دردشة بنات فلسطين, دردشة حوامل فلسطين, تجمع بنات فلسطين

[سهى2012]

صباح الخير لكل صبايا

نورتينا اختي اسماء هلا فيكي بينا هي انا وكل صبايا بنرحب فيكي وهي صوره لنا كلنا هههههههه

ان شاء الله بتقضي وقت حلو معنا اي شي بتحتاجي اكيد ما راح نقصر معك ولا شو صبايا

[سهى2012]

خلص هيك ياحلوين بدي اقوم افطر واشرب عصيري احسن اكلكواااااااا جوعانه كتير ررررررررررررررر


تفضلوا معي على فطوري وان شاء الله بيعجبكم هي وجبتين متنوعات تفضلوا معي ريتو الف صحة وهنا على قلبكم جميعا تفضلوا تفضلوا ما تخجلووووووووو هههههههه

[بينك روز]

صباح الخير صبايا شو الاخبار
انا الحمد لله منيحه وهيني قاعدة بفطر سندويشات
تفضلوا معي
يسلمو مرت خالووو على الملفوف والسمبوسك بحبها كتير
اهلا وسهلا اسوووووم حبيبتي منوره
ان شاء الله تقري عيونك بابنك يارب

[سهى2012]

المشاركة الأصلية كتبت بواسطة إم يامن

اليوم رح نزل طبختين طيبين كرمال عيون سهى ولاكلو صبايا تفضلو

رح نزل الوصفة من كتاب اسمه الف باء الطبخ شريت الكتاب من سوق الحمدية بما اني ماكنت بعرف اطبخ بلمرة اجاني هالكتاب مسعف

اولا : شاكرية و رز (لبن إمه )

نص كيلو بصل يعني حبات صغيرة
نص كيلو لحم موزات أو لحمة بعضم (لحمة خروف طبعا)
كيلو ونص لبن

(يعني سطل ونص هههههه متل مبنشتريه بشام من دكانة أبوشحادة ههههههههههههه)

1 بيضة
2 ملعقة نشا
6حبات توم

طريقة التحضير يا سهى

كل بصلة بتقسميها على اتنين وبتئلبي البصل وموزات اللحمة على النار هادية بسمنة بس انتبهي ما يحمر البصل وبعدين بضيف المي وبتتركيهم ينسلقو وبتحطي ملح وبهارات بس لاتكتري بهارات لانه ما بدنا اللبن يكون غامق يعني دوب نتفة بهارات وبتسلقي اللحمات لبين ميستو

بهدا الوقت بتاخدي اللبنات وبتحطيهم بطنجرة وبتفئسي فوقون البيضة وبتحطيه معلقتين النشاء
وبتحركيهم منيح بالخفاقة ليتجانسو مع بعض وبتحطي الطنجرة فوق النار وبضلي تحركي باللبن ليغلي لاتوقفي تحريك ابدا لحتى ما ينلدع اللبن

لما يغلي اللبن بتسيري تشيلي اللحمة والبصل المسلوق وبتحطيه بئلب اللبن وبتسير بالكبجاية تاخدي من المرقة واديري بئلب اللبن لتحسي انه لاتقيل ولا خفيف اللبن
وامسكي الطنجرة من ايديها وهزها بشكل دائري ليتجانس الكل او حركي بالكبجاية

على جنب بتجيبي مقلاية صغيرة وبتحطيي فيها معلقة سمنة وبتئدحي عليها التوم بتئلبي سوا ليشئر التوم شئار خفيف وبديريه فوق اللبن وبتحركي اللبنات وبتخليهم يغلو شي دقيقتين تلاتة
وبدوئي الملح وبتعدليه حسب رغبتك

تعي لهون لاتنسي تعملي رز بشعرية جنبو هههههههههههه


الطبخة التانية يا سهى

حراء أصبعه

1كاسة عدس حب
5 بصلات
2 باقتين كزبرة خضرا
رأس توم مدقوق
1\2 نص كاسة عصير حامض
1 ملعقة صغيرة من رب الرمان
1 رغيف خبز محمص مقطع مربعات(متل خبز الفتوش)
كاسة وربع زيت نباتي

طريقة التحضير
بتنئي العدس منيح وبضيفيلو 6كاسات مي وبتخليهم على نار حتى يغلو اول ميبدأ يغلي بتخففي النار وبتتركيه 20دقيقة او لحتى يستو العدسات

