دردشة بنات المدينه المنوره - تجمع حوامل بنات المدينه

[الورد الناعم]

المشاركة الأصلية كتبت بواسطة sooma1

ام حسسسون كمآن مشكوره سمعت عن باسلآمـه باذن الله له روحـه بس افضي وزوجي يفضي ):


الورد النآعـم الله يعينك بالزوآجآت مرررره صعـبه وانتي حآمل خذي الوان الفسآتين من الغآمق اللي مايطلع سمارك والله يعينك حصني نفسك اهم شي *_*

الله يسعدك ياعمري على النصحية وانت ايش اخبار البيبي

[جديده في تبوك]

هاي صبايا كيفكم
الله يسهل الولاده للجميع يارب
انا طبعا من المدينه بس الحظ وداني تبوك.
ودحين نازله اولد عند اهلي
وقضيت اغراض البيبي من بيبي هوم الي قريب من ساري وكمان اخدت طقم الاستقبال كامل ب4000
واخدت اشياء بسيطه من سنتر بوينت
وفعلا ماحبيت اكتر عشان البيبي بيكبر بسرعه وكل ماكبر شهر بتنزلي تشتري له
وربنا يسهل الولاده عليه وعلى كل حامل في وقتها

[احلى ليان]

سلام يا بنات .. كيفكم ؟؟ كيف النونو؟؟ اخباركم؟؟
رحيق الورد .. الورد الناعم .. مون.. ام حسون ..ام سيلين .. بست ماما ..سوما .. كلكم ما ابغى انسى احد ..
وماما غنج .. كيف يزن واخوه .. ها بدأت المغامرات بينهم ولا لسه ؟؟ حكينا؟؟
انشاء الله تكونوا كلكم بخير وصحة والبيبي كمان.
انا لسه ما قضيت ولا فتفوته لا انا ولا البيبي قدام شوية انشاء الله بس اوصل السابع انشاء الله..
ياريت وحدة تسويلنا تقويم بايام ولادة كل وحدة من البنات يعني كل وحدة تحط التاريخ اللي قالتلها عليه الدكتورة انو موعد الولادة ووحدة تتبرع وتسويلنا تقويم بشهر الولادة وتحط في اليوم اسم العضوة..ايش رايكم في الفكرة؟

[الورد الناعم]

المشاركة الأصلية كتبت بواسطة احلى ليان

سلام يا بنات .. كيفكم ؟؟ كيف النونو؟؟ اخباركم؟؟
رحيق الورد .. الورد الناعم .. مون.. ام حسون ..ام سيلين .. بست ماما ..سوما .. كلكم ما ابغى انسى احد ..
وماما غنج .. كيف يزن واخوه .. ها بدأت المغامرات بينهم ولا لسه ؟؟ حكينا؟؟
انشاء الله تكونوا كلكم بخير وصحة والبيبي كمان.
انا لسه ما قضيت ولا فتفوته لا انا ولا البيبي قدام شوية انشاء الله بس اوصل السابع انشاء الله..
ياريت وحدة تسويلنا تقويم بايام ولادة كل وحدة من البنات يعني كل وحدة تحط التاريخ اللي قالتلها عليه الدكتورة انو موعد الولادة ووحدة تتبرع وتسويلنا تقويم بشهر الولادة وتحط في اليوم اسم العضوة..ايش رايكم في الفكرة؟

الحمدلله تمام وانت ايش اخبارك000وفكرة مررررررررة حلوووووة مثلك ياعمري

[فيروزالاميره]

ممكن ياحبايبي تفيدووووني
كيف الولاده في مستشفى الولاده
بدي اعرف شي عن المستشفى كيف معاملتهم
لاني ماني من المدينه
ارجوا انكم تنوروني
وجزاكم الله الف خير

[فيروزالاميره]

ولا وحده ماردة
ليه

[فيروزالاميره]

الله المستعان

[حامل خانو]

الف مبرووك غنووجه وعقبال الكروشاات ويجعله ربي من الذريه الصالحه الباره يارب

بنات اوصفولي بالضبط مكان المطبقاني ومستوصف الدار الجديد
لاني محتااره بينهم ما ادري هم جنب بعض او لا
وياليت بعد ارقامهم واسعاارهم للولاده الطبيعيه
مررره متوتره من الحين رغم ان لي شهرين بس ههههههههه
انا قريبه من الالماني بس ما اعرف من الدكتوره الكويسه فيهم ولا نظامهم ولا عنايتهم
مفكره بالمطبقاني لان دكتوراتهم ممتازات بس مخوفني موضوع الحظانه وانو ممكن مايستقبلوني
وبالعاده اروح وانا 5 سانتي
ببنتي الثانيه كنت محتاره بين الاحمدي والمواساه واستخرت كثير ولاما جات الولاده قلت على احد ههههههه مدري هو خوف ولا تسهيل من ربي
وولادتي اللي بعدها كنت بين المطبقاني والاماني وبرضه رحت لاحد هههههههه
بصراحه اهتمام والقابلات سعوديات عسل مررره بس مايعرفون شي اسمه مسكن واذا الدكتوره مالها خلق قالت اعطوها طلق رغم اني 7سم تقول علشان تخلصي بدري مجرمه بالاخير تولدني القابله العسل حنوناات مره
اما هالحمل احس ودي اولد وانا مرتااحه خصوصا وقت الولاده تجيني الام برجولي ماتشيلني احس جسمي مهدوود مره ابي وقت الولاده مسكنات ولا اي شي مثل مايعطون الخاص علشان كذا قلت لزوجي لو اقولك احد لاتسمع كلامي ههههههه

[@كلي جود@]

حامل خانو انا زيك لمن تجي الولاده ما افكر الا باحد عيبهم بس الخياطه من جنبها مو مره تمام بس طبيا ممتازه وانا اخذ غرفه خاصه اما الخاص اخاف منه وبقوه الله يسهل علي وعليك وعلى كل الحوامل انا دحين بالسابع

[Mon]

احلى ليان اهلين ياقلبي انا الحمدلله فيه اوجاع تجي وتروح الله يسهلها
انتي كيفك وكيف نونتك
نصيحه لاتقضي غير قريب التاسع انا اشتريت حاجات شتويه ليا وللنونو وشكله الجو مو بارد وماحلبسها ولا البسه ولدي
فيروز ياقلبي فيه بنات هنا يمدحوها وانه اتغيرت للاحسن بس مايوسعوا وقت الولاده يخلوا البيبي يشق المنطقه انا عن نفسي مررره مااحبه
حامل خانو الله يسهلك ساعة الولاده ماعرف اوصف لك المستشفيين بس بيمدحوا الالماني بما انه قريب منك