تجمع حوامل ليبيا

ام وسونة · 10-20-2011, 05:45 AM

الساعة قداش توا عندكم

تمر حنة · 10-20-2011, 05:53 AM

عندنا الساعة 11 الصبح
وبالنسبة للتلقيح مش عارفة الدورة مازال عليها اكثر من اسبوع وآمس واليوم اول ما انوض الصبح نحس بألم زي الم الدورة خفيف شكلها بتجيني وقبل موعدها زيادة يستر الله والله نحس في روحي محبطة لكن الحمد لله على كل حال
والمشكلة ناخذ في دواء متعبني مرات اندير تحليل دم وخلاص باش كان مافيش حمل نوقف الدواء علاش نعذب في روحي

ام وسونة · 10-20-2011, 05:59 AM

وسعي بالك راهو حتى الحمل اعراضه زي الدورة

لوماتاخديش في ادوية فيها هرمون الحمل

ديري تست في الحوش وشوفي النتيجة لانه

التست لوفي حمل حيطلعلك خط هافت واني مجربه

تمر حنة · 10-20-2011, 06:10 AM

مش عارفة مانبيش نطمع روحي لانه متأكدة انه الم الدورة انا خبرة فيه ههههههههه مايفارقني شهر والحمد لله

ام وسونة · 10-20-2011, 06:11 AM

يلا ربي يطمن بالك ويرزقك وخلي املك بربي

كبيييييييييييييييييييييييييييييييير

وهي توا نستاذنك خلي نمشي نرقد

تمر حنة · 10-20-2011, 06:20 AM

الله يبــــــارك فيك ويحقــق امانيـــــك
احــــــــــــلام سعيــــــــــــدة حبيبتــــــــــــي

تمر حنة · 10-20-2011, 06:40 AM

بنات شن رايكم في الصورة الرمزية هذي صورتي انا وراجلي يوم الفرح
ام وسونة شن رايك في الميش والتسريحة والشعر الحرير يتطاير مع النسمات حاجة صح قولي ماشاء الله انت عينك قوية
ام ردينة اكيد بتسألني عند من ميشت لكن مش قايلة نأسف

تمر حنة · 10-20-2011, 06:47 AM

عيــــــــــــون زوجـــــي كيف حالك توا ان شاء الله فيه استجابة وتحسن مع العلاج
طمنينا عليك

ميمونة · 10-20-2011, 10:16 AM

اهلين ليبيا قلبي--شن الجو وشن حال بنيتك توا -مانشوفوش فيك الا خطف

ميراس-- الله غالب شن بيدير حتي اهنا في طرابلس كترت الخنبه بشكل مش طبيعي ويقولو ثوار الزنتان والله اعلم انا نحس فيهه فتنه مش لشئ ولكن في ناس تستغل اسم الثوار لمصالح شخصية

ميمونة · 10-20-2011, 10:21 AM

مرحبتين ام وسونه وصح والله الميش وحركات ولوك جديد شن هالحلو يبوز عالعيد --

علي فكره نحس في الميش هو الوحيد اللي يغير مع انه مضر للشعر انا اخر مره طحت في وحده مقومه في .مروه الحسناء..جزيرة الفرناج روعه الحق

نبي نسالك ام وسونه --شن اسمه المزين قلتي في تونس وعاوتيه وين؟؟