【ツ】أحلى تجمع لأحلى حوامل التوائم 【ツ】 ‏الجزء الثالث

[أحلى من العسل]

السلام عليكم ورحمة الله وبركاته أهلين حبيباتي الكروشات الله يقوم كل وحده فيكم بالسلامه وتقر عينها برؤية أطفالها وهم في اتم الصحة والعافيه قولو أميييييييييييييييييين والحين ممكن وحده منكم عندها لو نص خبره تطمني وتقولي متى متوقع ولادتي وفي اي اسبوع وشهر انا الان وكيف احسب دخولي للشهر الذي يليه ولها جزيل الشكر

[الوردة النرجسية]

صباح الخير أخواتي كلكم

عساكم بخير حبيت أطمأنكم الحمد الله أن الهرمون الحمل واجد ارتفعت وبين كيس الحمل وخبرتني عمر الكيس 5 اسابيع وبس دعواتكم ان النزيف ايوقف وانا حاليا اخذ مثبت و بعد اسبوع بعمل سونار ثاني نتأكد من سلامة الجنين وتحاول أتشوف النبض والله يعمل الا فيه الخير.

أشكر كل من بارك لي بالحمل وراجع لكم الظهر ان شاء الله.

[ام منذر]

الورده النرجسيه
الف مبروك الحمل الله يتمم عليك بخير وتحملين بتوائم

ويوقف النزيف يارب بعدين لاتخافين صديقتي الى ثلاث اشهر
يصير فيها نزيف وبعدين يوقف


احلى من العسل وانتي احلى منه

طيب متى اول يوم كانت دورتك بعدين نحسبلك
بالهجري

[سديم ورنين]

بناااات توووني جاايه من المستشفى الحمدللله ياااارب لك الحممممد كل شي تمااااام يااارب تممملي ع خييييير وتمم للجميييع يااارب

[REEMAS]

الوردة النرجسيه الف مبروك الحمل والله يثبته لج يارب وما اوصيج بالراحه وداومي عالمثبت انا كنت أخذ ابر وتحاميل تثبيت واحس وايد خف النزيف
سديم ورنيم الحمدلله على سلامه البيبيات وان شالله يارب ما نسمع في التجمع الا الاخبار الحلوة يارب *

[شنتوره]

هلا وغلا

نعم يا ريماااااس طريقتك صحيحه

رضاااااااااااااااااااك
يسعد قلب البنوتتتتتتتتتتتتتتتات الحلوات

[ام منصور]

السلام عليكم
خواتي الغاليات شحالكم
الحمدلله والشكر على جميع النعم
حبيباتي هذا تقرير زيارتي لمستشفى الكورنيش امس
طبعا اول ما وصلت خذت رقم عشان التصوير وكان رقمي 55 لكن الحمدلله كان جدامي 6 ودخلت بعد انتضار ساعه وحطت الجهاز والا اتفرفر وانا محتصره واقول لها اشوي اشوي وقالت بسم الله قلت بسم الله
شافت القلب ما ينبض عدل الا وتحرك الجهاز بالقو على البيبي ياقلبي خوفته ورجع ينبض تقول نايم اللهم لك الحمد ربي يجعلني مأخلا من سمع نبضه
ورجعت تشوف الكيس الثاني قالت مدام بيبي ثاني ما في نبض اللهم لك الحمد. طبعا انا متفاجئه لانه ما قالو ا لي انه فيه بيبي ثاني
رحت للدكتوره وتكلمت معاي قالت ليش انتي حزينه قلت لها انا مب حزينه ولله الحمد هي تتحسب ايني كنت اعرف عن البيبي الثاني
قالت البيبي الاولي الحمدلله وضعه زين ونبضه زين قلت اللهم لك الحمد لكن البيبي الثاني ما كمل النمو قلت الحمدلله كله عطيت الله الممهم يكون واحد بخير
قالت بعد 10 ايام بنحولج على علم الاجنه لازم هم يقررون شو بيصير قلت لها يادكتوره كله بيد الله قالت اخذي المثبت وحبوب فوليك اسيد والاسبرين وبس
والحمدلله يالغاليات هذي كل مستجداتي
ادعوا انه ربي يتمم لي حملي ويثبته ويخلي لي جنيني اللهم امين

[REEMAS]

ام منصور الحمدلله على عطاياه والكيس الثاني ما منه خوف ان شالله انا نفسك وقف نمو الثالث بس ليش ما عطتج ابر تثبيت انا اشوف انها احسن تظمن ان ما ينزل عليك دم وان شالله مع ألراحة راح يتحلل ان شالله *

[REEMAS]

بنات من الصبح معاي صداع اكلت أدول وما راح وحاسه بلوعه ما اعتقد من الضغط لأني ما اكلت شي اليوم الصبح شربت حليب والغداء ما قدرت اكل بس شربت ملوخية والحين اكلت شابورة وشاي
عادي الصداع مع الحمل والا معناته ان في شي ؟

[أماني آل ظاهر]

هلا حبيباتي شحالكم ؟
سمحولي من فترة قاعدة أتابعكم من التلفون ، ومدري عنه التلفون شكله يتعشى على صفحات التجمع لأن صفحات تتكرر عندي وصفحات ما تظهر، عشان جذي ما اعرف اخبار عن اي وحدة ، وأدري والله قصرت فيكم ، إلا قولولي ام رفا ولدت ؟ وشو يابت ؟
وصغيرة شو يابت ؟ ومنو بعد ولدت من التجمع ؟
ومنو ببداية الشهر الخامس مثلي ؟