تجمع حــوامل التوائم

[حزن الزمان]

هلا كروشات شخباركم كلكم خايفين حتى أنا ...بنات أنا تعبانة من خدامتي ومب عارفه شلون أعلمها تعبانة ...

[نـــــــارا]

كيفكووووون

نواعم النعومة... حبيبتي دام انتي ببداية الثالث والوحام ضارب عندج على الخمول.. عيل نامي قد ما تقدرين... أنا كنت أنام من 4 العصر إلى يوم ثاني الساعة 7 الصبح متواصل وما أجلس إلا عشان أروح الحمام مكرمة! قضيت فترة وحامي كلها نوم واستفراغ مكرمين

الإفرازات الخضرة احتمال تكون التهابات... راجعي الدكتورة أحسن عشان يشوفوا لك حل.. وكثري من شرب السوائل أحسن

حزن الزمان... حبيبتي شوفي لك خدامة الأهل أو أي أحد من أهلك يعلمها.. أو انتي بس اشرفي عليها .. يعني لا تتعبين نفسك.. راويها الأشياء وخلها تنظف لك على الأقل.. الله يعينك لازمك راحة

أمس اتصلت وأخذت موعد إلى تصوير سونار رباعي الأبعاد .. إن شاء الله يوم الأربعاء بروح اشوف بناتي واتأكد انهم بنات واتطمن عليهم وعلى صحتهم

ظهري يعورني وايد... عندي ضيوف حوالي 15 شخص بكرة.. وما ينفع أجيب كل شي من برة لازم أسوي أشياء بالبيت... وأمس المغرب طلعت ورحت السوبر ماركت وظليت اتسوق عشان الأغراض اللي ناقصة للطبخات.. والله أني بهلك.. كملت ألحين سبع شهور من تزوجت وتوهم متفرغين يبون يباركولي! مع أني مسوية حفل استقبال كبير ودعيت الكل!

[ميمي الاموره]

المشاركة الأصلية كتبت بواسطة توأمي فرحة عمري

ميمي
ان شاء الله يسكرون المكان زي بيبياتك طبعا في الثامن بنتأكد
بس احس العمليه أمان لي ولهم يمكن أضعف في الطبيعي
وما أقدر أولد الاثنين
حتى زوجي خايف يقول خليهم يخرجونهم قيصري ويريحونك

إلا صدق انتي عرفتي انه توأم بالسادس أحسه متأخر مره
انا عرفت بالشهر الثاني

شوفي اللي يسكر لك المكان اكثر حبيه اكثر
ياحلوهم ياناس وياحلو حركاتهم

ايه ماعرفت الا بنص السادس انصدمت ماكنت ادري
ام زوجي قايله انها حلمت وانا بالشهر الاول اني حامل بتوام وخفت ويوم جت مراجعتي سالت دكتوري ان اللي حامل بتوام ولا اثنين سوت بالسونار اللي عندها قالت لا واحد وتطمنت انه واحد ووقلت لخالتي ومااقتنعت هي بكلامي كانت واثقه وكنت اراجع الشهور الاولى على اساس اني حامل بواحد
بس كانوا اللي حولي منجنين من بطني يقولون مرررره كبير انتي حامل بتوام واحلف انه لا والله واحد حتى مره بعزيمه كنت جايه يحسبونه انه شهري وانا كنت ببداية السادس وقالت وحده من العجز بطنك مقسوم انتي حامل بتوام ولا جاء ببالي اني حامل بتوام ابد
يوم سويت السونار اللي موعد خاص بالسونار عشان احدد الجنين قالت لي ماشاء الله توام
قلت لا كنت احسبها تستهبل قالت الا ياقلبي توام شوفي هذا واحد وهذا الثاني بلحظتها مويه بارده انكبت علي
وغيرت دكتورتي وصرت اراجع عند دكتور حسيت هذيك ماعندها سالفه حامل بتوام ومادرت القهر ان كل مره اجيها تسوي لي سونار بغرفتها
الصراحه بالبدايه مافرحت بالخبر وجلست متضايقه يوم كامل وابكي لاني توني متزوجه وادرس وماكنت حاطه ببالي اني راح احمل بتوام ابد
بس بعدها صرت متحمسه لهم واحتري جيتهم على نااااااااار
امس اقول لزوجي انت حاط ببالك بعد اسبوعين بيصير عندنا بيبيات لي ولك بس لحالنا
هو خايف بس انا مبسوطه مررره انهم راح يجون الله يتمم لنا على خير ونشوفهم بصحه وعافيه

[ميمي الاموره]

المشاركة الأصلية كتبت بواسطة حزن الزمان

هلا كروشات شخباركم كلكم خايفين حتى أنا ...بنات أنا تعبانة من خدامتي ومب عارفه شلون أعلمها تعبانة ...

