دردشة بنات العراق, دردشة حوامل العراق , تجمع بنات العراق

zena · 01-20-2013, 04:06 PM

هلوووو بنات حبيباتي تعذروني مكاعده الحك ادخل لانه دوامي للساعه اربعه وبنتي لازم اجيبها من الروضه والبيت والطبخ والنفخ ههههه وطبعاااا مشتااااقه للكل ام ايهم وفوفو وايه ومي وكل البنات

قيثاره النور · 01-20-2013, 05:27 PM

شكرااخواتي على ردكم ان شاءالله كلكم بخير ومرتاحين ولوالراحه صارت صعبه بس ان شاء الله يكتب لناالراحه

فوفو العراقية · 01-20-2013, 07:12 PM

مرووووووووووة
فددددددددددددددددددددوة ليوث حبيبي
ماشا الله تبارك الخالق فيما خلق
ربي يحمي ويخلي ويحرصة يارب ويفرحكم بي
حبيبي فدوة للمتنكر ولابس شكل قشر اليقطين هههههههه فديته
بوسيليا من هالخدود الحلوة حبيبي.

o فرح عمريo · 01-20-2013, 08:32 PM

اقتباس:

المشاركة الأصلية كتبت بواسطة المغتربه المتفائله

فروحه حبي
الحمد لله على كل حال
ويارب يوم الالج توصلين للتاسع
وتنتضرين الولاده ويشرف احلى نونو لدنيا
الله يعينج على التعب وي الامتحانات
انتي كولي راح تخلص وتجي العطله
هههههههههههههه فكري براحته العطله
هسه تهون عليج هاي الايام

سارونه حياتي شخبارج وشخبار عبوسي العاصي يارب بخير
تسلمين حياتي على دعواتج الحلوه
ههههه اي اني هم اكول مضل شي رح تجي العطله وارتاح
لازم نتفائل شويه هههههههه

o فرح عمريo · 01-20-2013, 08:50 PM

اقتباس:

المشاركة الأصلية كتبت بواسطة مروة87

فروحة حبي الله يساعدج وية الامتحانات
ديري بالج على نفسج لتتعبين زايد
اكلج انت تعينتي جديد بهاي تعيينات الانترنت لو غيرها ؟؟

هلاوو مراوي حبيبتي شخبارج وليوثي حبيب خالته شلونه يمه فدوه لألله ربي يحفظه من كل شر
وشنسوي الله كريم ولله دايره بالي وان شاء الله خير
لا اني متعينت عن طريق النت بس جنت عقد ب2010 بشائر الخير داومت بمدرسه
وهسه ثبتونه
تحياتي حبيبتي

o فرح عمريo · 01-20-2013, 08:55 PM

اقتباس:

المشاركة الأصلية كتبت بواسطة فوفو العراقية

مساء الخيرات والليرات

شلونكم كللللللللللللكم
عسى الكل بخير
لج هلوووووووووو قلب فروحة
شلونج كبدبد
ياعمري فديتج
حياتي اني بخيرررر
شلونج انتي ؟ وشلون وضعج بشري امورج تمام ان شاء الله؟
حبيبتي عيونج الحلوة
شايفه شلون كبر الياس؟
يا الله العمر يركض.
هسة تجيبن وتكولن شبسرررررعه صار شهر وشهرين وسنين؟
الله يحفض كل الاطفال ويفرح اهلهم بيهم يارب.
احاول اكون متواصلة تدللين هههههههه.

.

فداوي حياتي تسلميلي ياغاليه ولله مشتاقه لسوالفج الحلوه
اني الحمدلله بخير ووضعي تمام اسأل عنج حياتي
\
يمه فدوه ليوو ماشاء الله صاير يجنن ربي يحفظه الج حياتي وتشوفي احلى عريس يارب

