ديوانية البحرين - دردشة حوامل البحرين - البحرينيات

[om khalil]

قالت موعدها باجر ان شاءالله

[فجوره]

بووووو ماتشوفين شر بنت الاياويد
انه بعد من جمن يوم تصخنت و صادني الم مثلات الطلق
بس اشوه الصخونه خفت والالم طلع انذار كاذب

ام خليل
ذيج الحزه مو بس بشاهق الا بناهق
اهم شي يطلع الياهل بالسلامه

[بنت الأياويد]

الله يسلمج هالصخاين هابه الحين مال تغيير الجو ، توني اليوم الي قمت فيه من الفراش وكنت كله في بيت امي من يوم الاحد ماقدر اتحرك كلش توني اليوم رادة شقتي ماعطني الدكتورة اجازة حتى باجر بس بحاول اروح لاتفوتني دروس

[فجوره]

لالالا تحملي تروحييين
باجر الخميس
سمتيها اجازه لي الاحد يصير خير
ترى اهم شي الياهل
انتي في السابع يعني مابقى شي

[بنت الأياويد]

اخليكم الحين بقوم ارتاح مابي ابذل جهد وترجع لي الصخونه مافيني شدة اهم شي سألت عنكم سلموا على الكل وعلى ام حماني اذا دشت وان شاء الله في اقرب وقت اشوفكم

[om khalil]

فجوره بتناهقين هههههههههههههههه
اتذكر الله لايعود السوء اجهاضي ببكري كان ولد 5 اشهر مو شاهقت ولا ناهقت الا نتفت ريشي وشعري من الصراخ هههههههههههه
الله لايرده يوم ان شاءالله

[بنت الأياويد]

بشوف روحي اذا اقدر بروح ماقدرت برزح محلي اوردي الاجازة وموجودة:)

[حنين للماضي]

السلام عليكم
رجعنا لكم بعد طول الغياب

شمس, حروف, فتاة, ام حماني, روز, بنت الاياويد, ام خليل, طفلي حياتي, فجورة, بنوته حلوة, حبيبي حسوني(أتمنى مانسيت احد) كلكم وحشتوني
ومشكورين حبايبي شمس وحروف وروز وام خليل على السؤال عني

وحيالله بأم عائشة وأحلام أم
ان شاءالله الايام جاية ونتعرف عليكم اكثر
ربي يثبت حملكم وتقومون بالسلامة


غبت عنكم لأن نفس ماقلت لكم زوجي رجع من السفر وكان هالاسبوع اجازة
فكنت لو معاه لو طالعين نشتري للبيبي لو بيت ابويي لو بيت ابوه

(الحين اكيد بتقولون خمت السوق كامل)
بصراحة اني ماشريت ثياب واااجد واللي شريتهم كلهم صغار يعني من 0 إلى 3 وكلهم من مذكر اسعارهم كانت حلوة مع التخفيضات
قلت عقب ان شاءالله يصير خير وبروح اشتري له على راحتي
شريت ثياب ومراضع وفوط وبرنوص وهالاقبيل يعني
باقي لي مفارش وشنط مادري من وين اروح آخذهم

البارحة رحنه سوق واقف يازعم اشتريهم من اسواق طفل مادري احلى طفل اللي قالت عنه حروف بس ماحصلته اله بطلاع الروح ويوم حصلناه كان المحل مصكوك

حروف حبيبتي انتي والله
ماجوفين شر
اهم شيء تقومين بالسلامة ويطلعون الجهال بصحة
لاتحاتين حبيبتي وربي الشاهد يا ما ناس ولدوا بالعمليه نفسش في السابع والحمدلله الحين اولادهم اشحلاوتهم
ربي يسهل عليش وتقومين بالسلامة

شمس وفتاة افتكيتوا من التحليل
الحين الدور علي
عاد اني اذا بسوي لازم اطيح في المستشفى وحالتي حاله والله فشيله من قلب
يوم الاحد او الاثنين بروح اسوي بإذن الله

[om khalil]

بنت الاياويد الله يعينش سلامتش وماتشوفين شر ان شاءالله

[فجوره]

بنت الاياويد ريحي روحج ولاتقطعيين

ام خليل بعيد الشر عنا وعنج الولاده شي والاجهاض شي ثاني

حنيين ولكم باااك
قرت عينج بشوفه زوجج
وخمي الاكو والماكو مادام تخفييض
الا اي مذركير رحتي
الاصلي لو سنتر بوينت؟