دردشة بنات المدينه المنوره - تجمع حوامل بنات المدينه

[غنو حياتي]

زهره عمري

ما تشوفي شر لا انت ولا البيبي
وربي يطمنك عليك
انتبهي لنفسك واقراي الفاتحه سبع مرات كل يوم بعد ماتحطي يدك على بطنك
ولاتنسي التحصين للبيبي
وربي يفرحك فيه وهو بصحه وسلامه يارب

[غنو حياتي]

كروشات

من فين ناوين تشترو للعيد
امس كنت بمجمع النور ومالقيت شي دخل مزاجي مره
مع انه فيه محل جديد للحوامل في الدور الاول

[طهر]

الله ييسر أمر الجميع

بنوتات أنا ناويه اشتري للعيد جاكيت رسمي أبغى اسم المحل بالضبط وأي سوق وياليت الأسعار التقريبية لأني جديده ع المدينة

[لينـــا]

المشاركة الأصلية كتبت بواسطة طهر

الله ييسر أمر الجميع

بنوتات أنا ناويه اشتري للعيد جاكيت رسمي أبغى اسم المحل بالضبط وأي سوق وياليت الأسعار التقريبية لأني جديده ع المدينة

اذا تبغي جاكيت حلو ما عليها كلام روحي مجمع النور

[do_0dy]

غنو .. ياقلبي عليها القمر تستاهل الدلع وربي
ومن ناحية انوا الموعد بعييد فهو بالنسبه ليا جداااا بعيييد .. بس ربنا يهونها انشالله
تصدقي حتى ماما بتقولي نفس الكلام تقولي عشان ترتاحي وانا مشكلتي مو اي حاجه تعجبني
مخ صنقووري وربي .. في مجموعه نزلت عند مامز وبابز مرره عجبتني لمن سالت في جده قالي مو كلها نزلت هتنزل ع نهاية الشهر ده قلت اخد منها كم قطعه واشوف الباقي
وبالنسبه لملابس العيد روحي شوفي المحلات العاديه بس خدي من المقاسات الكبيره
انا شفت مامز وبابز عندو تشكيله حلووه للشتا حتى بناطيلوا مرره عمليه عن تجربتي
وانشالله تلاقي الشي اللي يناسبك
..
سما ومباركه عليكي ياعسل حتى انا بكريه وربنا يعيننا على الحوسه اللي نحنا فيها
بالنسبه لاسعار سنتر بوينت تختلف يعني في اشياء اسعارها مرره خطيره وحلووه واشياء لالا
برضو هتلاقي عندهم كل شي من عربيات واسره ومفارش ومناشف للبيبي انا ماما جابتلي من عندهم الفنايل دي اللي تجي كامله على مااظن الوحده كانت ب 15 ريال
وانتي نوعي يعني في عندك مجمع القمه وفي كمان الشرق والساحه وكلها اسعارها مررره طيبه
طفل الشرقيه ماانصحك فيلو احسو مره قدم واسعاروا نار على هبل وربي وبس انشالله اكون افدتك ..
..

طهرالبي زي ماقالتلك لينا النور مافيها كلام وشوفي محل زارا انا عندي وااحد من عندو اخدتوا ب 450 على مااعتقد ..

[غنو حياتي]

سما

يسعد قلب البكريه الحااايسه
ذكرتيني باللذي مضى...
سنتر بوينت بالعاليه اخر دللللع للبيبي ممكن تاخذي طقمين ثلاثه على حسب ميزانيتك
والحلو فيه مرتب بطريقه تساعدك انه ماتنسي شي كل حاجه معروضه قدامك وبتنظيم

ممكن تروحي الهرم تاخذي الداخلي منه تلاقيه ب 4 ريال اعتقد
لان بالفتره الاولى البيبي بيكبر بسرعه فعلى الاقل جيبي الداخلي منه مو خساره وكثري منها لان البيبي يحتاج تغيير دائما
كمان الكوافل عنده يمكن ب8 ريال بس انتبهي للقياس لان الكوافل مقاسات
اذا مو غلطانه مقاس 32 طيب وبيمشي معاك فتره

رد تاغ تلاقي عنده البربتوزات تجي ثلاثه مع بعض وسعرها طيب
كمان محل سمينا بالعاليه عنده اطقم حلوة ودلع للبيبي

وربي يسهل ولادتك يارب ويفرح قلبك

[غنو حياتي]

دودي

ايش اخبارك واخبار كروووشتك
انت بكريه؟
لو تبدي تقضي من الان افضل لانك راح تحتاجي حاجات كثيره وعشان ما تضغطي نفسك بالاخر او تنسي حاجه
فين ناويه تولدي ان شاء الله

[طهر]

يسعدكم ربي حبيباتي كل الشكر لكم ..!

دعـــواتي لكم ..

[do_0dy]

غنو انا الحمد لله طيبه وكروشتي متعبتني بس كولوا يهون
يب انا بكريه وعن الحووسه ايش اقول وايش اخلي ندرت عيون ماما من الاشياء اللي ابغاها
وتقولي ماينفع مو وقتها هههههههه مشي حالك
وبالنسبه للولاده انشالله احد او الولاده بس الخاص ويمكن الالماني لانوا هوا واحد اقرب حاجه لبيت اهلي بحكم اني هكون عندهم من بداية التاسع بس الاكيييد اني ماهروح للمواساة لاني اخاف منها بصراااحه .. وباركيلي قدمت موعد اخر الشهر لبكرره انشالله مررررررررررره مبسووطه
ادعيلي انتي والصبايا

[do_0dy]

غنو البي بدات تقضي للبيبيز والا لسه .. عرفتي جنسهم ..؟؟
تصدقي اختي عندهم توام برضو وجابتهم ولدين الله يحميهم .