تجمع حوامل ليبيا

يقين · 10-16-2011, 10:03 AM

اسمعوا علي كل اني خاشه بنقوللكم بالسلامه وراكم تنسوني بنغيب عليكم لمدة شهر شهرين مش معروف لان سلفي حداي والنت طلعتهولهم في الصاله يعني مش حنحصل نهدرز زي قبل والله طايرتلي اني المتنفس الوحيد عندي التجممممممممممممممع وعاده ما نحكيلكمش عالتقيد واللبس الطويل والوشاح اللي علي الراس وووووووووووووووووووو جنوني والسكوني التقيد ربي يصبرني هيا توا باي وراكم تنسووووووووووووووووووووووووووووني

ام وسونة · 10-16-2011, 01:34 PM

صباح الحب عالحلوين

كيفكم اليوم طبعا اني في تونس هههههههه

بدون سابق انذار والله مغامرة عمري ماننساها

ماكانتش خاطرة عالبال بعد ماياسنا من بوابة رأس جدير قررنا

امس العشية نتوكلوا على بوابة ذهيبة حتى لوكانت الضعف

فبعدها مشينا لعزوزتي واحني مروحين قولتله خلي نديروا التأمين

درناه وروحنا على اساس نجهز نفسي للصبح فبالصدفة

كلمنا زوج اختي قال كيف طلعنا من بوابة رأس جدير

والامور تمام فوخيتكم ماصدقت تشيت النار في الراجل

وبعد جهد وافق والله مانحكيلكم ماعارفه شن حطيت

في الشنطة المهم وظلعنا الساعة 11ليلا واني ندعي

لربي طول الطريق ونسبح ونقول يارب مايصير شئ

بعدين حيقولي انتي السبب وشدتنا المطر والثوار

الله يرحم والديهم يطمنوا فينا الا واحد قالنا اللي يقولولكم

عليه قولوه وردوا بالكم ترفعوا علم الاستقلال فتوكلنا وطريق

خالية مافيهاش الا احني ومرة مرة تخطم سيارة فيها رجالة

يعني احني العيلة الوحيدة توا اللي يشوفني يقول شن هالكاسحة

ووصلنا البوابة الساعة 2 طلعنا ترا امتي تتوقعوا امتي؟؟؟؟؟؟؟

الساعة 2وربع وشديناها طوي لتونس العاصمة وصلنا الساعة 8

بتوقيت تونس ووخيتكم توا في الفندق ووجوها مللللللللليح

الحمد لله عدت على خير هي هكي الحيي تبي مجازفة

واني ماعنديش الروح مع المغامرات راجلي قالي مكسحك

هههههههههه

توا بعد قصتي خودوا طويسة حليب وننوا تاني هههههههه

اسفة علي الاطالة بس حبيت نحكيلكم

ام وسونة · 10-16-2011, 01:51 PM

قبل ماتأخدوا طويسة الحليب خلي نرد على الحلوات وخياتي

وخيه ميراس والله مانقدر نستغني علي اي وحدة منكم

وبعين لاشرقية لاغربية ليبيا وحدة وطنية

هههههههه

ووخيه يقين كيفك ولايهمك حبيبه تصيرلي حتي اني مع وسن

مرات لين معاش نعرف نتصرف ربي يحفضهالك

وبالنسبة للتقيد فاني احرف منك مانحبااااااااش

وخاصة في اللبس لكن شن بديري للضرورة

احكام ايام وبتفوت وصدقيني حتخلي مكانك معانا

هو سلفك جاي علاج ولا سياحة وحاولي انك تقومي

بواجبه راهو هذا خو الغالي بو بنيتك

يلا ربي يهدي سرك وخيه

وخيه ليبيا صحيتي على سؤالك عاد الخمس وزليتن بلاد وحدة

ومش هكي بنات عيلتي اكثرهم متجوزين خمسيين وساكنين

غادي اخر وحدة بنت خوي يامحلاكم ومحلى عشرتكم

يارب يدوم المعروف بيناتنا

تمر حنة حبيبتي كيفك طمنيني عليك واني زعلانة منك

معقولة ماحكيتيليش عالصورة الملونة بالتفصيل الممل

اهو غدوة موعدي كيف ندير هي كله منك هههههههه

ماتصدقينيش ياحلوة ياوحيدة امك ربي يخليك ليها

ووخياتي عيون وام عويضة وام رودينة وميرنا

يارب تكونوا باحسن حال يارب

حقا نسيت ووخيتنا هناء ربي ينوضها بالسلامة

ووخيتنا ميمونة ان شاء الله تخش وطمنا عليها

ووخيتنا أية وينك راهوا غياب

ان شاء الله مانسيت حد
*

ام وسونة · 10-16-2011, 01:53 PM

هي توا سلام يلا كل وحدة تاخذ طويستها

وياويلها اللي ماتشربهاش

عارفه روحي نفااااااااااخه ودوتي هلبا

وحلتوا فيا شن بنديرلكم

تمر حنة · 10-16-2011, 02:07 PM

السلام عليكم ورحمة الله وبركاته

ام وسونة اولا الحمد لله على سلامتك فعلا مغامرة
ثانيا سلامة نظرك شرحتلك بالتفصيل الممل في صفحة 1153 والحاجة الوحيدة اللي ماقلتهاش اني مشيت للعيادة في عباية سوداء ووشاح ازرق وشبشب اسود ههههههههههه
ديما تظلموا فيا يانا عليا سخفت روحي

ام وسونة · 10-16-2011, 02:09 PM

هههههههه حق هذه ماقولتيهاش

نبيك تزيدي ترحيلي حق واعرة وبعدها يصير

نزيف ويديروها بالبنج ولا عادي وامتي تطلع النتيجة

وقتي ولابعدها بيوم مثلا

تمر حنة · 10-16-2011, 02:10 PM

يقين ربي يسهل عليك لكن حاولي حتى لما يطلع سلفك وقت الصلاة وإلا مشوار تدخلي تسلمي علينا راك غالية وشهر هلبة علينا

تمر حنة · 10-16-2011, 02:12 PM

ام وسوووووووووووووووونة شوفي صفحة 1153 ارجووووووووووووووووك

ام وسونة · 10-16-2011, 02:14 PM

ههههه ياتمورة انتي اكتبتيلي بالتفصيل الممل

واني ماشوفتاش حقك عليا توا نذبحلك خروف

هذا ظلم بصراحة واني لازم نعاقب نفسي

سوووووري

ام وسونة · 10-16-2011, 02:20 PM

هههههه والله عندك حق طلعت فيها غبوووووو

شكلي فددتك مش قولتلكم اني نفاخه

عموما كيف شكله الشبشب اللي مشيتي بيه

للعيادة ورفعتي شنطة و لا لا