دردشة بنات مصر , دردشة حوامل مصر , تجمع بنات مصر

نولارا · 10-08-2011, 10:12 PM

يعنى ياسما هو واخد اجازه من الازهر اسبوعين وبنتمنى ان التثبيت يجى قبل ما يتفصل من الازهر
فلو حصل تثبيت هيرجع يومين يمضى قرار التثبيت ويسافر تانى
فبيطمن على مواعيد البيريود
قال يعنى خايف ينزل زنبقى اخوات
قلتله بس هما يثبتوك وموش مهم اللى بتفكر فيه
من ورا قلبى طبعا هههههههههههههههههههههههه

om arwa · 10-08-2011, 10:15 PM

فخيمتوا يا نوراااااااا
يارب يتثبت وماتبقوش اخوات هههههههههههههه

نولارا · 10-08-2011, 10:16 PM

توته هما فعلا نزلوا قرار تثبيت لمحافظه الجيزه 3 صفحات
ومكتوب فيه تم تثبيت المتعاقدين من اسم كذا لاسم كذا
ادعوا يابنات يثبتوا متعاقدين الغربيه بقى قبل ما العقد بتاعه يتفسخ
والله صعبان عليا ال5 سنين اللى راحوا من عمره يضيعوا على الفاضى كده

ياسميين · 10-08-2011, 10:24 PM

اقتباس:

المشاركة الأصلية كتبت بواسطة om arwa

فهمينى يا ياسمين انا مش فاهمة اصلى هكسل كل شوية اقوم واحطها فى السرير حاسة انى هستسهل وانيمها جنبى ومااستخدموش

بصي يا حبيبتي انا ف ريان كنت كده بكسل اني اقوم وكنت بنيمه جنبي طول 3 شهور الاولانيه ولما جيبت له سرير ماكانش راضي ينام فيه خالص عشان اتعود ينام جنبي
والمشكله كنت بخاف يوقع وانا نايمه او حاجه وكنت بنيمه وسط السرير وجوزي كان بيزعل من كده ومتعود ينام في سريره الا بعد ماكمل 3 سنين وبجد تعبني كتييير اووي
اما بلال انا جبته له زي دا

وكنت بحطه جنبي ع الارض يعني ماكنتش بقوم ولا اي حاجه والحمد لله اتعود انه ينام كده لوحده ف سريره وماتعبني ابدا زي ريان

ياسميين · 10-08-2011, 10:28 PM

نورا وتوته ايوا انا كمان معاكم ان السرير الكبير مالوش لازمه في الشهور الاولانيه
بس كمان غلط يتعودو علي النوم جنبنا

نولارا · 10-08-2011, 10:31 PM

والله تفكير ياسميين يحترم برضه
لان انا وخالد افتقدنا اننا ننام جنب بعض قوى
انا كنت بنيم احمد فى النص خالد كان بيخاف يجى عليه
كنا بنيمه على الطرف وجنبه مخده وكنت انا ببقى خايفه عليه يقع
فعملنا ايه
كنت بنام انا واحمد بالطول وخالد ينام بالعرض ههههههههههههههه
بس طبعا خالد رجليه كدا كانت بتبقى فى الهوا
وبعد كام شهر بقى بيسيبنا وينام فى الاوضه التانيه
وانا زعلت قوى بس ما قدرتش اكلمه لانه معاه حق
ففكره السرير ده ممكن تحل مشكله كبيرررررررره فعلا
دورى علليه ياسما

ياسميين · 10-08-2011, 10:39 PM

واكيد لحد دلوقتي يا نورا بيحب ينام جنبك
انتي عارفه والله ريان دلوقتي عمره 5 سنين بس برضو اوقات بيصحى بالليل ولازم يجي ينام جنبنا وعشان كد انا بقول انه غلط انهم يتعودو علي النوم جنبنا

om arwa · 10-08-2011, 10:40 PM

انا كنت بنيم اروى ال 3 شهور فى العربية بتاعتها بفرفشهلها وانيمها فيها بعد كدة اتعودت تنام جنبى الى الان ولما بنيمها فى اوضتها بتصحى فى النص وتجيلللللى الاوضة
فانا خايفىة تجيلى مش هيبقى فى مكان تنام جنبى لو النونة نايمة جنبى عشان كدة فكرت فى السرير

الحل التانتى انى ارح انام فى اوضة ارى
وتبقى اروى على سرير وانا والنونة على سرير
بس مش بحب اسيب اوضتى واسيب عبد الله

دودى اشرف · 10-08-2011, 10:41 PM

السلام عليكم .. مين هنا علشان انا مش هبقى هنا هههههههههههههههههههههههههههه
ازيكم كلكم

دودى مجدى · 10-08-2011, 10:46 PM

ههههههههههههههههههههه يا عينى عليك يا خالد ضحكت اوى على رجلية مدلدلة دى
ازييكو يا عيال

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM