دردشة بنات المدينه المنوره - تجمع حوامل بنات المدينه

ميمي غير · 10-19-2011, 02:54 AM

زهرة عمري// اخت زوجي ولدت في المطبقاني وتمدحهم مرررة استخيري وربي ييسرلك وتفرحينا بسلامتك

ميمي غير · 10-19-2011, 03:01 AM

دلع // ياقلبي مشكوورة عالرد وانا رحت بيبي هوم صح هوا على قولتك يشرف وفخم بس اسعارهم غاليه
وانا ماابغى اضغط على زوجي المسكين ملابس للبيبي وليا وصيدليه ومستشفى خاص وووووو
انا فكرت اخد سرير البيبي شي غالي واخد لنفسي لحاف مرتب يعني كدا انسق القطع مع بعض وربي يسهل ونقوم بالسلامة ونفرح بالنونواهم شي

do_0dy · 10-19-2011, 04:27 AM

دودي
صباحك رواقه
الولاده لااااااااااا هذا المستشفى مجزره للنساء
احد انا جربته بالقيصري ,النظافه تمام واهتمام وعنايه توب بصراحه
دكتوره ايمان اغتكر سالتها مره قالت تولد بالاحمدي
والان سمعت انهم فتحو فرع جديد لهم وانها بتولد فيه
بكره ان شاء الله عندي موعد معاها واسالها

انت بتابعي عند اي دكتوره ؟؟
غنو حياتي ..
يسعدك ربي انشالله .. مرره اتبسطت بردك وبالنسبه للمتابعه مو ثابته عند احد معين
وبصراحه انا تعبت لانوا كل مالوا بيتازم وضعي في البدايه الوحام كان طبيعي زي اي وحده الغثيان والنوم من دخلت الرابع بدات الدنيا تتلخبط عندي ووزني كان كل مالوا بنزول يعني اتخيلي من الشهر الرابع اللين دحين الشهر السادس نزلت فووق الخمسه كيلوو ووفوق دا كلوا طلع معايا البواسير وضعف في فقرات الظهر .. تعرفي يعني ايه تعبت من المستشفيات كلهاااا
::: حالتي عصيبه بس خليها على ربك ..
بس الواحد يحمد ربوا على النعمه اهوا حالوا احسن من غيرو كتيير
طيب حبيبي بالنسبه لاحد انا سمعت انوا الدكتور ابراهيم كويس هناك مرره ..
وازا رحت هناك تنصحيني اولد عند مين لاني افكر اولد عمليه مو طبيعي .. ؟؟
وتسلمي حياتي تعبتك معايا .. وتعبت كل الصبايا كماان

اغصان الربيع · 10-19-2011, 04:52 AM

مراحب بنوتات كيفكم وكيف الحمل وياكم ؟؟

اغصان الربيع · 10-19-2011, 04:53 AM

بنات وش الدكتورة فوزيه بالاحمدي

وكيف اسعارهم؟؟

do_0dy · 10-19-2011, 04:53 AM

اش رايكم بمجع معن الطبي
او وفاء طلبه

ومين عنده تجربه معاهم
اانا حابه اعمل توحيد لون وتقشير للبشره
لاني مع الحمل اتبهذلت وسمرت وجسمي صار اسمر

واش رايكم بعيادات نايا سمعت عن الدكتوره علا
يقولو شغلها ممتاز
او اي دكتوره شاطره

شوفي البو بالنسبه للبشره افضل حاجه من وجهة نظري بالمدينه مركز المدينه الطبي
انا اتكلم عن تجربة ورحت عند وفاء طلبه وربي انها مابتفهم بس تبغى تسحب فلووس ومامة صحبتي راحت عندها ودفعت عندها جلسات فووق ال8000 لجسمها ومااتغير حاجه .. الباقين اللي ذكرتيهم ماعندي اي خلفيه عنهم
انا اخدتلي فتره من الكليه صرت مرقعه الله وكيلك اليدين والوجه بلون والجسم بلون تاني رحت المدينه الطبي عند الدكتور عبدالوهاب اداني كريمات بالمره فادتني ومقشرات كمان بس انهم غاليين حبه وبرضو جربت عندهم الليزر للشعر مرره كان ممتاز كنت ابغى اعمل جسمي كلوا بس رفض لانوا بيقول مو مرره كتير
وازا عملتيه ممكن يعكس معاكي ويكتر .. وازا ماتبغي رجال في حاتمه هيا ممتازه بس مو بشطارة عبدالوهاب .. امممممممم وبس ياعسل انشالله اكون افدتك ..

do_0dy · 10-19-2011, 05:00 AM

اهلين اغضان
ماجربتها بس في بنات كتار بالمنتدى مدحوها .. انشالله يفيدوكي
انتي كيفك مع الحمل انشالله مرتااحه ..؟؟

اغصان الربيع · 10-19-2011, 05:05 AM

هلا حبيبتي والله الا الان متردده اروح عند ايمان بالعقالي ولا فوزيه بالاحمدي

والله شوي تعبانه معاه بس الحمدلله وربنا يسهلنا

وانتي كيف الحمل معاكي ياقلبي؟

اغصان الربيع · 10-19-2011, 05:16 AM

يالله انا اساذن حبيايبي بروح انام عندي

محاضرات بالكليه عشان ..

مع السلامه

do_0dy · 10-19-2011, 05:56 AM

معليش ياعسل انشغلت .. ربنا يعينك انشالله
بحفظ الرحمن

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ممرخه ممتازه في المدينه المنوره	مااايااا	منتدى علاج العقم و تأخر الحمل	6	12-27-2011 06:11 AM
بنات المدينه ابي خبراتكم ..	بعثرة الوان	منتدى علاج العقم و تأخر الحمل	7	02-14-2011 02:35 AM
عين على طيبه الطيبه (( المدينه المنوره ))	نورا	المـنـتـدى الـعـام	4	02-09-2011 07:06 AM
لاهل المدينه المنوره	نسمة بحر	منتدى السوق التجاري	5	01-23-2011 01:39 AM
يافراشات المدينه المنوره تعالووووو...	فداك عمري يازوجي	منتدى علاج العقم و تأخر الحمل	7	03-21-2010 12:56 AM