تجمع حوامل ليبيا

[ام اسيل]

خير يا احلى تجمع على وجه الارض وحشتونييييييييي

صابرة الف الف مبروك وان شاء من قسمك ايوة هكي نبو اخبار يفرحن والله خاطري نزغرد غبر منعرفش تو نخلي التزغريد لميرنا والف مبروك مرة اخرى
حبل الوصل نجك لي يانشادتي ياقريعتي انا مشغولة في عرس اختي
واليوم عند عربي صبيتي روحت من مصر كانت تزرع وروحت في بطنها اثنين عقبالكن كلكن يارب

[ميرنا]

المشاركة الأصلية كتبت بواسطة عيون زوجي

نسيتيني يا ميرنا حتى انا من طرابلس
شكلي منسيه باهي باهي

حبيبتى كل حاجة الا زعلك وناس تنسى اخيارها وبما انك فى المانيا مستحيل انقول من طرابلس نين ترجعى هههههههههه
انتى ولولى و ساجدة

[ميرنا]

ام اسيل ما شالله انشالله بسلامتها

[حبل الوصل]

أم أسيل نورتى ومبروك على صبيتك ماشاءالله وامتى فرح اختك

[ميرنا]

حبل الوصل ايش اخبارك نبى نسالك على حبوب منع الحمل كم قعدتى سنة تاخذى فيهم انا الدكتورة عطتم لى قالت خوذيهم الشهر هذا ايحولو الكيس وانا خايف منهم

[عيون زوجي]

المشاركة الأصلية كتبت بواسطة لولى2010

عيون هى اكيد مفاجاءة حلو بس هاتى من يفهم لان انا درت زيك وماقلتش انى حامل الا فى الشهر الخامس هلى فرحو لكن عربي زعلو وقالو عليش مش شهوة الحمل وان شاء الله ماينكدوش عليك وعلى فرحتك وبالنسبه للسفر فى الشهر التاسع شوفى الطيران لان نحن هنا فى قطر الخطوط القطريه ممنوع تسافر فى التاسع والتامن

خوفتيني يا لولي
انا متاكدة ان اهلي رح يفرحوا زي اهلك لكن كلامك مقنع حوش شيابيني اكيد بينكدوها اشويه بس طز والله ماني معدله ومش رح انقول حتى لو فهموا اني داسه الموضوع بلعاني... عادي..
لو فرحوا وبها ولو نكدوها نمشي لحوش اهلي اسبوع ولا اتنين انريح وبعدين نرجع لحوشي والحمدلله حوش اهلي بعيد اعليهم
لان سلفتي مسافرة زيني وعندها ابنيه عمرها 5سنين وماعادش ربي رزقها توا حتى هي تحسابني داسه لاني خايفه من العين
ربي يستر ويجيب العواقب سليمه
والسفر تو نسئل اعليه لان راجلي يبيني انجيب هنا ما يبينيش انروح وانا حامل وانا خاطري انجيب وامي جنبي وتهنيني على بنتي

[حبل الوصل]

الحبوب خذيتهم اكثر من سنة بس مش متذكرة بالضبط

[حبل الوصل]

عيون كيف تقدري تخبي خبر حملك انى كان نديرها امى تزعل منى مش غير حوش هل راجلي انتى قوية بصراحة انى لو في مكانك مانقدرش صعبة بس كل واحد عليش متعود

[عيون زوجي]

المشاركة الأصلية كتبت بواسطة حبل الوصل

عيون كيف تقدري تخبي خبر حملك انى كان نديرها امى تزعل منى مش غير حوش هل راجلي انتى قوية بصراحة انى لو في مكانك مانقدرش صعبة بس كل واحد عليش متعود

امي بأذن الله ضامنتها رح تفرحلي هلبه لانهم مش متوقعيني نحمل توا لان بنتي حاليا عمرها سنه وشهر بس
وحبيت انفرحها لما تستقبلني في المطار تلقانا 4 مش 3 انشاءالله
بس عزوزتي وشيابيني ممكن انا سافرت 3مرات مع زوجي قبل هالمرة في حياتهم ما استقبلوني في المطار
وعزوزتي متاكدة انها رح تفرح لو الامر سلم من الابر متاع حمواتي وسلفتي

[عيون زوجي]

بعد ولادتي بأذن الله حابه اخد راحه من الحمل اشويه باش تنصحوني بالحبوب ولا اللولب ولا لصقه منع الحمل