دردشة حوامل أهل القصيم - دردشة بنات القصيم - تجمع حوامل القصيم

ام احلى اثنين · 04-21-2011, 02:58 PM

ريما ههههههه

حطي لك تجمع باسم ديرتك

ردينه هلابك الحمد الله بخير

والبنوته احسن من اول اللهم لك الحمد والشكر

سميته بيسان

يالله يارب تهون عليكم وتمم لكم بخيو وتفرح نظرتكم

وتيسر اموركم كلها

وتروح الايام ويصير الحمل والولاده سواليف تحكى

أم أرين · 04-22-2011, 01:17 AM

مشكوره أختي (ردينه على) السؤال عني .....بشري عنك إن شاء الله بخير
ألف ألف مبروك أختي ( أم أحلى أثنين ) الله يخليها لك وتفرحين فيها ...عقبالنا الله يسهل علينا حملنا ويرزقنا الذرية الصالحة ...

نائله · 04-22-2011, 03:10 AM

السلام عليكم ورحمة الله وبركاته
حياكم اخواتي وبياكم معاكم اخت جديده ارجو ان افيد واستفيد .....
لسه حامل لشهر ونصف تقريبا ....ولي موضوع هنا منزلته اسال عن الوحم لان الوحم لسه ماجاااني .....وسبق لي التسقيط وخايفه ....بس الان شلت الخووووف نهائياا وتوكلت علي ربي سبحانه انه يثبته لي وييسر حمله وولادته يااارب ...

نائله · 04-22-2011, 03:18 AM

بالنسبه للأخت اللي تسال عن مستشفي الولاده والاطفال

انجبت عندهم اثنين وقيصري كلهم .....قمة الامتياز الدكاتره طبعا ,,,,وتعاملهم جدا راااقي
اما طاقم التمريض بصراااحه لك عليهم ....فيهم اللي طيبه ولا بأس بها وفيهم الشر اللي ودك لا ادخلت مع الباب تسطرينها .....انفس خاااايسه الله يجيرنا منهم.......
وعليكي بالدعاء ثم الدعاء...وهو<< اللهم أسخر لي ملائكة السماء وصلاَح الارض >>مفعول هذا الدعاء عجيب جدا عن تجربه ,,,,,

نائله · 04-22-2011, 04:22 AM

بنات بغيت اسالكم عن نوع الفيتامينات اللي ينصح باأكلهم ذا الفتره من الحمل انا اكل فيتامين وقالو لي انه ماينفع بالفتره هذي مع ان الدكتوره هي اللي صارفته لي

أم أرين · 04-22-2011, 05:12 PM

أهلين أختي ( نائلة ) الله يتمم عليك .. بالنسبة للوحم يختلف من حامل إلى أخرى والله أعلم ..
إما الفيتامين يعطونك حامض الفوليك بس لحد الشهر 4أو 5 يعطونك معه حبوب الحديد.. وأنا الحين أستعملها مافيها ضرر ...

حنين خالد · 04-22-2011, 11:51 PM

السلام عليكم ورحمة الله
حبيابي كنت ابي اسالكم عن مستشفى الحبيب
انا لي 3 سنوات وبحائل وكل دكتور يقول كلام ؟؟؟؟؟
ودي اراجع عند الحبيب
من تنصحوني من اطباء موجودين ؟؟؟؟
ابي تجاربكم...
وش رايكم بالسموال الحاكم يمدحونه؟؟؟؟
في انتظاركم

ام احلى اثنين · 04-23-2011, 05:09 AM

ربي يسلمكم

حنين ربي يرزقك الذرية الصالحة السليمة المعافاة

انا راجعت عند ساجيلا مرة حلوة بس ماتعرف عربي كثير معها مترجمة

اللس سالت عن مستشفى الولادة

انا ولدت مرتين عندهم البكر كانو مو حلوين ابد

الثاني كانووو مره حلوين

يعني مع الدعااا ربي بيسخرلك

ووكذلك عدم الصراخ الاول انا كنت اضرخ واصيح والثاني كنت هادية مره وكانوا يرحموني

حنين خالد · 04-23-2011, 07:37 PM

اقتباس:

المشاركة الأصلية كتبت بواسطة ام احلى اثنين

ربي يسلمكم

حنين ربي يرزقك الذرية الصالحة السليمة المعافاة

انا راجعت عند ساجيلا مرة حلوة بس ماتعرف عربي كثير معها مترجمة

اللس سالت عن مستشفى الولادة

انا ولدت مرتين عندهم البكر كانو مو حلوين ابد

الثاني كانووو مره حلوين

يعني مع الدعااا ربي بيسخرلك

ووكذلك عدم الصراخ الاول انا كنت اضرخ واصيح والثاني كنت هادية مره وكانوا يرحموني

مشكووره ياقلبي والله يخليلك عيالك
بس تنصحوني اراجع عند الحبيب
تعرفون اسعارهم نار
انشاء الله تيسر
بس ابي دكتور او دكتورة خبرة شاطر
لا حرمني الله منكن

بنت الشيخ عبدالله · 04-24-2011, 11:07 AM

بنات بسألكم عن الطباعه على الشوكولاتا عند محل حلويات حهينه

تدرون بكم اسعارها ودي اسوي عندهم تكفوووووووووووووووووووووووووون لاتطنشون ضروري
انا بالتاسع ماباقي شي الله يسهل عليكم .....