o فرح عمريo · 01-20-2013, 09:02 PM

تاره حبي سلامتج من التعب وربي يتمملك على خير يارب
تعالي طمنينه عنج وعن لنونو

سموره تسلمين حياتي شخبارج انتي وشخبار النونو ان شاء الله تمام

قيثاره حياتي ربي يتمملج على خير يارب وتشوفين النونو بحضنج امين

عاشقه العراق مية هلا بيج حياتي بس مااعتقد اكو وحده بمصر من البنات

باقي البنات تحياتي الكم وحده وحده

ضوء القمر 90 · 01-21-2013, 11:50 AM

السلام عليكم شلونكم بنات العراق

يارب يارب ان شاء الله كلكم بخير

بنات بس حبيت اسأل سؤال ولو يمكن مو هنا مكانة بس مردت احطة بغير مكان علمود

بس العراقيات يجابوني علية

المهم مااطول عليكم
بنات اني بالخارج وماعندي احد اسألة

وحتى الي اسألة يكعد يتمنطق براسي

وهسة اني بالشهر السابع وراح ابدي اجهز للبيبي

بس مااعرف شأجهزلة مااعرف شاشتري

فياريت اتكولولي شنو هي الاشياءالمهمة والضررية الي لازم اشتريها

الي وللبيبي

شمعه امل · 01-21-2013, 02:54 PM

صباح الخير بنات شلون الحال

تسلميلي فروحه الحمد لله احسن الالام بطني وظهري متعبتني الله يسهل علينا يارب ويتمم حملنا وولادتنا بالسلامه

انتي كيف حالك مع المراقبه الله يعينك البيبي شلوونه

ساارة شلونك والبيبي شلونه شصار ما صار اللهيسهل اموراتك

سمر حبيبتي شلونك والبيبي شلونه

مروة شلونك ونوره شلونه تسلميلي ياقلبي اي اعطتني نفسه وجابولي امبارح نفسه واخدت كبسولتين من المصري كالت انو نفس التركيب بس لشركات مختلفه

فوفو ان شاء الله توصلي بالسلامه وتشبعي من اهلك شوف ربي يفرحك باولادك ويحفظلك اياهم

ام حمودي ومي صارلك ايام موموجودة وايت انجل ومروة87 الله يحفظلك ليث وشهد ومنى وام مهدي وكل البنات

شمعه امل · 01-21-2013, 03:16 PM

اقتباس:

المشاركة الأصلية كتبت بواسطة ضوء القمر 90

السلام عليكم شلونكم بنات العراق

يارب يارب ان شاء الله كلكم بخير

بنات بس حبيت اسأل سؤال ولو يمكن مو هنا مكانة بس مردت احطة بغير مكان علمود

بس العراقيات يجابوني علية

المهم مااطول عليكم
بنات اني بالخارج وماعندي احد اسألة

وحتى الي اسألة يكعد يتمنطق براسي

وهسة اني بالشهر السابع وراح ابدي اجهز للبيبي

بس مااعرف شأجهزلة مااعرف شاشتري

فياريت اتكولولي شنو هي الاشياءالمهمة والضررية الي لازم اشتريها

الي وللبيبي

حبيبتي الله يكومك انتي والبيبي بالسلامه اني اذكر اغراض الي ماما جابتها الي حكتبها الك وباقي البنات هم يفيدوك ان شاء الله

اول شي نبدي سله للبيبي او كريكوت الكريكوت فادني اكتر لان السله صغيرة والكريكوت بكدر اشيله معي من الغرفه للمطبخ وسرير للبيبي لما يكبر شوي

الملابس تحتاجي فانيلات للبيبي اوفرات كامله بكم ورجول طوال و نص كم وبدون رجول
اكو دشداشه للبيبيات كم وحده اقل شي 6
خاولي سيت صغار ناعمه للبيبي و2منشفه حمام بي كاب بالراس حجم صغير وحجم شوي اكبر
قماطات الافضل نوع الفانيلا لانو في نوع تاني مدري شو اسمه مينفع بالنسبة لي ما استخدمت القماط دكتور منعني استخدمه لاابني
صدرية باحجام مختلفه للبيت وفي اشكال حلوين للطلعه برات البيت
جواريب واحديه
شراشف لسرير البيبي
شرشف للبيبي وبطانيه ولحاف وملاحف لتغير الحفاظ
مخده صغيرة لااول ايام ومخده تانيه اكبر كيس تحطي في البيبي
اغراض تانية لوشن وشامبو وصابون للبيبي وكلينكس جونسن وزيت الاستحمام ومحرار حرارة ومميات وفرشه مميات وفرشه شعر ومقص اظافر البيبي وبودرة بدون عطر للاول 3 شهور بودرة بعطر جهاز تنظيف الاذن والانف
حفاظات حديثي الولاده

اغراضك تحتاجي ملابس مثلا دشداشة وبيجامه فيها زرار للرضاعه وحماله صدر لللارضاع وسانتي حجم كبير الك وبصراحه هاد الي اذكره يارب الباقيين يفيدوك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM