دردشة بنات المدينه المنوره - تجمع حوامل بنات المدينه

احلى ليان · 03-31-2012, 08:03 PM

بوح.. تسلمي انا بخير .. انتي اخبارك واخبار البيبي ؟؟

احلى ليان · 04-01-2012, 01:54 AM

يابنات الدردشة سايرة نايمة ومملة..

غنج أنثى · 04-01-2012, 07:43 PM

مساء الفل ع الكروشات الحلوات كيفكم وشو اخباركم جميعا والف مبروك للي ولدو وعقبال اللي لسى يارب والله وحشتني سواليفكم وتجمعكم وكيف اسومة ولدت ولا لسى واعذروني ع التقصير معاكم بس احاول بقدر الامكان ما اتركم لان عندي ظروف لكن انتم والله بالبال

إيلاف2012 · 04-01-2012, 10:11 PM

كيفكم كروشات وحشتوني.. أنا دخلت الثامن طبعا أسبوع الاجازه جيت المدينه عند أهلي وقضيت بقية شغلات البيبي ماعدا السرير ابغى نصائحكم ايش تنصحوني اشتري سرير هندول ولاعادي ؟؟ وطبعاً قررت أولد في مستشفى المواساة بما انه ولادتي قيصري ما ابغى اتعب في مستشفى الولاده والله يكتبلي ويكتبلكم ولاده سهله ويرزقني وياكم حسن الخلق وهون الطلق ..

بنوتة صالح · 04-01-2012, 10:42 PM

اقتباس:

المشاركة الأصلية كتبت بواسطة أسوووم

تسلمي ياسوما ع الدعوه الحلوة ربي يوفقك ويسهلك ياااااارب .. أم اجوان بكم أخدتي طقم الإستقبال لأني أمس كنت في باسلامة وأقل طقم ب١٨٠٠ بس السرير المعلق روووووعه وأرواب النفاس عندو تجنننن مرره حلوه ومريحه زوجي قلي بدري نشتري قلي ماأحب أجيب حبه حبه قال يبغى مررره وحده طقم وملابسي قلت طيب

اختي اسووووم يااقمر
بكم اسعار الأرواب عند باسلامة؟
وبكم طقم البيبي ؟
وهل اقدر اشتري فستان للبيبي ( طقم البيبي من فستان وقبعة والخ ..) لحاله ؟
ولا يجي مع طقم الاستقبال وسرير واشياء ثانية؟

لاني اشتريت كل شيء من سرير وارواب ومفرش نفاس بس باقي فستان للبيبي
انا برا المدينة المشكلة وبرجع ع نهاية التاسع ..
وباشتري للبيبي فستان استقبال بس للآن مالقيت
لفيت كل الأسواق الا باسلامة مارحته
اخاف اروح ويطلع غالي وزوجي يقولي ماتسمح الميزانية
اتمنى تفيديني الله يسعدك :)

الله يجزاك الجنة

إيلاف2012 · 04-01-2012, 11:58 PM

اقتباس:

المشاركة الأصلية كتبت بواسطة بنوتة صالح

اختي اسووووم يااقمر
بكم اسعار الأرواب عند باسلامة؟
وبكم طقم البيبي ؟
وهل اقدر اشتري فستان للبيبي ( طقم البيبي من فستان وقبعة والخ ..) لحاله ؟
ولا يجي مع طقم الاستقبال وسرير واشياء ثانية؟

لاني اشتريت كل شيء من سرير وارواب ومفرش نفاس بس باقي فستان للبيبي
انا برا المدينة المشكلة وبرجع ع نهاية التاسع ..
وباشتري للبيبي فستان استقبال بس للآن مالقيت
لفيت كل الأسواق الا باسلامة مارحته
اخاف اروح ويطلع غالي وزوجي يقولي ماتسمح الميزانية
اتمنى تفيديني الله يسعدك :)

الله يجزاك الجنة

انا شفت فستان للبيبي في العاليه مول في محل جنب البوابه بس مو فاكره اي بوابه قيمته فوق ال100

