دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[caramela]

اهليين أم ليان .. منوره
انا معرف محلات حمل كتير في مكه .. بس شفت في سوق الضيافه
وانا كنت ادخل محلات عاديه واخد ملابس بس مقاس كبير ..
بلسم ياقلبو عن النظافه في مستشفى حراء مره تمام والنيرسات تعاملهم مره حلو والدكاتره كمان وصبورين واحلا حاجه انو البيبي ينام معاكي في غرفتك ..

[OUM NADINE]

السلام عليكم ورحمة الله تعالى وبركاته
أنا جزائرية وحبيت أفوت أسلم عليكم
أرجو منكم ان تقبلو سلامي ومروري

[((ام ليان))]

مشكورة يا كراميلا الله يعطيك العافيه
سلفتي تمدح مستشفى حراء بس وقت الولاده بعد الولاده تقول خلوني في الممر
يقولون الاسره مزدحمه

[caramela]

اهلين ام سارا دوم طيبين يارب ..
آآمين يارب ويخليلك ساريتا والبنبينو يارب =)

بلسم ياقلبو مافي قسم خاص دا كان زمآن .. بس دحين تروحي ع الطوارىء ع طول لو جاتك ولادة او حسيتي بأي اعراض وبس وعن الخياطه انا دكتوره مريم ربنا يسعدها مره طيوبه وخيطوني من جوا وبرا بس كان في آلم خفيف لانو البنج إلي يعطوكي هوا قليل وخلوني 6 ساعات تحت الملاحظه وبعدين خرجوني انا وبنوتتي ع غرفتي ..

[caramela]

اهلين ام نادين .. منوره تجمع مكه
ربنا يسعدك ويسعد اهل الجزائر كلهم .. يناسو على نادين تجنن ماشاء الله ربنا يحميها لك يارب .. وتنورينا في اي وقت
عفوا ام ليان .. وفعلاً كلامك في حريم كنت اشوفهم في الممرات كدا مره صعب بس قالو زحمه وكانت الممرات مليانه بس انا على طول نزلوني من سرير الولاده على سرير في غرفه تانيه واعطوني تمر وحليب ومغذي وبعدين اعطوني مسكنات ..

[بلسم الجنان]

مشكوره ام ليان ومشكوره كارميلا
معليش عذبتك معي بس ابي اعرف هما يقبلو اجانب او لايقولو يقبلوا بس بفلوس محتاره

[OUM NADINE]

تسلمي كراميلا الله يخليك ويحفظك
ويحفظ أهل مكة العزيزة

[بلسم الجنان]

منوره ام نادين
تسلمي حبيبتي ربي يسعدك ويخلي لك القمرنادين

[OUM NADINE]

الله يخليك بلسم

[caramela]

بلسم ياقلبو لا عذبتيني ولا حاجه انتي آمري .. ومعرف يقبلو ولا لا بس اسألي واتاكدي وإن شاء الله خير لانو انا ارتحت في ولادتي فيها .. وكمان استخيري الله

ربنا يسلك ام نادين .. ويحفظك يارب