تجمع حوامل ليبيا

ام وسونة · 10-20-2011, 02:26 AM

هي تصبحوا على خير ياحلوات

تمر حنة · 10-20-2011, 05:04 AM

السلام عليكم ورحمة الله وبركاته

ام وسونـــــــــة الحمد لله على سلامتك حبيبتي وسامحيني بسبب الكذب والتضليل ههههه لكن مانبيش نخوفك منها تعرفي شككتيني انها مش نفس اللي درتها انا لان انا الالم اللي صارلي بصدق استمر ربع او ثلث ساعة ومافيش نزف لكن تعبت لما الجهاز داخل جسمي بصدق تألمت هلبة لكن كل واحد وجسمه وحتى الدكتور لي دور
اهم حاجة انه قالولك الامور تمام والباقي كله يهون
انت قعدة في تونس والا روحتي؟؟؟

تمر حنة · 10-20-2011, 05:18 AM

يقيــــــــــــــــن و ميمــــــــــــــــــــونة مشكورات حبيباتي على السؤال وان شاء الله ماتفقدوا غــــــــــــالي

لــــــيبيـــــــا قلبــــــــــي مبارك ماشريتوا لبنيتك وربي يطول في عمرها ويحفظها وان شاء الله لاباس عليها
شن قصة شيبانيك ومن اللي آسره جماعة القذافي وإلا جماعة الثوار؟ ماتسكتوش هذا راجل كبير مش خرج حبوس وبهاذل حاولوا بأي طريقة توصلوا لشخص مسؤول يساعدكم وربي يطمنكم عليه يارب ويرجع ينور بيته قبل العيد

ام ردينـــة ربي يعاونك ويخليلك بوك ويطول في عمره
وين امك ماشية تدهور في تونس ومخليه شيبانيها الفالحة ههههههه ربي يرجعهم بالسلامة

هـــــاتو ان شاء الله لاباس على بنتك

ام وسونة · 10-20-2011, 05:29 AM

اهلين جيتي يامش واعرة

عموما اني مادخليش جهاز اللي شفته حاجة حديد

وبعدين دخل زوز مقصات طوااااااااااال وابرة فيها

دواء والمشكلة اللي حسيته كله من الدواء يعني

الادوات حسيتها حاجة ضاغطة في رحمي بس

تمر حنة · 10-20-2011, 05:30 AM

ياعيني على ميرنـــــــــــــــــا كان الدرناويات (حااااااااضر نتصل بيك فورا) كان احنا الله غالب علينا حتى نسألوا ماترد علينا
باهي ياميرنا لكن اسمعي انقولك سر وما تقوليه لحد حتى انا درناوية راهو غير يدلعوا فيا صبراتية بس
ههههههههه بالك نلقى حتى انا من يشقى بيا

ام وسونة · 10-20-2011, 05:30 AM

اني روحت اول امس يعني ماقعدتش يوم في الطريق

ويوم للدكتور ويوم روحنا فيه

ام وسونة · 10-20-2011, 05:32 AM

حقا ميرنا ماقولتيليش شن تفسيره الحلم راني نفكر فيه

وقاتلني التفكير ديريلي حل بسرررررررررررعة

تمر حنة · 10-20-2011, 05:34 AM

مقص و إبرة واااااااااااااااااااك خوفتيني
لالالا تعرفي نحسها مش نفسها هنا في ماليزيا يسموا فيها إكس راي مش اشعة الصبغة لذلك احتمال مش نفس القصة لانها بجديات عادية مش متعبة

تمر حنة · 10-20-2011, 05:41 AM

باهي وبعدما كملتي التحاليل بتكملي العلاج في تونس والا ليبيا ؟؟

ام وسونة · 10-20-2011, 05:43 AM

اكيد في تونس ودارلي موعد مع اول يوم

في الدورة عشان العلاج

احكيلي انتي شن امورك توا بعد التلقيح وامتى بديري تست الحمل