دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[كروزه]

كروشااااااااات كيفكم ؟؟؟؟؟؟؟ادعولي ربي يسهلي في دوامي والله تعبت بس اتحمل التعب ولاقعده البيت والملل


قمر ليالي مكه

يارب اليوم تولدي وتكون ساعه سهله .والله كل يوم ادخل اقول احتمال ولدت يله بشيرينا

كوكب زحل

كيفك ياقلبي لاتقطعي التجمع ترى قلوبنا عندك وكل وحده تولد تدعيلها ساعه الولاده ربي يعوضها اوكي قمر انتي اول وحده تدعي

[Compassionate Heart]

سلام عليكم يا احلى امهات و كروشات في الدنيه

ام رانسي
كيفك و كيف البيبي عسى يارب تكوني بخير انتبهي حبيبتي على نفسك ولا تعبي نفسك يعني مو تقولي فرصه الدكتور قال اخرجي تقومي تخرجي كثير ربي ان شاء الله يوقف معاكي و يكمل حملك على الف خير


اموورة وكتكوتة
بخير يا وجه الخير ربي يسعدك و يطمني عليكي اشوفك انتي و ام رانسي طفشانين انا من الطفش حطيت راسي و نمت هههههههههه مقضيتها نوم في نوم الله يتمم حملك على الف خير


ثلجه فوشيه
امين يارب الله يسعدك و يعافيكي ان شاء الله باذن الله و الحمدالله انا صايره كل ما احس اني نمت على بطني ارجع يعني نومي كان ثقيل بس خف من خوفي اني انام على بطني و ربنا يستر و يحفظ ذريتنا يارب و يتمم حملك على الف خير


ملكة الاحساس
كيفك وكيف البيبي يارب تكونو بالف خير ربي يتمم حملك على الف خير


قمر ليالي مكة
ههههههههههه حبيبتي انا زيك اقول الا كاتبه ربي بصير و انتي صادقه و ان شاء الله اغير نومتي قبل ما ادخل الخامس باذن الله
عسى ربي يطمنا عنك يارب و تولدي الف الف سلامه و تقر عينك بضناكي الله يعطيكي ساعه رضيه يارب


نلي خانم
كيفك و كيف حال البيبي يارب تكونو بالف خير ربي يسعدك محلات انا لسه ما شتريت غير 3 بنطلونات و 5 بلايز حمل من ستي ماكس بس ابغى اشتري فساتين زيك و لسه زوجي ما فضي يوديني ربنا كريم يتمم حملك على الف خير يارب


•_• نـُور القـمَر •_•
كيف حالك ما صرنا نشوفك ليه كيف النونو يارب تكونو بخير و يتمم حملك على خير يارب


انشودةمطر
ربي يسعدك كيفك و كيف البيبي يارب تكونو بخير و يتمم حملك على الف خير يارب


كروزه
كيفك و كيف النونو شويه شويه على نفسك لا تضغطي على نفسك انتبهي على حالك الله يسعدك ربي يتمم حملك على الف خير يارب





بنات عندي مشكله و كمان مو مشكله الله يرضه على زوجي مريحني الله يريح قلبه يتغدا عند اهلو و انا لم اشتهي شي امي تسويه او هو يجبلي وتدرو يا كروشات في شي مضايقني الغسيل مالي خلق عليه اخلي امي تغسل والله مادري اخاف زوجي يوصل لمرحله يطفش من هذا الوضع و انا لسه في الشهر الرابع النظافه تجيني وحده 3 ساعات في اليوم تنظف و تروح مرا مرتاحه من هذا الشي بس مشكلة الطبخ و الغسيل و مادري ليش مالي خلق
و من الشهر الثاني قاعده في البيت من غير رافعات الصدر مادري احسها تجبلي كتمه والله مشكله ايش اسوي ساعدوني اسفه طولت عليكم

[فتاه الثلج]

كرررروشات من زيي تحس وخز في منطقه المهبل لما تمشي خطوتين والم في عظمه الحوض

والي عندها خبره من قبل تفيدنا

[ثلجه فوشيه]

نلي
أنا بخير ولله الحمد وطيب انتي كيفك حبيبتي ؟؟
اممم شوفي ياقمر اذا تبي فساتين ناعمه روحي برومود في عندو فساتين طوويله زي ماتبغي
وكمان في محل في الحجاز عندو بلايز واسعه وفساتين قصيره شكلها نعووووم مرررا اسمو جاكلين انتي روحي الحجاز دا المكان وجنبو كمان بشويه راح تلاقي برومود بالمره ادخليه
وان شاء الله تعجبك الاشياء هناك ..

