تجمع حوامل ليبيا

[ميراس]

سلامات للجميع

[ميراس]

يقين شن اخبارك وينك مغيبة قاعدة تهيجي بروحك

[ميراس]

زعما شن صار فى ام وسونة عيون ماعندك حق خليتى المراة تراهي تخترف بيه غير جاب الله متستحقش بنج باهي مانكش قايلة خيرك ماشية للعيادة فوتيها راك قلتيلها الدواء امتع شنى اللى خديتيه ب65 شن رايك في القصقصة الغير مباشرةههههههههههههههههه

[hatoo]

اهلين يايقين شنو الجو وكيف حالك مع سلفك اكيد تقيييييييييييييييييد وشنو حال فروتي ان شاء الله كويسه واهلين ليبيا قلبي كيف حالك وشنو اخر اخبارك وتمر حنه انا موعدي يوم الخميس ان شاء الله وان شاء الله تأكدلي انه وليد وان شاء الله لو وليد حنسموه محمد علي الرسول عليه افضل الصلاة والسلام وانتي شنو اخبارك بعد الصوره امتي موعد الدورة الجايه وان شاء الله ياكبريائي ربي يطمنك علي هلك وتشوفيهم بخير و كيف حال البنات كلهممممممم ن شاء الله مانسيت حد اوشنو صار معاك ياام وسونه وعيون ها عليش عديتي للدكتور قصقصة شويه

[ميراس]

شكلك طلعتى يقين سلامتك ام وسونة والله تواشن صاير فيك يييييييييييييييييا

[hatoo]

اهلين ميررررررررررررررراس كيف حالك

[أم ردينة]

اهلا بتمر الحنه صار انتي من صبراته باهي بالجوده يا حنه :: القواليش وككله بعاد علينا مسافه نص ساعه تقريبا نسمع بيهم لاكن عمري ما مشيتلها وككله مريت عليها لما مشيت لتونس مرور الكرام ... وعندي صاحبتي من صبراته من ايام الجامعه لاكن قاعدين انواصلو في بعض مشالله عليها من عيله مبارك شهبون .. وبنت عمي متزوجه في صبراته من عيلهالمدهوني

[عيون زوجي]

كيف حالكم اليوم وشنو اخر تطوراتكم بشروني كان عندكم اخبار حلوة
يقين وميراس مبروك تحرير بني وليد
تمر حنة انا صاحبتي من صبراته متخرجه معاي من الصيدلة من عيلة الخبولي ونعرف منال شهبون ونجلاء ساسي كلهم صيدلانيات

هههههههههههههه
تبوا الاجابه
.
.
.
.
.
.
حاشاكم جتني جبه كبيرة فيها راس كبير في نهاية شعري وسببتلي حكة وعزوزتي خوفتني منها
احكتلي قصة شيباني جاته حبه وتحولت لسرطان
هههههه العزايز يركبوا في الرعيش
مشيت لدكتورة جلدية اعطتني 4 مراهم وحبوب
وانتم عارفين اسعار ادوية الجلدية ولانه تخصصي لازم ناخد الاصلي فقط
قالتلي الدكتورة ما تخافيش منها وعندي مراجعه بعد اسبوع
بس المشكلة الاكبر انها تسبب في تساقط شعري بشكل رهيب لما نشد شعري بكل لطف ينزل منه 100 او اكتر من شعري

[هناء خالد]

كيف حالكم ان شاء الله بخير

[ميمونة]

السلام عليكم ورحمة الله وبركاته
اخيراااااااااااا قررت ان أكتب قصه طلاقي هنا بينكم في القسم الي لي ذكريات معه اعرف كل كبيره وصغيره فيه حبيت احكيلكم

هدا القسم الي احببته واحببت كل عضوه فيه اكتب قصتي ودموعي على خدي
مضى علي انقصالي تقريبا شهر ولكن الي الان لااستوعب الوضع واحاول ان انسى لكن كل شي يذكرني
مااقول الا اللهم اجرني في مصيبتي واخلف لي خيرا منها

قصتي انا ايمان طرابلسيه متزوجه ليا سنتين مواليد 85 انخطبت من شاب مواليد76 يسكن مع امه وهم 7 اولاد كلهم يخشوا للحوش بالمفتاح من غير احو ولا دستور مع هدا كله عادي وامه صعبه صعبه صعبه

لما خطبني قالوا عنها انه صائم وقائم ويخاف الله هدا السبب الرئيسي اللي شجعني عليه ==وقال انه سوف يتزوج في بيت اهله مؤقتا لانه بيبني وعنده ارض المهم-طلع كله كدب لاسياره ولا ارض ولا شئ الي هنا كله عادي مع انه غشني بس المهم الراجل بعد زواجي بشهر تفاجئت انه له علاقه بالبنات ويخون فيا فصارت مشكله بس انحلت داخليا وحلف علي المصحف انه اخر مره بس بعدها خالف العهد ورجع الي فعله --رجل عصبي ضربني اكتر من مره علي خاطر انصح فيه والي هنا متحمله الا بعد مااكتشفت ان رزقه خاش فيه الحرام هنا الطامه الكبري بعد مااكتشفته قالي تنازلي عن حقوقك نطلق
وانا الان رافعه قضيه في المحكمه بالطلاق والسبب ضرر الزوجه من الزوج
مرت عليا سنتين بهم وحزن وغم ولا اتكلم مع اهلي صابره واقول عايشه بعز وربي يعلم بقلبي بس توا نصلي في الاستخاره وقضيتي ماشيه وربي يسهل
المهم حسبي الله ونعم الوكيل