دردشة بنات العراق, دردشة حوامل العراق , تجمع بنات العراق

[مي &]

هلو بنااات شلونكم شخباركم مشتااقتلكم شكو ماكو

والله يابنات نفسيتي حيل مرتاااحه
البارحه طلعنه اني وزوجي وحدنا
طبعا من زمان ماطالعين وحدنه يمكن من شهر العسل كله لوعمتي لو حماتي لاحكينه لو العائله كله >> يريدون يتونسون براسنا

كلش كلش اتونست ونفسيتي ارتاااحت رحنا اول شي للكورنيش على الشط مال الفرات كعدنا الله شكد اتونست

وبعدين رحنا لحضره امير الامؤمنين زرنا واندعينالكم شكد جانت حلوه

وابرار ابد مضوجتنا ولا صارت ابد نحسه بلعكس بس تضحك

الحمدلله والشكر

[مي &]

ولجن هاااااااااااااااااااااااي اشصاير بلتجمع
هاي شبيجن عمي انعلن الشيطان وكلنا اهنا خوات انكظي وقت وانفيد ونستفيد

فوفو حياااتي كلمن اله وجهة نضره الاخااااصه بيه ومحد اذاج بكلمه واحنا اهنا خواااات والجبير انخلي على راسنا
وجودج بلتجمع وويانا حلو ولمتنه حلوه فلا كل شويه وحده اتكول راااح انسحب

تره اني انسحب >> خخخخ على اساس الكل كاتله روحهه عليه هههههههههههه

[مي &]

مبروك حبي وايت انجل دخولج الراابع ويارب ايتمم عليج انشالله

[مي &]

حبي سجااااااااااااااوي العسل هذا مو تنساه هذا الطفل دا ايطلع شعر
يمه صدقه ابو كفشه يارب يجيج بسلامه واتفرحين بشوفته سليم معااافى يارب امين

[عسل بغداد]

هلو ميويه شلونج مبروك الطلعه وحدكم هاي المعلومه مال الشعر اول مره اسمعها شكرا للافاده

[White angel]

رويده وعسل بغداد ومي حبايبي الله يبارك بيكم وربي يتمم علينا وعليكم بلخير ويوم الي تقومون بسلامه

بنات حبايب قلبي أنتو بلنسبة الكلام البنات ع العراق وع بلدان الغرب اكو هواية فرق
أني عايشه بلسويد من سنة 2003
وانزل للعراق بين فترة وفترة
المشكله أنتو دا تتعاركون على شي يمكن يكون صح ويمكن غلط
بلنسبة للمغتربات
أني وياكم بس شوفو اوربا دول متقدمه ومتطوره بس صدكوني من نجي للواقع نشوف ميوصلون ذرة للعراق والعراقيين
العراق بي أشياء الواحد يتمسك بي حتى لو كان بي ضيم وقهر
أني الي شفت كل الاذيه بلعراق بس من اتذكره اصفن واحن الايامي الي عشت بيها سنه ونص ببغداد واني اول مره أشوف ولااسمع انفجارات
شفت بيها العالم ينهانون حتى يجيبون لكمة خبز وشفت بي الإصرار الي عندهم كل ميصير انفجار يطلعون يلوبون ولأكانو صاير شي
حبايب تره صحيح العراق وضعه تعبان وناسه تعبت بس أملنا كبير يرجع العراق من اول وجديد وصدكوني وقتها بلدنا يكون من احسن البلدان بس اصبرو


رويده وزنوبه
الي يعيش بره العراق ميكدر يعيش ب اوضاع العراق
لان الخدمات الي موجوده بره مموجوده بلعراق
ولهذا البنات أكيد من حركة قلبهم ع العراق والي دا يصير بي هيج يحجون والا ماكو احد يتخلى عن اصله
بس البنات يتمنون ان العراق وحاله وحكومته يصيرون حالهم حال اوربا

واحنا كليتنا خوات وحبايب وماكو شي بيناتنه سوه المحبه والاحترام
والنقاش مو يعني عرك وانما النقاش حتى الواحد يعبر عن رأيه
وتحياتي الكم

[زينب السعدي]

هلو بناااااااااات شلونكم
شلونج حبي زنوبة انجل وميمي وسجاوي انشالله كلكم بخير
زنوبة مبروك دخولج الرابع ويارب يوم دخولج التاسمع وتجين هنا تطلكين يمنه هههههههه وبالنسبة لكلامج بخصوص العراق هو عين العقل وهذا الي احنا نقصده وشكرا لمرورج
ميمي حبحب كلش ولاانت تنسحبين شنو هاي كلها كامت تهدد بتقديم استقالتها هههههههههه يمعودة موضوع راح وانتهى وبالنسبة الي ماكو شي وكل الامور ماشية اوك وهالنقاشات تصير بالعائلة الوحدة يعني اني مااشوفها عركة ابدا
سجاوي حبي سلامتج يلا مبقى شي كلها اسبوعين والنونو بحضنج ربي يسهل عليج
بقية البنات اليوم شو مختفين وينكم
اروح انظف اني يبو والله مليت من التنظيف والطبخ والشغل

[رويدة_ أم ألق]

هلاااااو من جديد

ميمي ألف مبروك الطلعة إن شاءالله تتكرر هههه وزيارة مقبولة

وايت آنجل تحياتي الج ومثلما كلتي أملنا بالعراق يتطور ويتحسن ودوام الحال من المحال

زنوبة الله يساعدج الشغل ميخلص.

[عسل بغداد]

هلو بنات مساء الخير الله يسلمج زنوبه يوم الج وتفرحين اكو احد لو راح اكعد وحدي

[anosh omar]

بنات اني فقدت البيبي
الحمد لله ع كل حال
ربي يعوضني خير منه ان شاء الله