Compassionate Heart

ترى شي طبيعي اللي صاير لك بس انتي عاد لا تصيريي كسوله بالمررره شوفي أنا كنت زيك أول 3 شهور بس
وبعض الاحيان كنت اضغط على نفسي واقوم اطبخ بس الغسيل كان زوجي مايخليني لانو متعب شويا ..
بعدين كويس انتي مامتك قريبه منك أنا مامتي بعيده مشوار ساعه الا ربع من بيتي يعني مرا صعب اطلبها شي كل يوم
اممم شوفي بالنسبه للنظافه ترى عادي حتى أنا تجيني وحده تنظف وتروح يعني مو مشكله وكمان صحيح الجلسه بالحمالات تتعب وتضايق فحتى أنا اجلس بدونها فعادي ياقمر لا تشيلي هم يعني هذا بيتك لو ما اخذتي راحتك في
بيتك فين راح ترتاحي ؟؟ كمان مسأله الغسيل انتي حددي لك مثلا يوم كل اسبوعين زي حالتي اغسل فيه كل اللي اتجمع وغسليه يعني مو شرط كل يوم وانتي مشغله الغساله ولما تجي اللي تنظف لك خليها تكوي كدا تنحل مشكله الغسيل ..
اما الطبخ مدري زوجك كيف انا تقريبا ما اطبخ يوميا ممكن اذا طبخت يوم اسوي حق يومين واليوم التاني اسخنو ..
وفي ايام اطبخ ورا بعض لانو بعض الاكلات ماتتسخن معليش شدي على نفسك بس في حكايه الطبيخ وترى الطبخ ماياخذ وقت يعني كلها ساعه ساعه ونص تكوني مخلصه طبخك نااااااامي للظهر وقومي بسرعه جهزي واطبخي
والله انا كنت بعض الاحيان اتكاسل وزوجي يدبر نفسو يآكل اي شي ومرات عند اهلو ويقولي لا تطبخي بس مرا زيك كدا حسيت اني مصختها فصرت اقوم اطبخ والله اني اشوف فرررحه في عيونو تخليني اتحمل التعب مو مشكله
وبعض الاحيان اذا تعبت في المطبخ من الوقفه تخيلي زي العجايز اجيب كرسي واجلس شويا اريح ههههههه
مرا جا وشافني جالسه قلي انا مو قلت لك رتاحي بس عادي مرا على مرا تتعودي والا بعدين راح تتعودي على الكسل هههههههه تصيري ماتبي تسوي شي ان شاء الله اكون افدتك ..

[Om KHaled]

Compassionate Heart
حبيبتي انا في احسن حال والحمد لله معلش والله هالايام انشغلت شوي وكنت باجازة رحنا للبحر بجدة واتسبحت بصراحة المنظرهناك مدهش ورائع اتمنى لكل حامل تروح تنبسط وتشيل عنها الروتين شوي وخوفها من الولادة وتغير جو , انا الحمد لله اتحسنت شوي عن الاول بخصوص الاكل صرت اكل كويس واتمنى اني ازيدعن 60,5 في الوزن
ربي يتمم على كل وحدة بالخير والبركة

[ثلجه فوشيه]

نور القمر ..
ان شاء الله تكوني انبسطتي ومن جد الوحده مننا محتاجه تغير جو عشان النفسيه تتحسن
اممممم فين رحتي بجده اخذتو كبينه يعني ولا شو < بدها تعرف فين اتسبحتي ههههههه

[Om KHaled]

رحنا ذرة العروس وحجزنا فيلا هناك والله المكان رائع مرررررة اتمنى اني اعيدها بعد الولادة مع ابني ان شاء الله , الحمد لله انبسطنا كلنا كانت لمة مع العيلة والاقارب سوينا خروفين مشوي وكان الجو حلو ... اتمناها لكل وحدة منكم يا رب
مين اللي بدها تعرف ؟< بدها تعرف فين اتسبحتي ههههههه

