تجمع اللي بيولدون في شهر ذو الحجه

[عسله]

Gosha

صح كلامك ع حكاية الرضاعات هيا موجوده عند سيتي بلازا من جوتها فيها كدا زي الملعقه
بس العاديه حاخدها شاي النعناع وسكر النبات

قماري

في كريم زوجي يقولي عليه وكمانا قريت عنه في المنتديات اسمو
ميبو
ضروري ناخد منو كميه لان بعد الولاده يسكن الم الخياطه وكمانا هو تجميلي
ودوغري ينشفها عشان تنزل من نفسها

وحكاية قشور اللي تجي في جسم البيبي
عندي بابا الله يسعده
يقدس شي اسمو زيت سمسم
لازم يدهن جسم البيبي كان يسوي لبزورة اختي
ولمن كنا صغار كان يزيت شعرنا هههههههه

[اجوان]

ghoosha,,
وانتي وحشتينا والله ,,انا خلاص رجعت بيتي ورجعت معاكم من جديد :)
بالنسبه للرضاعات انا من زمان افكر اشتريها بس لقيت عند مذركير بلاستيك ماعرف احس البلاستيك مو كويس فين الاقي نفس الماركه بس قزاز؟؟

بنات كيف اول يوم صيام..؟؟
انا رحت افطرت عند اهل زوجي وعملت تشيز كيك مرررره يمييي واليوم كمان عند اهل زوجي رايحه الله لايحرمني حماتي قالت تعالي كل يوم عادي بس انا بروح اليوم وبكره ببيتي وكدا يعني الين يمشي رمضان ,,,ااااخ لو امي عندي مشتهيه شوربتها ولمة اهلي برمضان :(
بس يلا الحمدلله ربي عوضني باهل زوج طيبين ..

وكلهم يقولوا يلا انشالله رمضان الجاي النونونه تكون معانا وكل واحد مسميها اسم من راسو كل واحد يقول انشالله فلانه تكون معانا ههههههههههههه كل واحد مسمي على كيفو p:

وانتوا ايش سويتوا؟؟؟؟؟؟

[Dado]

ghoosha حبيبتي والله انتي كمان وحشتينا وكل البنات اللي هنا
مابدخل كتير عشاني عند اهلي واهل زوجي كم يوم عند اهل زوجي وكم يوم عند اهلي عشان نرضي الطرفين لووول
احلى شي اني مريحه عالاخر لا طبخ ولا نفخ
اجوان انا زيك افضل الرضاعات القزاز احسها انظف

[اميره باوصافها]

مرحباااا كروشات وحشتوووووني اوي
مبارك عليكم الشهر
كيفكم مع الكروش كلها كم يوم وادخل السابع
ااااه ماقدر اكل البيبي ضاغط ع المعده ومطيرها فوووووق
الله يكون في العون

[قلبيــ مدينهــ]

كيفكم كروشات مع الصيام تصدقوا ما اشتريت ولاجهزت للنونو شي ....اش رايكم في الكسوله !!!

[اجوان]

قلبي مدينه,,
انا زيك للحين مابديت اجهز ,,والله شايله هم في مية شغله كمان محتاره ايش اشتري وقت النفاس ايش البس بالضبط خصوصا اني بتنفس ببيتي :((((
وايش البس لما يجوا الضيوف وافكر اجيب لي شغاله بالشهر ولسا في غرفة البيبي لازم اجهزها لانو غرفتي مافيها مكان لسرير يالللله ميةة شغله وكلو لحاااالي قسم بالله مره شايله هم واحس الولاده قربت يعني لو عدا رمضان خلاص يبدا العد التنازلي :"""(((
فوق هدا كلو بكريه ومو عارفه كيف الوحده تصير بعد ماتولد اااخ خلااص عورني قلبي..
يارب تعييني :(

[فيونكه بلون الفراوله]

السلام عليكم بنات

اني اجيت اودعكم لان النت راح يقطعه زوجي علمود سفرتنه بعد تقريبا 10 ايام وراح نكون كلش مشغولين ورمضان وصيام
ما اعرف شنو وضعي راح يكون اكو نت او لا
بس ان شاء الله اذا جاب زوجي نت ادخل اطمنكم عني
احبكم في الله
واستودعكم الله الذي لاتضيع ودائعه
لاتنسوني من الدعاء

