تجمع حوامل ليبيا

[ميمونة]

خيانه كبري شن اديري انت وياها

ههههههههههههه

مبارك مبارك تلبسي بالهناء ام وسونه

[ميمونة]

وينكم وال رقدتو

[ليبياقلبي]

الحمد لله الطاغي عاده الحمد لله الله الايرده الحمد لله هو ولاده
اهني شعبي الحبيب شعب ليبيا البطل واهني كل تورانا البواسل الاقوياء الدي لم يهباهم شي اهني كل اب وكل اخ ليبي وكل ام بكت علا ابنها ووكل اخت ليبية والله العظيم اكبر فرحة والله احلى يوم يعتبر قسما بالله لحمي اقشعر صحيت من النوم علا احلى خبر ربي ينتقم منه تمنيت وخياتي شاركتكم الفرحة في نفس اليوم بس مشيت لي شيباني وبايتة نهنيكم من جديد واهني كل اخواتي الشقيقات من الدول الاخرى واشكرهم علا تهنئتهم وصدق نوياهم

[ليبياقلبي]

مبروك يقين وام وسونة وميراس وتمورة وام لقمان وام روفيدة وميممونة وميرنا وعيون وهاتو وام رودينة وام قصي وكل البنات

[ليبياقلبي]

وانا ياتمورة شيبانيه شادينه توار مصراتة لانا هو عميد في الجيش بس تبي الحق مش لانا شيبانيه والله هو من شهر 4 لزم حوشه وتعرفي مكانش متوقع انه يشدوه بس ممكن لانا يشتعل في مصراتة والله شيباني حالهم يقطع الحق شيبانيه الحمد لله مش قاتل ولامداير شي ربي يفك اسره يارب

[ليبياقلبي]

واسفة لو نسيت حد
يارب تحملي يا ام وسونة الشهر هدا وياتمر حنة يارب العالمين ربي يعطيكم والدورة ماتشوفيها
وشن طام وسونة انا محل دريم شارية منا هدا قبل حلوات حاجاته وتعرفي حلو الميش انا مشيت بعد عرسي ومرة تانية وتوا ناوية اول مايطلع شيباني بنصبغ لانا عندي بعون الله عرس صاحبتي
تصدقوا انا معاش حنيت من شهر 10 لي فات خاطري فيها بنهبل عليها
ميمونة ربي يفرج عليك وتو سيورا تصير حاجة باهية

[بنت الاجـــواد]

حبيت ابارك لكم
الف الف مبرووووك
والحمدالله ابطال ياليبيا
واخيراااااا زمن الظلم والجووووور راح

وتستاهلون كل خير
جد جد والله فرحت لكم كثير

[ميمونة]

هلا ببنت الاجود تسلمي حبيبتي الله يبارك فيك

[ميمونة]

صباح الخير

انا فتحت اليوم وهدا دعاء اليوم يلا كل شخص يخش يقوله في نفسه

للهم انت ربي لا الة الا انت خلقتني وانا عبدك وانا على عهدك ووعدك ما استطعت اعوذ بك من شر ماصنعت وابوء لك بنعمتك علي وابوء بذنبي فاغفر لي فانة لا يغفر الزنوب الا انت


والان نفتح سجل الغياب تمر حني ويقين اندار لو ماخشيتوش اليوم طرد

عيون==استدعاء زوجك وعدر للغياب

ميرنا جاي دورك انت وام قصي وين هاربين

[ميمونة]

ليبيا فلبي هلا بالقمر شن حالك وحال اسرتك

زي مافهمت ان شبانيك مازال ماطلعش صح يارب يفك اسره ويرجع لحوشه سالم

شن حال بنيتك السنفوره