[نلي خانم]

سلاااااااااااااام

كروزه
كيفك الله يسهل عليك ليش ماتتركي الدوام والتعب تاخذي أجازه الى بعد الولاده لاتعرضين نفسك للأجهاد والخطر

Compassionate Heart
أهلين حبيبتي أزيك أنا طيبه لكن النوم ذبحني بس نايمه
بالنسبه للحمالات أنا شريت مقاس أكبر من الشهر الماضي مثلك صرت أحس بكتمه وحتى أخواتي يقولوا صدري كبر مع الحمل
والبيت أنا مثلك لاأطبخ ولاأغسل بالعكس أنا وزجي نقوم كل أسبوع يوم ونظف البيت مع بعض أنا الشغل الخفيف وهو الأشياء الثقيله وبكذا نتعاون ونحس بسعاده الحمدلله أما الطبخ أنا أكلي كله مسلوق وفواكه وهو مايبغى كذا فكل يوم ينزل لأمه وياكل عندها لأننا ساكنين بنفس العماره وعادي حتى هي متقبله الوضع ومو متضايقه لأني ماراح أبدى أطبخ ألا بعد الخامس بأذن الله لأنو الدكتور مره محذرني من الحركه الزايده
أبي أقولك شي \
أنا دايم ماأرد على رسايلك لأني مو عارفه أنطق أسمك ولاأعرف معناه واليوم طرى على بالي أنسخ وألصق الأسم وأكتب لك بس ياليت تريحيني من فضولي وتقولين أش معنى أسمك بالعربي؟

فتاة الثلج
سلامتك أنا عن نفسي أحس بألم من يوم ماأقوم بأي مجهود ومطنشه متوكله على الله وأخذ المثبت وربي يعين
لا تعطي ألامك وجه ماأدري بس أحسها تزيد كذا
أحب أطنش الألم وماأعطيه وجه ههههه

ثلجه فوشيه
مشكوره حبيبتي خلاص بأذن الله بروح هناك وأنا مره نسيت برومود وأنتي ذكرتيني شكلي نسيت السوق من الحبس اللي أنا فيه
أخويه يقولي أنو طفشان من العمل والدوام وأقول له كيف أنا محبوسه في البيت ثلاثه شهور ماأخرج ألا الدكتور مرررررررره طفشت من الحبس الله يعين بس هالمره بستأذن الدكتور وأروح السوق ومو مطوله يعني ساعه بالكثير

نور القمر
أش الروقان هذا سباحه مره وحده ماشاء الله أنا حدي طشت الحمام وأحسه كبير ههههههههه أقول لاتكتمين البيبي بالمويه
الله يهنيك والله شوقتيني للتماشي بس الله يعدي هالفتره على خير
اليوم شفت برنامج في قناة سما دبي مجموعة شباب خارجين البر ويشوون عاد انا مت من الضحك عليهم لأنهم مره كثير يمكن 8 وصلحوا دجاجه وحده بس وواحد منهم مره مليان جسمه جالس برى السفره بس يطالع عليهم وهم ياكلوا حركتهم غبيه طردوا صاحبهم من السفره طيب لو أختصروا الموضوع وكثروا الدجاج كان الموقف يموت ضحك برنامج كامل وتصوير على دجاجه وحده أغبياء
وأنتم شكلك ماشاء الله كريمين خروفين ليش ماجبتي لبنات المنتدى معاك بس خلاص أنا مو زعلانه أهم شي أنبسطي وأكلتي بالعافيه حبيبتي

[نلي خانم]

Compassionate Heart
أعتقد معنى أسمك القلب الحنون صح وألا لا

[كروزه]

السلام عليكم ورحمة الله وبركاته

نور الحمد الله اهم شي انبسطتي

نلي مااقدر اتحمل قعده البيت وحمي على البيت لو قعدت بس ابكي احس بضيق
لما اخرج انسى شويه واهلي مره بعيد عني تخيلي انا في الشهر الثامن ومرات احس بضيق واقعد ابكي معقول وحمي ماانتهى على فكره اظن معنى اسمها رحيمه القلب


رحيمه القلب انا الحمد الله بخير انتي كيفك