تجمع حوامل ليبيا

ميمونة · 10-22-2011, 12:25 PM

اوكي وانا بنطلع ورانا قضيه نتلاقوا حبييتي سلام

كبريائي غريب · 10-22-2011, 12:40 PM

السلام عليكم كيف حالكم ومبرووووووووووووك النصر والكابوس انتهى وربي خذي حق كل شهيد وكل ام بكت بحرقه علي ولدها وكل اخت نزلن دموعها دم علي وخيها ربي خذي الحق في الناس اللي انعدمت في 93 وهدمت بيوتها وحرموا اطفالهم كلمه يا بابا ربي خذي الحق في الزوجه اللي مات زوجه وتدعي وتقول ربي اجرني في مصيبتي واخلف لي خيرا منها واهو ربي اخلف علينا بالخير وخلصنا منه في لحظه انهيار لا تتوقع
والعضوه اللي اتكلمت وقالت مسلم مش انت اللي تعطيه الاسلام ومش غيرك اللي يجرده من الاسلام افعاله يوضح اسلامه وربي عالم انسان يوصي ازلامه بالقبض علي الملتحين اين ما وجدوا واني نتكلم عن تجربه خالي عنده 5 ملفات في مركز الشرطه وانحبس عارفين ليش لانه ملتحيه ومتدين والخمار حرموه علي الفتيات والنساوين اللي يلبسوه فيه والحجاب قال من عمل الشيطان والقران حرفه
اخيرا وليس اخرا نهني ابطال ليبيا الاحرار والثوار مش اللي يلودوا في حياش بني وليد يخنبوا ويحرقوا هدوما مش ثوار للاسف
ومبروك عليكم النصر وان شالله ليبيا الجايه احلى واريح ونطوروا وطبنا وعلمنا يولوا احسن لانه تعبنا من الانحطاط العلمي والمهني والفساد

كبريائي غريب · 10-22-2011, 12:42 PM

ليش ماتبوش تتعرفوا اني خاطرني نتعرف عليكم

كبريائي غريب · 10-22-2011, 12:46 PM

اسمعوا اللي في ليبيا احكولي كيف احتفلتوا بالله عليكم احكولي
احني بالنسبه لينا في مصر مشينا شويه قدام السفاره جو مش عادي وصورت بكمرتي فيديوات لاتنسي ولا تتكرر مره تانيه وتوا ان شالله كان عرفت كيف بنزلهم في اليوتيوب

كبريائي غريب · 10-22-2011, 01:19 PM

ميمونه كيف حالك اهو انت موجوده هنى كيف امورك تمام ان شالله

كبريائي غريب · 10-22-2011, 01:29 PM

اني مانخشش للمنتدي ديمه لاني مش فاضيه عندي جامعه وعندي في العشيه كورس انجليزي وبنتي لما نمشي للجامعه نحط فيها عند جليسه اطفال مغربيه والورس نرفع فيها معاي
وزوجي بسلامته حتي هوا ما يقعد قرايته هلبا لانه يقوي في اللغه عنده والسنتين اهما اجباري ياخذهم وبعدين بيطلع لامريكا ان شالله وهوا تخصصه تخدير
واني نقرا سنه 3 قانون في جامعه القاهره قسم الحقوق والشريعه
ونبي نتعرف عليكم وتكونوا زي خواتي

ميمونة · 10-22-2011, 02:00 PM

هلا بااختنا كبريائي غريب --

شن الجو ومبارك علينا النصر والله اكبر

نتشرف بي بمعرفتك احنا هنا جو مش مطبيعي في طرابلس والله مانحكيلك

انت من امتي في وصر--وقداش ليك متزوجه==وين تسكني في ليبيا==وقداش مواليدك==وامتي بتروحي==

ههههههههههه قصقصه بس نبي نتعرف عليك اكتر

ميمونة · 10-22-2011, 02:01 PM

حبيبتي كبريائي انا توا مضطره نطلع نشوف الغداء ياريت تجاوبي علي اسئلتي ونتلاقوا في افرب فرصه

كبريائي غريب · 10-22-2011, 02:37 PM

اهلين ميمونه نتشرف بيك وبمعرفتك الطيبه
اني ورفليه منسكان بني وليد وطرابلس الاتنين هههه
وومواليد 27 \5 1991
ومتزوجه من سنه ونص
واني في مصر من سنه و3 شهور
بنروحوا لليبيا بعون الله بعد مازوجي يكمل كورساته بنشوفوا اهلنا ان شالله وبعدها بنسافروا تاني
عندي بنيه عمرها تو 7 شهور
اسمها كنانه
وتشرفت بمعرفتك الطيبه

كبريائي غريب · 10-22-2011, 05:10 PM

ليش مافيش حد هنى اني نبي نهدرز عليكم لاني مستااااااااااااااااااحشه وقاعده بروحي