ياحبيبتي ياحزن لاترهقين نفسك عمرها ماتعلمت
اذا تقدرين ترسلينها لاحد تتعلم عنده بس انتي ارتاحي انتي توك مرتاحه من هم النزيف ماتبين يرجع لك
وتخسرين بيبياتك
ارتااااااااااااحي لايجيك ماجاء كوثريه ولا تخسرينهم انتبهي بس

[ميمي الاموره]

المشاركة الأصلية كتبت بواسطة نـــــــارا

أمس اتصلت وأخذت موعد إلى تصوير سونار رباعي الأبعاد .. إن شاء الله يوم الأربعاء بروح اشوف بناتي واتأكد انهم بنات واتطمن عليهم وعلى صحتهم

ظهري يعورني وايد... عندي ضيوف حوالي 15 شخص بكرة.. وما ينفع أجيب كل شي من برة لازم أسوي أشياء بالبيت... وأمس المغرب طلعت ورحت السوبر ماركت وظليت اتسوق عشان الأغراض اللي ناقصة للطبخات.. والله أني بهلك.. كملت ألحين سبع شهور من تزوجت وتوهم متفرغين يبون يباركولي! مع أني مسوية حفل استقبال كبير ودعيت الكل!

زين طمنينا عليك وعلى البنوتات الله يتمم لك على خير

وانتي تسوين عزيمه وانتي تعبانه ياشيخه عمرهم مانعزموا انتي الغلطانه ليش تعزمينهم وليش تطبخين بالبيت المفروض هم اللي يجيبون الله يعينك والله عالتعب عسى عندك خدامه تساعدك وترد عليك ولو ماعندك خلي امك ولا خالتك ام زوجك ترسل خدامتها انا سويت عزيمه اول ماتزوجت قبل لا احمل وبغيت اموت مع اني والله ماسويت الا حلويات وكم نوع مع العشاء كيف انتي وانتي ثقيله وتعبانه
الله يعينك
تدرين لو انتي عندي ضربتك على يدينك عشان تتوبين ماتعزمين وانتي تعبانه

[ميمي الاموره]

في احد ؟؟
انا طفشانه لحالي

[نـــــــارا]

أنا موجودة

والله ما بودي أعزمهم أنا بعد ما تزوجت وبعد ما رديت من شهر العسل سويت حفلة استقبال كبيرة وعزمت الكل.. واللي جوا قليل!! انقهرت عدل يعني استقبال ومخسرة عليه وكل شي ومحد يقدر.. وآخرتها كل يوم والثاني ناس تتصل يبون يجون يباركون ويهنون! وأنا بصراحة أبي افتك ما ابي كل يوم تجيني وحدة وثنتين.. ألحين 15 شخص بيجون.. اتصلوا فيني وقالوا يبون يجون شقتي قلت لهم صغيرة وما تكفي وأنا حامل ما أقدر حياكم بيت أبوي.. يعني أمي وخدامة أمي بيساعدوني ولازم بتساعد وياهم بعد وبسوي كم طبق

عاد فكرت أجهز اليوم كم طبق من اللي ممكن اخليهم بالثلاجة جاهزين وبكرة بس ادخلهم الفرن.. أريح لي

[ميمي الاموره]

المشاركة الأصلية كتبت بواسطة نـــــــارا

أنا موجودة

والله ما بودي أعزمهم أنا بعد ما تزوجت وبعد ما رديت من شهر العسل سويت حفلة استقبال كبيرة وعزمت الكل.. واللي جوا قليل!! انقهرت عدل يعني استقبال ومخسرة عليه وكل شي ومحد يقدر.. وآخرتها كل يوم والثاني ناس تتصل يبون يجون يباركون ويهنون! وأنا بصراحة أبي افتك ما ابي كل يوم تجيني وحدة وثنتين.. ألحين 15 شخص بيجون.. اتصلوا فيني وقالوا يبون يجون شقتي قلت لهم صغيرة وما تكفي وأنا حامل ما أقدر حياكم بيت أبوي.. يعني أمي وخدامة أمي بيساعدوني ولازم بتساعد وياهم بعد وبسوي كم طبق

عاد فكرت أجهز اليوم كم طبق من اللي ممكن اخليهم بالثلاجة جاهزين وبكرة بس ادخلهم الفرن.. أريح لي

ياختي بعد هالناس تقهر لو ماسويتي عزيمه يمكن بس تخسرتي وسويتي

احسن شي سويتيه خليتيه ببيت اهلك عشان تفتكين من الحوسه

والله يعينك

اذا انتي بالرياض تبين مساعده ترا ماعندي مشكله اساعدك عشان اخفف عنك شوي

[نـــــــارا]

ما تقصرين حبيبتي وخيرج واصل بس ماني من الرياض أنا من جارتكم البحرين

[ميمي الاموره]

المشاركة الأصلية كتبت بواسطة نـــــــارا

ما تقصرين حبيبتي وخيرج واصل بس ماني من الرياض أنا من جارتكم البحرين

يووووووه

والله من جد بعيده

تصدقين كنت احسبك سعوديه ماتوفعتك من البحرين
يالبى البحرين واهلها