بتقطعي البصل جناحات رفيعةوبمقلاية بتقليبهم مع زيت حتى يحمر لون شوي وبتصفيه
بتفرمي الكزبرة الخضرا فرم ناعم بتغسليها وبتفيها وبعدها بتجيبي التوم وبتخلطيه مع الكزبرة وبتقلبيهم بمقلاية فيها زيت لحتى تدبل الكزبرة
بتماحي وبتبهري العدس وبتحطي نصف كمية الكزبرة ونص كمية البصل الي قلينا من شوي مع عصير رب الرمان وبتحطيه المزيج عنار مده 10دقائق

بتجيب رغيف الخبز وبتقطعيه مربعات وبتقليه على نار قوية ليحمر وبتصفيه

هلأ بتجيبي صحن او زبدية كبيرة بتحطيه فيه نص كمية الخبز وبتحطي فوقه العدس وبتزينيه ببقية الكزية المقلية والبصل المقلي وبتزيد فوقه باقي الخبزات

وبتقدميه سخن وبتقوليلهم طبخنا ونفخنا ههههههههه

يسلموااااااااااا حبيبتي ام يامن على شاكرية وماراح انسى اطبخ رز بالشعرية وكمان يسلموا دياتك على حراق بصبعوه هي اكتر اكلت بحبها مافي شي من اكل سوري ما بحبه





كيف يا ام يامن هيك مزبوط شغل هههههههه يارب يعجبك طبخي هههههههه ويعجب صبايا

[إم يامن]

صباح الخير لكل الصبايا وللي انضمو معنا جديد


عيون المها اي شي بتكتبيه ماببين عندي بتطلع احرف مش مفهومة متل الرسمات


سهى شو مشان الطبخات عجبوكي شفتيهم؟

[سهى2012]

المشاركة الأصلية كتبت بواسطة بينك روز

صباح الخير صبايا شو الاخبار
انا الحمد لله منيحه وهيني قاعدة بفطر سندويشات
تفضلوا معي
يسلمو مرت خالووو على الملفوف والسمبوسك بحبها كتير
اهلا وسهلا اسوووووم حبيبتي منوره
ان شاء الله تقري عيونك بابنك يارب

صباحك حلو ياحلوه انتي والف صحة وهنا على فطورك

[إم يامن]

المشاركة الأصلية كتبت بواسطة سهى2012

يسلموااااااااااا حبيبتي ام يامن على شاكرية وماراح انسى اطبخ رز بالشعرية وكمان يسلموا دياتك على حراق بصبعوه هي اكتر اكلت بحبها مافي شي من اكل سوري ما بحبه





كيف يا ام يامن هيك مزبوط شغل هههههههه يارب يعجبك طبخي هههههههه ويعجب صبايا

يا هيك الشغل يا بلااااااااااااا لك يسلموووووووووووووووووون

[أسـماء]

يسلمو حبيباتي على الترحيب القوي جدا جدا جدا
صباحكم سكر ان شاء الله ..كيفكم اليوم ان شاء الله الجميع يكون بخير وصحه وسلامة يا رب

انا لهلا ما افطرت واع بستنى بزوجي بس يصحى ههههههههههه اذن الضهر وهو لسه نايم يقبر البي,.

احلا صبايا والله انتو يا بنات .. اشوفكم على خير ان شاء الله ,.

[حواء مثالية]

سلام عليكم

نهاركم فل

كيفكم بنات عساكم بخير

جارة انا ما عندي شي عشان اول بيبي بس كمان ما كثرت ماما حكتلي بصغروا بسرعة وكمان قرايبي كثثار راح يجيني هدايا

كل الشغلات الاساسية شريتها بقي شغلات خفيفة

ممممممممممممممممممم احساس وينها متخبية

ان شاء الله تطل سما على خير وتطمنها عنها وعن البوبو

باقي الصبايا منورات والله معطيين للدردشة نكهة حلوه

الله ما يحرمنا هاللمة يارب

[غُمُوض أُنثَى]

منورين البنات مآشآء الله ..

يلآ يآ سهى هيني بستنى فيكي وانا متآكدة رح تحببيني في تونس هههههه

شو هالاكلات هاي بتفتح النفس والله فتحتو نفسي ع كل انواع الاكل :))

نهآركم سعيييييييييييييد