【ツ】أحلى تجمع لأحلى حوامل التوائم 【ツ】 ‏الجزء الثالث

[ضوء السحر]

أنا ضااايق خلقي من أمس و اليوم تكرر لي نفس الموقف

طفشت والله

عندي اخت زوجي لها 6 سنين و ما حملت

و هم بيت عمي عرفوا اني حامل بتوأم

و الله لا يررااوييكم كل ما تشوفني عمتي بروحي جااات

ما بتقدرين تربين اثنين و لا بتقدرين ترضعين اثنين

بناخذ منج واحد و الثاني خليه عندج

و ربي قهههررررر

و ما ضلت كلمة ما انقالت

انتي ما تفهمين

و بلا دلاعه و مادري شنووو

من صج قهررر

[ام منذر]

مساءالخيراااات

هلا بحبيباتي كنت اتغلى عليكم بس احسبكم مانتبهتولي

والله احبكم بقووووووووه
احلي ايام العمر/ ريماس/ ام منصور / احساس روعه

بارك الله فيكم ووفقكم وسهل حملكم وولادتكم ياااارب

[ام منذر]

حبيباتي كان سؤالي ودي اسوي اشعه رباعيه

ومنها اعرف جنس التوينز تتوقعون متى احسن وقت اسويه

وانتم عملتوا هذي الاشعه

احنا قالت الدكتوره نعطيكم الcd ذكرى

[غربة مشاعر2011]

مسااااء الورد والحب للكل
الله يبارك للي ولدن ويسهل على الباقين وعلى يارب العالمين
ريتاج أسمى ناقص من الجدول انا بالشهر الرابع 16 اسبوع و4 ايام

[غربة مشاعر2011]

ضوء السحر
بخصوص الاستهبال الله بعينج لا تعطينهم وجه والله خير حافظ ما يرزقنا بشي الا هو اقدر مني ومنج ومن جميع البشر على حفظم ورزقهم
انا اقول لاختي مب متزوجه ساعدوني بواحد مب راضيه تقول اكتبيه باسمي مجنونه
يخبروني عن وحده تقرب لصديقي ماشاء الله اربع توام وزعتهم على اللي فالبيت اهل زوجها اللي فاضيات كل وحده واحد والحمد لله ربووو معاها الاربعة بخيرررر بس أهل ريلج شكلهم حقد الله يحفظج

[سديم ورنين]

ضوء السحر الله..يعيينك حصنني نفسسسك واتكللي ع الله ..*

[ام منصور]

ضوء السحر
حبيبتي ما عليج من حد ولا تحطين في بالج كلامهم ونغزاتهم وكلي الله عليهم
وانتبهي لنفسج وصحتج ولا تضايقين ياقلبي

ام منذر
حبيبتي انتي ربي يتمم عليج بالخير ان شاء الله

[رضاك ربي]

ضوء السحر


نعم نعم نعم شنو تاخذ واحد انتي بسهولة جبتي البيبي لا تتهاوني وكوني صارمة معهم وماتجاملين احد بهالموضوع وكلميها من باب انك تبيهم يربون سوا حتى يضل قلبهم على بعض مابي تمييز بينهم ما اقدر وما اتخيل يبعدون عني انا اخوي 16 سنة زواج وللحين بلا اطفال وما عطيته بنت من بناتي الا الطفل ما يحق لاي احد يبعده عن اهله

وبالصدفة كان عندي ضيوف الليلة الماضية وكلموني عن وحدة تقربهم رزقت باربع توائم ووزعتهم على الاهل والحين تعاني من غيرة اللي ربته عندها وتعاني من عدم تقبل الثانيين لاخوهم ولها واظن هالشي بأثر عليهم طول العمر السموحة عالاطالة لكن الموضوع استفزني

[شنتوره]

يا هلا
اخباااركم يا بنااااااااااات
ابشررررررررررررررررررركم ناقه ابوي ولدت جابت بنوته حمرا تجنن سمينااها شعلاء

صغيرووووووووووووووونه وباقي ناااقه ثانيه حامل بعد هذا شهرها الاخيريقول ان اللي باقي ما ولدت يوم شافتها الناقه الحامل وهذا شهرها انها بس تبكي شكلها خااااااااااافت هههههههههههههههههههههههههههه
قال ابوي يله ولدي قبل الناقه نشوف من تسبق فيكم ههههههههههههههههههههههههههههه

[شنتوره]

ام رفا وين غطستي