دردشة حوامل مصر - دردشة بنات مصر - تجمع حوامل مصر

[dr.princess]

انتى عارفة يا بنتى انا كنت اوقات الضغط ينزل ل 90/60 واول ما اتجوزت جوزى قالى هجيبلك جهاز للضغط لما يحصل حمل
وسبحان الله قبل ما اعرف انى حامل مفيش باسبوعين رحت عمرة رمضان وجالى دور برد فضلت اسبوع اتعالج منه وجاتلى دوخة فظيعة طول الوقت عندى فجوزى اشتراه وبعدها عرفت انى حامل الحمدلله فقلتله يللا مش بخسارة ههههههههههه

[dr.princess]

لالا لسه على معاد الدكتورة 3 اسابيع
ممكن اكون محتاجة انام شوية انا غالبا على الساعة 11 هدخل انام تانى ان شاء الله

[MALAK2010]

هو قياس الضغط مفيد للحوامل
عارفة اكتر حاجة بستغربها الارقام بتاعت الضغط لانها ارقام مش ثابتة كذا على كذا طيب انا اعرف ان كذا التانية دى تبقى ثابتة لا الاتنين بيتغيروا مش عارفة انتوا بتفهموه ازاى

عارفة انا ليا واحدة معرفة خريجة صيدلة وماستفدتش اى حاجة منها حتى الحاجات البسيطة انها مثلا تقيس ضغط ولا تعطى حقن مابتعرفش حاجة كنت بقول طيب ادخل صيدلة واتعلم الحقن حتى هههههههههههههه افيد ماما حتى

[dr.princess]

بصى ياستى هو المفروض الضغط المثالى يكون 120/80
لو قل عن 100 او زاد عن 140 يبقى تاخدى بالك والقلق الاكبر من الرقم اللى تحت اللى هو 80 لو قل اوى او زاد اوى
انا كمان مش بعرف اعطى حقن بخاااف جدا ولما اخدت دورة اسعافات اولية علشان الحقن وحبيت اجرب فى ماما خافت منى ههههههههههههه ومعرفتش اعطيها لحد تانى وعايزة اقولك انه القانونى ان الصيادلة ميعطوش حقن الاطباء والممرضات بس هم اللى يعطوا حقن ولو صيدلى اتمسك وهو بيعطى حقن ممكن يتعمله قضية انا عارفة ان موضوع الحقن ده بيفيد وقت الحاجة بس انا بمووووووووووت منها لا احب اخدها ولا اعطيها

[MALAK2010]

ماما قالتلى انهم ماعدوش بيعطوا حقن فى الصيدليات بس هى عرفت ان واحدة جارتنا بتعرف فهى اللى بتعطيها ربنا يشفيهالى يارب
بس انا ماقدرش ولا يهون عليا اعطى حقن بس انتى عارفة مفيد جدا ان الواحدة تعرف علشان اهلها او اولادها ماتحتاريش تجيبى مين يعطى الحقنة

[MALAK2010]

لولو انا هقوم بقا ياجميل علشان اشوف السؤال اليومى هطبخ اية افففففففففففففف زهقت
وانتى كمان قومى نامى ونرجع بعد الفاصل ههههههههه

[dr.princess]

انا كان نفسى فعلا اعطى لماما بس هى اللى مرضيتش ضيعت على نفسها الفرصة هههههههههههههههه
انتى عارفة اختى صيدلانية وجوزها دكتور بشرى وابدا ميجيلهومش قلب يعطوا لولادهم حقن تخيلى بيجيبوا ممرضة بفلوس تديلهم الحقن

[MALAK2010]

يعنى انا ماخسرتش كتير لما مادخلتش صيدلة ولا طب ههههههههه
الكل مش عاوز يعطى اهو

[dr.princess]

انا قررت وهعمل بيتزا النهاردة ان شاء الله ياااااااارب تطلع حلوة
انتى بقى على ماتقررى ربنا يعينك
ماشى نتقابل بعد الفاصل

[MALAK2010]

هتعملى بيتزا على الغدا
انتى كدة بتكروتى الغدا
اللى بتعملية دة عشا مش غدا ههههههههه