دردشة بنات مصر , دردشة حوامل مصر , تجمع بنات مصر

[دودى مجدى]

هههههههههههههههه طب عملها ازاى دى
خلاص قدميلو فى السيرك بقى

[ام البنوتة]

انا الحمدلله
بس منى ياختي كنا مخرجينها النهارة قلنا البت تفك وتلعب بالمراجيح مسكت في المرجيحة ومش عايزة تطلغ منها وكل ما شيلها عشان العيال التانية يلعبوا تعيط وعايزة تضربهم وما احوشها تضربني انا هههههههه
وف الاخر واحنا مروحين عكننت علينا قعد تعيط من سنانها وسورتلي وداني هههههههه

[ام البنوتة]

المشاركة الأصلية كتبت بواسطة دودى مجدى

ايناس انتى عندك كام سنة ومتخرجة من كلية اية ومتجوزة من امتى وجوزك من بورسعيد ولا لا واة اللى مخليكى عايشة فى مصر انطقى

انا ياستي وما ستك الا انا طبعا ههههههههه
25 سنة معايا بكالريوس تجارة ومتجوزة من سنة وتسع شهور وجوزي من اسوان وعايشة في مصر لان ليه شقة هنا وشقة في اسوان فانا اخترت القاهرة اقرب لاهلي وهو شغله ممكن يكون ف اي مكان لانه محامي هاها ها تعبت كل دي اسئلة ههههههههههه

[نولارا]

يانهااااااااااااار حتى البنات بالشكل ده
انا ابنى بقينا نمشى فى الشارع يلاقى عصايه يمسكها ويضرب الناس مش فارق معاه كبير ولا صغير

[ام البنوتة]

جيل الثورة يا حبيبتي ماعدش بيهمه حد ههههههههه

[دودى مجدى]

طب ماانتى قدى اهو يا بت يا ايناس طب كنتى فى مدرسة اية فى ثانوى

[دودى مجدى]

اة والله عيال الايام دى عصبيين اوى حتى الواد شيكو اللى لسة فى اللفة لو اتاخرت علية فى الرضاعة يعد يتشنج ويرفص برجلو ويزقنى بايدو عيال اخر زمن

[ام البنوتة]

انتي كنتي في مدرسة بورسعيد اكيد لان جنب بيتك صح انا صحابي كلهم كانوا هناك بس انا كنت في الغرفة التجارية الثانوية اللي عند مصنع برسيل لانها جنب بيتي برضه

[ام البنوتة]

وف اعدادي كنت في المشير وانتي؟

[دودى مجدى]

اة فعلا انا كنت فى بورسعيد دى قدام بيتى بشوية
هى منى عيد ميلادها الشهر دة