دردشة حوامل مصر - دردشة بنات مصر - تجمع حوامل مصر

[dr.princess]

ليه هى البيتزا دى بتتعمل فى 3 دقايق دى غلبة وبعدين هعملها بالفراخ يعنى هتبقى محترمة برده
وبعدين هو هيتأمر هههههههههههههههههه يحمد ربنا هههههههههه
وبعدين الساعة 6 دى مش غداء اوى يعنى قالبة على عشاء هههههههههههههههههه

[MALAK2010]

بصى انا بحط على وشها (جبنة رومى وجبنة مثلثات ومايونيز )دول بيحلوها اووووى
دة غير الزيتون (والفلفل الاخضر بعد تسويتة شوية على النار)واى حاجة تانية عندك
كلتها قبل كدة وكان فوقها لانشون (مع انى مش بحب الانشون)
بس كانت حلوة بس اللانشون مبشور عليها بعد ماطلعت من الفرن

[MALAK2010]

ااااااااااااه بالفراخ لا سيبك من اللى انا قولتة خالص طالما بالفراخ
عارفة انى عمرى ماكلت ولا عملت غير البيتزا بتاعت الجبنة
مش عارفة مش بستوعب اى حاجة تانية على البيتزا
على العموم بالهنا والشفا يا جميل وان شاء الله تطلع حلوة بس ابقى صوريهالى ممكن اغير رايى

[MALAK2010]

انا مطلعة سمك عاوزة اعملة بس لسة ماقررتش هعمل فية اية

[dr.princess]

انا عندى جبنة شيدر وممكن اجرب عليها المثلثات بس ازاى حاطيين المايونيز موزعينه على الوش ازاى ؟؟
طبعا مش عندى لانشون مجبتوش من اول ما اتجوزت

[dr.princess]

لالالالا انا بحس ان بيتزا الجبنة دى مالهاش لزمة يعنى فاضية مفيهاش حاجة
انا دايما باكلها باللحمة المفرومة او بالجمبرى يااااااااااااااااااه مزاج
اول مرة اجرب اعملها بالفراخ يااااااااارب تطلع حلوة
من عنيا ان شاء الله اصورهالك

[MALAK2010]

انا بجيب كل الجبن الرومى واكسر المثلثات واحط المايونيز وشرليح الزيتون واخلطهم كلهم بالمعلقة فى طبق الاول طبعا وبعدين احطها على الوش(وادهن الوش بياض بيض بفلفل اسود)
اصل مش بناكل المثلثات فى الفطار ولا العشا فبدخلها فيها
ولما بعمل بيض فى السمنة بحط عليها جبنة مثلثات واكهريها علشان ماتبنش بس بتعطى طعم حلو
يارب تعجبك ماتبقاش وحشة وتقولى انا السبب اصل الاكل اذواق

[MALAK2010]

خدى بالك من العجن علشان ماتهبطيش لانها بتاخد عجن ومجهود

[dr.princess]

انا ممكن اعمل كل اللى قلتى عليه بس الا موضوع تدهنى وش البيتزا بالبيض دى لالالالالالالا انا حتى المكرونة البشاميل مش بدهن وشها بيض جبنة بس
انا بسوى البيتزا لوحدها كده من غير ماحط على وشها الجبنة وبعدين اطلعها وهى سخنة احط الجبنة على الوش تسيح وادخلها دقايق تانى واطلعها

انا برده اوقات بحط جبنة على البيض المفقوش بس بحط رومى ممكن ابقى اجرب المثلثات

[dr.princess]

اهو انا مش بشيل هم البيتزا الا علشان العجن ده