشكله واذا كنت مجهزه الشكوى لله خبيها حتى يرزقك ربي بنت وجهزي من جديد وكلهم حلوين البنت والولد الله يتمم علينا يااارب ويفرحنا

[خوخه بريه]

هلابكم ياعسولات
نعومه ماتشوفي شر
وتسلمي عالدعوة

نسمه سويتها بالطايف في مستوصف الوطن

سفونه تسلمي ياعسل

كنج سوي الرباعيه ترتاحي
انا سويتها وشفت بنوتتي
بس من ورى البنت عنيده خخخخخخ

ربي يتمم لنا ع خير


بنات تجيكم مغص زي الدورة مع الارجل والظهر
دقايق ويروح
مره في اليوم احس فيه
خصوصا من دخولي للسابع

طمنوني بالله

[تفاحه الفردوس]

مبروك عليكم التجمع والله يسهل علينا الولاده انشاء الله
انا اولد بإذن الله في 27/8/1433 شعبان
والحين انا بالشهر السادس وعرفت جنس الجنين بنوته
انشاء الله تجي بالسلامه والله يقومني بالسلامه

[king_ro7e]

لـآ ـآلحمدـآلله سفن شريت لون محـآيد

وـآلحمدـآلله ـآلي يجي من ـآلله حيـآه ـآلله ـآهم شي ـآنه يوصل بـآلسلـآمة ومـآفي ـآلـآ كل خير :)

خوخه بريه.. ـآنـآ كـآن يجيني ـآلم ـآعظم من ـآلدورة وخـآصه نهـآية بطني وظههري ولـآرحت دورة ـآلميـآه وـآنتي بكرـآمة ورحت ـآمس طلع معي ـآلتهـآب شديد

ـآلله يعين ونولد بـآلسلـآمة

[baby`s smile]

نعوماا الف سلامة عليك يااحلوووه

كنج والله ووهقه هالسونار .. هههههههههههااي
اهم شي السلامة واللي من الله يامحلاه

خوخه اتوقع الألم هذا طبيعي
لان اهلي يقولون لي اذا دخلتي السابع يجيك الم خفيف ويروح
عشان الرحم يستعد للولاده

سلافتي اخبارك يااعسل ؟!!

[baby`s smile]

حيااااك الله تفاحه

شو اخبارك ؟!! وكيف النونو ؟!!
انتي بكريه ؟!!

[Miss YoYo]

مــــراحب ياحلوات
اخباركم وأخبار نونواتكم ؟

الحمدلله مشو اللي كانو عندي البارح الليل وخلاص الإجازه انتهت ورجعنا للدوامات
ورجعت فاضيه زي قبل ماعندي غيركم

نعومه : سلامتك ماتشوفين شر يالغلا .. كل شي ولا الجهاز التنفسي احسه اذا خرب
يخرب مزاج الوحده وعيشتها كلها .. ربي يعنك

أم لبنى .. ما انصحكتاخذين من راسك حتى لو كان مصروف لك من قبل
الإلتهابات انواع يمكن اللي تاخذينه مايناسب حالتك الأفشل تراجعين
وربي يشفيك إن شاء الله

خوخه : ماعليك شر إنتي والبنوته إن شاء الله ... بالنسبه للتليفات انا سمعت انها
لو مخفت يشيلونها بعد الولاده عادي .. بس ماعندي فكره عنها ربي يسهلها عليك
بالنسبه للألم اذا ماهو قوي بزياده وماكان فيه افرازات او شي عادي لا تخافين منه

أم الحليون : سلامتك ياعسل قدامك العافيه إن شاء الله

King_ro7e: كثير يخربطون فيهم خصوصا اذا كان النونو نفسه يقعد في وضعيات مدري وش تبي
اوقات يبين الحبل السري فـ يحسبونه ولد وأقوان يكون مغطي مايبين
مثل ماقالت خوخه اذا بالمره حابه تعرفين سوي 3d/4d
انا جربو بس ماكان مبين ابد .. خلاص لاتفكرين فيها اللي يجي من الله حياه الله
والحلو انك شريتي محايد .. كذا ماتوهقتي

انا خلاص ماراح اشتري ولا شي للنونو .. امي بعد عمري ماقصرت
والله جابت لي ملابس تكفي اكثر من اسبوعين اغلبها ابيض وسكري
فيه كم قطعه فيهم لون سماوي فاتح واخضر فستقي وموف يعني اقدر البسهم لو بنت او ولد
وجابت لي لفات وشرابات وبربتوزات وسدارات وقبعات .. ماخلت شي رب يخليها لي

الحين راح اخذ طقم كرسي السياره والعربه ، جهاز شفط الحليب
ماترس للسرير ورضاعات ولهايه ولعبه صغيره

وحطيت الأغراض والملابس الكشخه اللي ابيها إن كانت لـ بنت أو ولد عندي في المفضله
بس اولد واشوف النونو ان شاء الله راح اطلبها يمديها توصلني قبل لا انزل عند اهلي
و اذا رجعت بعدين بكمل باقي الأغراض اللي ابيها

ربي يخونها علينا كلنا
يالله هانت مابقى شي عدينا اكثر من نص المسافه كلها شهرين وشوي إن شاء الله نولد
إلا اللي ناويه تكمل التاسع كله وتقعد الـ 3 شهور كامله
ربي يتمم على خير

[السامره]

خوخه انا زيك يجيني مغص كل يوم ويروح والله يعينا على باقي الحمل
واهلين فيك مس يويو نورتي التجمع وكيفكم جميعا طيبين

[na3ooma]

هلا مس يويو كيفك نورتي التجمع
يارب تكوني انبسطتي اليومين الماضية وغيرتي جو
طمنينا عنك كيفك هاليومين وكيف النونو

الحمدلله هانت ومابقى الا القليل , ويارب تهون وتتسهل وتخف شوي علينا الامراض لحد مانولد بالسلامة وبعدها ينفتح لنا مجال الادوية زي الناس ..
ونعمه ان ولادتنا بالصيف بعيد عن الشتا وبرده ومشاكله