تجمع حوامل العراق واتمنى اكو احد موجود

[مجنونة بحبها]

الف عافيه على اللحم بعجين دزيلي شويه اكل وياج ههههههههههههه اتشاقه وياج حشوه سني وكعت وهسه ميته من الوجع خليت زيت القرنفل وشربت حبوب مسكنه والله كريم بس كون اكدر انام اهئ اهئ

[زينب السعدي]

شلونكم بنات انشالله بخيير
اليوم رحت للدكتور وطبعا مستشار وكللللللش فاهم وكال اكو مشاكل بالقلب فعلا... القلب حجمه اكبر من عمره والسائل الي حول القلب كللش هواي والقلب ديلاقي صعوبة بضخ الدم وهذا دياثر عالدورة الدموية بكل الجسم ويمكن ياثر ع بقية الاعضاء والدكتور كال اني واثق جدا من كلامي وكال يمكن اصلا متولديه قد يموت ببطنج خلال الاشهر الجايه لان قلبه تعبان وميتحمل وكال سوو اختبار الابره بالبطن هذا ينطي نتيجه قطعية واذا طلع مو زين سقطو هسه احسن مدام بعده صغير
بنااااات اني ايست من الموضوع وتقريبا90% حنزله خلال هالايام لان اخلص منه هسه وانقهر عليه هسه احسن مما يموت بالاشهر الجايه ويسوولي توليد لو يجيني ناقص او مريض وابتلي بي العمر كله الحمد لله هسه اني هادئة بس خايفة اخاف يكون الهدوء الذي يسبق العاصفة ؟؟؟؟؟

[توتايه]

زنوبه خلي ايمانج بالله قوي وسوي التحليل والي بيه صالح سويه احسن اللج وللنونو ولتنقهرين حبيبتي حتى لو راح يجوز ربج كاتبلج بيها خير

[توتايه]

زينب الخفاف نورتي حبيبتي اكيد كلنا وياج وياريت نفيدج والله يتمم حملج على خير ويسهل ولادتج

[زينب السعدي]

تسلمين توتايه وهو مالنا غير الله
مااعرف عبالك يوم العرس انصابينا بعين شو ثاني يوم اني صار بيه هذا الفلم وبعد يومين عمي ابو زوجي دخل عمليات وهسه حماتي اخت زوجي الي حامل ببنت كايليلها الكلية مال الطفلة وحدة منهن تعبانه وهم الها تاثيرات اخرى يعني قد تجي الطفلة وعدها مبايض لو دماغها بي شي لو معدها رقبة يعني والله اشياء تصفن العقل وهالاسبوع اني وحماتي اثنينا نسوي اختبار

[زينب السعدي]

اقصد ماعدها مبايض
هالاسبوع اني وحماتي نسوي اختبار الابرة واذا طلعت النتائج مو زينه نسقط
بناااااااات لتصورون دااكللكم هالكلام واني بارده بس ماباليد حيله والا خايفه من روحي مااعرف من اكعد وحدي انهار من البجي اكعد اتذكر وحامي وشلون نريد نحضر للطفل وشلون حسيت بحركته وفوكاتها بطني بدت تبين بس نفس الوقت مااريد اجيبه وهو صحته تعبانه
الوضع الي داامر بي صدك مااتمناه لا عدائي وانشالله ياربي يكون خاتمة السوء
وفوكاتها خابرت اهلي وفهمتهم امي كامت تبجي وكعدت اني اهدئها ووراها كلبتها فاتحة
مااعرف من اشوف كرايبنا الي حبلن ويايه وع اساس ولاداتنا متقاربه اكول هسه همو يجيبون واني معندي شي والله اتخبل مو بيدي
سؤاااااااااااااااااااااااااااااااااااااااااااااال
شوكت تجي الدورة بعد الاسقاط؟؟؟؟؟؟ وهل ممكن يصير حمل بعد الاسقاط بمدة قصيرة جدا؟؟؟؟
ارجو الرد منكم خواتي لصاحبات الخبرة

[زينب الخفاف]

شكرا توتاية حبيبتي على الترحيب واحب انوه للاخت زينب انو تروح تزور اكثر من طبيب اختصاص ولتعتمد على كلام شخص واحد واذا جنتي تكدرين تسافرين لعمان وتشوفين طبيب اخصائي هناك يكون افضل لان ترة مو دائما التشخيص يكون صحيح ياما وياما اطباء يكولون نفس الكلام وتالي يطلع الجنين كلشي مابي حاولي جهد الامكان متبردين علىالسالفة واستعجلي اسرع مايكون بزيارة اكثرمن طبيب اختصاص واذا انتي من سكنة بغداد انصحج تروحين لمستشفى كمال السامرائي هي صح مستشفى مال عقم بس الاشراف بيهة قوي توكف على راسج اكثر من طبيبة ويفحصوج فحص دقيق وان شالله ياربي خير بكل الحالات الج اهم شي حالتج النفسية والاصرار على انو الطفل ان شالله مابي شي والي كاتبلج يا ربج هو الصحيح حبيبتي سوي الي عليج حتى لا بعدين تكولين اني صوجي ماسويت الله ياربي يكون وياج بكل خطوة

