تجمع حوامل ليبيا

[hatoo]

بنات قولولي عندي بعد اسبوعين فاتحه وبيان صبيتي وخاطري ندير هايلايت ونصبغ ونقشر حواجبي لاني منقيش فيهم عادي ولا لا عشان الحمل

[أم مُحمد]

هاتو
وين هالقصقصه كلها وحده وحده عموما ياستي اهلين بيك وبصبايا كلهن امهات لعويله واللي في الطريق
انا شرقاويه من الجبل وعمري 27 ومتجوزه من سنه ونص وحاليا حامل في نص الرابع وربي ايتمم على حملي بخير وعليكن اجمعين كان فى حاجه نسيتها ذكريني بيها

[أم مُحمد]

بالنسبه للحواجب انا انقص فيهم عادي بس هايلايت ماعنديش معلومات

[يقين]

هاتو اني لما كنت حامل شقرت حواجبي 3 مرات في الاول وفي الخامس وفي التاسع بس الصبغه ما قربتهاش بكل وقالوا عادي ع 3 شهور

[ميمونة]

شن الجو يايقين وين راس البصل هههههههههههه معاش بانت شكلها ذبلت

[hatoo]

المشاركة الأصلية كتبت بواسطة أم مُحمد

هاتو
وين هالقصقصه كلها وحده وحده عموما ياستي اهلين بيك وبصبايا كلهن امهات لعويله واللي في الطريق
انا شرقاويه من الجبل وعمري 27 ومتجوزه من سنه ونص وحاليا حامل في نص الرابع وربي ايتمم على حملي بخير وعليكن اجمعين كان فى حاجه نسيتها ذكريني بيها

ههههههههههههههههه مش غير قصقصه نبصر معاك بس نبوا نتعرفو عليك اكتر وان شاء الله ربي يتمملك حملك علي خير بهي سؤال فيه قصقصه اخري شن قالولك وليد ولا بنيه (اكيد تقولي مش دوت قصقاصه)

[hatoo]

المشاركة الأصلية كتبت بواسطة يقين

هاتو اني لما كنت حامل شقرت حواجبي 3 مرات في الاول وفي الخامس وفي التاسع بس الصبغه ما قربتهاش بكل وقالوا عادي ع 3 شهور

شكرآ علي التوضيح يايقين مردوده في الافراح

[أم مُحمد]

والله من كثر مامشيت للدكتور لزنى مانكش غابيه اول حمل وجهل ههههه اللي تسير امعاي نمشي انقوله طبيعى يادكتور لان كان امعاى توم وبعدها قالى واحد ماحصلش غذاء تلاشي بكري الحمد الله حتي نونو واحد بصحه اكويسه اكويس اخر مره مشيت مازال مابان انشالله بعد العيد نمشي ع حسب الموعد مع اني ماسكه روحي بالغصب وبرضو راجلى عنده عمل مش حانمشى الا لما ايجى طيب ع العيد(عمل راجلى مهندس فى حقول لبريقه )هذا الكلام للقصقاصين
حصيله طلعت انا ثرثاره وانت قصقاصه

[ام وسونة]

اهلا وسهلا

كيفهم الحلوات معقولة مافيش من سال عليا

لكن حنجي خير منكم ونسال عليكم

وخيه يقين لاباس عليك والحمدلله على سلامتك

ردي بالك على روحك عاد

وخيتي ام قصي نورتي المنتدى والله ليك وحشة

كيفك وشن اخر اخبارك في نونو ولا مازال

وتوا السؤال لميراس الزعيمة مبروك النت

وكيف حالك وامتى ماشية لتونس راهو بنعيد

عندك وتيلي الجو ههههه

ميمونة والله قطعتيلي قلبي لكن الحمدلله على كل الاحوال

وربي يعوضك احسن منه

هاتو مبروك عالوليد وتشوفيه بين ايدياتك

ام محمد نورتي المنتدى وتشرفنا

ووخياتنا عيون واية وام عويضة وميرنا

ويييييييييييييينكم طمنونا عليكم

وسامحوني لونسيت حبيبة من الحبيبات

[ام وسونة]

وخيه هاتو تصدقي اني لما كنت حامل درت كل

شئ والله حتى الميش كنت نميش ونصبغ ونقي

في حواجبي والحمدلله ماصارلي شئ