دردشة بنات العراق, دردشة حوامل العراق , تجمع بنات العراق

[غنى2011]

اي والله زينب كولش هوايه الايجار يعني الي يشتغل بدي كلشي ميجمع فلوس كلهن يذبهن ع العيشه

الله يعينكم

زينب اشو ماكو طلب اضافه للمجموعه مال الفيس

[زينب السعدي]

والله رويدة صعبة علينا مو عالمواطنين لان مواطنيهم ينطوهم اراضي ويبنون عليها من قروض البنك ويسوولهم تساهيل مو طبيعيه بالقروض واحيانا يلغولهم القرض والشيخ يدفع بمكانهم يعني يطلع كله بلاش..ومرات ينطوهم بيت كامل جاهز هم ع حساب الدوله وناهيج عن التعيينات الكل يتعين واقل راتب هو 10000 يعني مايقارب 3 ملايين وربع عراقي ها لابسط مو ظف مااحجيكلج عن الباقيين لان تخترعين من الرواتب مالتهم...وتشوفيهم ماشالله دايما سفر وونسه وسفرهم كله ع مستوى اوربا واميركا يعني مو اي مكان

[رويدة_ أم ألق]

صحيح.. ولهذا دائما أكول شيخ زايد يستحق الرحمة الله يحسن مثواه
صدك سوى بلد من العدم
قبل 40 سنة الامارات صحراء
الله يزيدهم ونكون في يوم من الايام مثلهم وأفضل يارب.

[عسل بغداد]

هلو بنات شلونكم رويده الله يكومج بالسلامه زنوبه مبروك البيت الجديد هلو غناوي شلونج فله حبي شخبارج ماشاءالله نوره طالعه تجنن خلي هاي الصوره بالتوقيع باقي البنات مشتاقتلكم فوفو_ مي_كوكيه _ايوته _مهاوي عذراء امونه شخبارها

[زينب السعدي]

هلو سجاوي شلونج عيوني والجهال شلونهم والبيبي انشالله كلكم بخير

[فوفو العراقية]

هلوو رويده حبي
اي شكولج بهذلة
واني جنت اخاف اخذ مسهلات
وغصبا عني انطوني اكسجين مخدر بس يموووت طبعا الالم يزيد وماكدر احجي
حلكي بس هوة الي يتخدر
والالم يزيد انصح كل وحده لتاخذ مسهل الاكسجين المخدر

بالنسبة للبجر افضل شي الها ابرة الضهر لان البجر اصعب شي عليها الاول
والي بعده خلي بدون مسهلات لان اصلا الولاده الثانية ...
مطوول بكد البجر

انصحج بابرت الضهر وماتخووف وندمت باول حمل مطلبتها
اختي االكبيرة بكندا بكل ولااداتها ال 4 اخذتهة
بس ماشجع ان وحده تاخذهة الا باول ولادة لان سبحان الله اجر الولادة عظيم
والتخدير يقلل من اجرها والله اعلم.
الله يتمملج على خير يارب
ان شاء الله تبشرينا بولادة سهلة وطفل سليم وتكونين بكامل الصحة والعافية.

[فوفو العراقية]

رويده
بالشهر التاسع كثري بأكل الرمان
لانه يسهل الولادة
ومن الرمان ياخذون مادة يضيفوها بعلاجات الولادة الاسطناعي
وهم تزيد تقلصات الرحم للولادة
ف بالتاسع كثري رمااان
وتكدرين تستفيدين من هالمعلومة عبر كوكل.

[زينب السعدي]

والله يا فوفو هسه الاجر ع عيني وراسي بس بذيج الساعه ماكو وحدة تفكر باجر بس تريد شي يسهل ولادتها وبعدين الحمل 9 شهور والعذاب والويول الي تشوفه هذا قليل اجره ....

[عسل بغداد]

هلو زنوبه الحمد لله زينين وعلاوي وفرح يبوسون خدج حبي فوفو الدكتوره الي اراجعها متنصح بابره الظهر

[عسل بغداد]

اني بعلاوي شربت زيت الخروع (انملص )بكل سهوله ويكولون اكل التمر بالتاسع كلش يفيد انشالله ساعه السهله