احلى ليان · 04-02-2012, 06:35 AM

صباح الورد .. والفل .. والياسمين ..
كيفكم يا بنات ان شاء الله تكونوا في احسن حال .. وتكون النفسية عال العال ..
غنج .. احنا بخير والحمد لله وانتي كمان وحشتينا والله بشري كيف ولدك دحينت ان شاء الله احسن .. فاقدينك انتي وسنة حلوة وحمرة الورد بس الحمد لله من غير شر ياربي اهم شي ولدتوا بالسلامة ..
بنوتة صالح.. في با سلامة حتلاقي فستان البيبي بقبعته وكافولة ورباط كافولة وقفازات وبيت رضاعة ومرتبة وناموسية ومخدة طقم كامل للبيبي وقيمته 160 مو غالي ومرة حلووو.. وبالتوفيق لكل البنات..
ايلاف .. مبروك دخلتي الثامن زيي هانت لقيت احد يولد معايا هههههههههههههه ربي يسهلها عليكي يا قمر وتتحول ولادتك من قيصرية لطبيعية ياااارب قادر على كل شي قولي امين .. السرير العادي احسن من المعلق او الهندول يجلس معاكي فترة لقدام لو حبيتي اما التاني صح حلو ويجنن شكلو بس مجرد منظر ما ادري هادي وجهة نظري ..
فين باقي البنات ؟؟ سوما.. ام اجوان.. بوح .. ميمي .. توته.. رحيق .. راما .. اسوم.. دلوعة .. والبااااقين كلهم.. لا تغطسوا يا بنات ..
ان شاء الله تكون دلوعة زوجي ولدت وتبشرنا بسلامتها..

ام اجـــوان · 04-02-2012, 08:48 AM

هلا كروشااات كيفكم ....؟؟
اللي سالوني عن طقم الاستقبال للنونو
انا اشتريته لحاله بس بدون السرير والاغراض الثانيه
وسعره على ما اظن 150 وشوي
والله ناسيه بالضبط

احلى ليان كيفك ... لاتسالي عن النفسيه
النفسيه زفت بالمررره استغفر الله ياربي
خلاص ابغى ارتاااح واولد مررره تعبت من الانتظار

بنوتة صالح · 04-02-2012, 12:57 PM

احلى ليان الله يسعدك تسلمي ماقصرتي

وام اجوان يعديكم العافية ..

ريحتوني يعني الاسعار حلوة .. انا خفت يكون فوق 1000
ههههههههههههههه

احلى ليان · 04-02-2012, 08:43 PM

ام اجوان .. خلي النفسية على الله وربي يهونها عليكي وعليه وعلى كل حامل يارب .. استغفري وسبحي والفرج قريب ان شاء الله هانت " ان مع العسر يسرا "
ورينا ايش سويتي حركات للبيبي وصورتي ولا لأ؟؟ واخدتي صور سونار للبيبي؟؟ واتصوري لك صورتين دحينت قومي حطي روج واتصوري ههههههههههههه عشان يسير عندك صور للذكرى وتحطيها في الالبوم ..
وسويتي زينة المستشفى والبيت ولا لأ؟؟ عشان افزع لك واسويلك هيه بس بدون بلالين ..
حوريكم ان شاء الله صور الفلين الجديد اللي سويتو عشان تقولولي ارائكم وطلباتكم مافي وحدة نفعتني فيكم ههههههه
بنوتة .. الله يسلمك ما سوينا الا الواجب ترا كلنا هنا اخوات نساعد بعضنا .. رب اخ لك لم تلده امك .. هههههههههههههههه اتفلسف انا طيب ..
هيا يا كرووووشات ادخلوا ندردش ونضيع طفش..
المرسلة : اختكم ط. م
طفشااااانة مووووت
ههههههههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بنات المدينه المنوره تفضلو !!	best mama	منتدى فترة النفاس	15	03-12-2012 02:05 PM
دردشة بنات المدينه المنوره - تجمع حوامل بنات المدينه	سماسم	إستفسارات حوامل من الشهر السابع إلى الشهر التاسع	12958	01-02-2012 09:19 PM
بنات المدينه المنوره تكفووون ساعدوني	الّـٍـَـَـَ ζ ــَـٍَـَلآ	إستفسارات المستشفيات و عيادات نساء وولادة	2	10-22-2011 10:53 PM
بنات المدينه المنوره انقدوني	حوااء	المـنـتـدى الـعـام	6	09-04-2011 05:42 PM
بنات المدينه المنوره بلللليز ساعدوني	مصريه وراسي فالسما	إستفسارات المستشفيات و عيادات نساء وولادة	6	07-23-2011 05:01 PM