تجمع حوامل ليبيا

[يقين]

السلام عليكم كيف حالكم ميراس وليبيا قلبي وهاتو وتمر حنه وام ردينه وهناء وشرقاويه وام قصي وام وسونه وميمونه وعيون كيييييييف حالكم كلكم
اني حالي باهي وفاتحه النت في هاتفي وانهبص في البطم ههههههههه يا ريتني غير نخش نهدرز مانطلعش من المطبخ بكل اتقول فلبينيه
خلو فروتي هادي متفرعنه بكل عياط بلا سبب ههههه هو الحق مش بلا سبب بلا سبب في شويه حاجات يصيرو يخلوا فيها تبكي مثلا كيف البارح هيا في الكروسه مشي اسكرت عليها هههههه
مللي حسها قالت اهمال تسكت احسلها نسمع فيك راهو

[يقين]

ميرنا كيف حالك وحال البيبي

[يقين]

اممممممممممممممم علي ما اعتقد مافيش حد ولا

[يقين]

حايره شن بنعشيهم تو كيف تغدوا المغرب كانوا برا وجو والعشي مش معروف

[يقين]

باهي اماله بسلامتكم شكلكم مرقدييييييييييييييييييين باااااااااااااي نتلاقوا غدوه ان شالله باهي حبايبي هي سلالالالالالالالالام

[عيون زوجي]

السلاااااااااااام عليكم
كيف حالكم كلكم
ميمونه احبيبه بنسئلك عن ايه طولت هلبه اعلينا زعما كيف حالها وحال خوها

[أم ردينة]

ايوه يقين انتي قاعده .. كيف الحال . علاش سلفك قاعد عندك؟

[ليبياقلبي]

سلامي ليكم
ميمونة حبيبتي صار انت الغالية اهلين بيك وين الغيبة انت وين تسكني سامحني عالنسوة
ميرنا فولتلي بي وليد لالا انا عندي بنية بس بس صورتها بالطاقية تحسبيها ولد
عيون شن مدايرة شوفتني بي المانيا
تمورة هههههههههههه ضحكتني انا ياحنا كعادة ماشريته اصلا انا صاريلي ظرف شيبانيه يخدم في الديش بس مش مداير بس من شهر 4 سيب العمل لانا يبوه يدير حاجات وهو مش موافق عليهم بس عمله جيش واخدين اسرينه في مصراتة من رمضان لاتوا مافيش شي يقولوا ماعليه شي يارب والله متغشيشن عليه هلبة الحق حنون هلبة
يقين مابعدك الحق وخيرا هو لاصق شهرين يا وخيتي كان اختك تجي خفيفة علا قلبك بس منعرفيش علاش سلفك ماقوها كعادته كلا من احنا النساوين فناصات هههههههههههه
وخيرها فروتي بالشوية عليها صار غداء وعشاء سريب
اهلين بيك شرقاوية
ميراس انا الوحيدة لي مستحيل تردي عليها لاادري بالسبب

[ليبياقلبي]

انا اليوم فطرت بس بعدان طلعت اخديت حاجات لب بنتي حاجات قطنية وخديتلها كابوط كامل حلو وتوتات كتافة بنيات محلاهم وتوكات وجو وروحت طيبت مكرونة في الفرن وتوا عجانة مشلتت بنديره في ليل ياحنه بخرت الحوش واهو مكسدة انا وراجلي ونوزة ماحلاه جو الشتاء في الحوش

[أم ردينة]

اهلين يا تمر حنه :: اني والله مغطسة في حوش أهلي من امس قاعده مع بوي لان امي مهناش مشو لتونس هي وخوتي فغاطسه حوشهم كبير مشالله تكملي حاجه تلقي حاجه تانيه تراجي فيك مع الصغار سلامتهم اني تعودت علي شقتي صغيره فيسع انضم ونكمل