[صعب تنساني]

كيفكم يا حلوات انه جيت بس بكتب رد على عجله لزينب السعدي لا تفقدي الامل بالله كبير انتي باي اسبووع ؟؟؟ اعرف وحده من جيرانا قالولها نبض الجنين توقف بالثامن بس اهي ما هتمت والحين ما شاء الله عليه ريال شلون يهون عليج يتحرك ببطنج وتعيفيه ؟؟؟؟ انه تصدقين وانه اجهض وينزل على دم وقطع كان عندي امل كبير انه عايش حتى كان قريب من عنق الرحم بس كان عندي امل وما فقدته بنسبه لسؤائلك عن الدوره انه بعد الاجهاض كانت تنزل طول الشهر واستعملت منظم دوره وعلى سالفه الحمل قالي دكتوري انتظر 6 اشهر لحد ما يقوى الرحم ويتنظف ويقوى جسمي وظهري والله يعطيك على نيتك ذكرتيني بنفسي انه ما اجهضت الا بالرابع كان ميت ببطني شهرين وما \دريت عنه الا بالصدفه بس للحين ما نسيته للحين ببالي واتذكر الحوامل الي كانوا معاي والحين عيالهم سنه و3 اشهر سلامي للكل توتو وحبيبي وام بنونه وردونه وكوكو ونعومه ودلوعه عندي كلام وااايد بس سيف الله يحفظكم

[مجنونة بحبها]

السلام عليكم

اخباركم بناااااااااااااااات

رحاب يابذاته انا اجيت على الموعد 11 الصبح وانتي ماكو يله راح اروح اكمل شغلي

زينب السعدي حبيبتي ليش تستعجلين وتسقطين الطفل انا انطيج وجه نظري انا عن نفسي مااسقط الطفل لو كنت بمكانج لان هذا نفس ويجوز الله باخر ساعه يرحم عبده ويبعد كل الامراض عن الطفل ليش الاستعجال انا جربت الاسقاط 3 مرات بس مو بارادتي ربي اخذهم مني لان يكلولي الطفل ميت وانا ابقى متمسكه بيه الى ان يوكع من نفسه رغم اني اخذ مثبتات وانام على ظهري ومااشتغل بس اراده الله والله والله انا البارحه نمت وانا ابجي تذكرت اخر طفل شلون فقدته وشلون البنات الي وراي حملوا هسه ولدوا وانا لو باقي طفلي هسه عمره شهر ونص لان جان ولاده 5 رمضان هذا من غير اول طفل جان هسه عمره 4 سنين والحمدلله الله يعوضني عنهم عن الدوره تنزل بعد شهر يعني عادي تستمر طبيعيه وعن الحمل باراده الله انا هسه كملت 9 اشهر من سقطت ولهسه ماكو حمل واول طفل بعده بخمس شهور حملت والثاني بعده بسنه وشهرين يله حملت ببنونه ورى بنونه عمرها 8 شهور حملت وراح والحمدلله انتظر رحمه ربي بفارغ الصبر الله يصبرج ويهديج للصح وتطلع النتايج كلها غلط الي عوده بس هسه عندي شغل اروح وارجع من افرغ باااااااااااااااااااي

[زينب السعدي]

شكرا لكل البنات لزينب الخفاف وصعوبة وامونه
واسفة زينب لان مرحبت بيج بس كلم ادخل بس اكتب مصيبتي واطلع لان مطايقة روحي ومتدرين شنو الوضع الي هسه بي اني وانشالله ترتاحين هنا بالتجمع لان البنات كلهم وردات ويساعدوج ... واني مو مو ببغداد اني مقيمة بدبي وحاليا مسافرة للندن وهالفحوصات كلها بلندن واطباء اختصاص واجهزة مموجودة بس باميركا واوربا و بس ع هالفحصين احنا حاطين لحد الان 5000 دولار ومو هامنا امام صحة الجنين ولسه جايه فحص الابرة يمكن ب 20000 دولار وكله مشافي خاصة
عيالي صح منقهرين بس يكلولي بعدج صغيرة منا تسقطين تحبلين منا بس حماتي اخت زوجي عمرها يمكن 37 لو اكثر ونفس وضعي وخايفه خاف بعد ميصير عدها لان هي معدها غير بنيه وحدة
الي يشوف مصايب الناس تهون عليه مصيبته