[عسله]

اجوان
وقلبي مدينه
الله يهديكم لي كدا الكسل ليسا باقيلكم تقضو لنفسكم ومفرش النفاش
ماشالله جده فيها محلات اكتر مننا واحلى كمانا

مرا كانت عندي مراجعه والا وحده هنديه هيا تشتغل هناكا تقولي الشهر التامن
البيبي سبحان الله يكون حار في بطن امه وتقولي مرا حاولي قد ماتقدر ماتتحركي كتير وتطلعي درج وتسافري كل شويه لاهلك عشان بعيد الشر لاتسير ولاده مبكره
ماما تقولي صح كلامها

وحيكون وقتها تقلانين
حاولو انكم تبدؤ من دحينا ترا والله بتتحمسو ع الاخر وانتي تقضي للبيبي تحسي ودك تاخدي كل اللي في المحل ههههههههههههه


اجوان قلبو

بالنسبه للبسك وقت الضيوف
خديلك اتنين او تلاته ارواب مع الطرحه.. ماادري انتم زينا كدا تلبسو ولا, لان البعض تلبس بجامه وبعضهم تكشخ مراا في لبسها
كمانا خدي كم بنتلون قطن تلبسيها تحت الروب عشان الهوا لايدخل جسمك
وخديلك كم واحد شبشب الله يكرمك من نعومي




وخدي كمانا كم قميص او بجامه بعد مايروحو الضيوف حاجه تريحك انا اهم شي ركزت انها تكون بازارير عشان وقت الرضاعه

شوفت كتالوج ايكيا مرا مرا جدا جدا عجبني ان شاءالله حاخد دولاب ولدي من عندهم


اميره باوصافها .,.
حتى انا مااقدر اكتر اكل الله يسهلها علينا


فيونكه.,.
وربي خساره تنقطعين عننا الله يكون في عونك ويسهل سفركم
وان شاءالله تلاقين فرصه تطمنينا

[اجوان]

فيووونكه,,
راح توحشينااااا..

عسله,,
والله لو عندي احد يحمسني كان بديت بس زوجي كل مره يقولي بعدين بعدين هوا اللي مخليني بارده كدا ولما رحت لاهلي قالي اطلعي مع امك قضي بس احس الوقت مره كان ضيق مافي مجال اطلع اجهز بس ماما الله لايحرمني حتعملي لبس النونو حق التقديم للضيوف ,,
انا قلت باخد للبيت بجايم بازارير وللضيوف يعني الغرباء بشتري لي جلابيه فخمه لانو حيكونوا من طرف اهل زوجي ولازم اكشخ بس انا محتاره يعني لو جت حماتي كدا وعمي ايش البس لهم لانهم حيجوني كثير ,,تتوقعي ارواب حلو؟؟

كمان الله يكرمك السنتيانات تبع الرضاعه كم وحده اشتري؟؟؟
وملابس النونو تتوقعي راح اغسل كثير يعني اشتري كثير عشان مو كل شوي اغسل ولا ماتتوسخ ماراح احتاج اغسلها كثير..؟؟

يالله السنه اللي راحت نفس هدا الوقت كنت اجهز لنفسي لزواجي وهدي السنه اجهز لنونو حبيبتي هههههههههههههههه الحمدلله ياربي :)

[Dado]

منجد اجوان لازم تبدأي من دحين .. شوفو مين يتكلم لوول
صراحه ندمت لاني مابدأت بدري هيا كلها مره وحده نزلت السوق ويادوب محل واحد وكم غرض وخلاص .. مرره تعبت والله
ولنفسي ماجبت شي اصلا حولد برا وماحيكون في غير كم صاحبه يادوب ..
بس عندي سؤال ليش نلبس الطرحه ونحنا نفاس؟؟؟
فيونكه حبيبتي والله مرره حتوحشينا انتبهي على نفسك وامشي كتير بالطياره عشان كاتتنفخي زي حالتي تكاسلت عالاخر.. الله يجعلها رحله سهله ياااااااااارب>>> حاسه فيكي بقوه