دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[عطر الأمومة]

السلام عليكم ياكروشات,,كيفكم يارب تكونوا بخير
أنا ما أقدر أدخل أكثر من مرة في اليوم,أولادي,وبيتي,وكمان دراسة وامتحانات شيء يجيب القلق..
الحمدالله بس,هانت كلها هذي السنة وأخلص جامعة وأرتاح..
بس بجد الله يسعدكم ياأحلى صاحبات,لمن أدخل المنتدى ررركض على تجمعنا,وأجلس أقرا وأوسع صدري..
كنت أتمنى تواصلي يكون أكبر,بس الأيام الجايه تكون أفضل إن شاءالله..
,,فلك,,ربي يسعدك يالغالية مشكوورة على إجاباتك ربي يتمم عليك..
,,أميرة الوجود,,الله يسمع منك ويسهل علينا أجمعين..
,,4يو,كوين,معنى الغرام,أريج العطر,وباقي البنات اللي ماأفتكرتهم,معليش العتب على الذاكرة..يارب تكونوا بخير..والله يساعدنا قد إيه إحنا نتعب..الحمدالله على كل حال

[عطر الأمومة]

غيرة الأولاد مو شرط تكون صعبة,على حسب ولدك,ولدي الكبير طيوب وحبوب ومسالم الله يرضى عليه,فما تعبني لمن جاء أخوه بعده,لكن الثاني عدواني وعنييييف جداً الله يصلحه وهو اللي مخوفني الحين,ربي يستر بس ويعديها على خير..
ماأدري أحس الوحده بالغصب تولد وتشوف الموت في الخياطة,كما ترجع تسوي تجميل بعدين..!
أتوقع لو أنجبر على كذا حيجيني إنهياااااااااااااااااااار..
ههههههههههههه افتكرت بحراء,بعد الخياطة الأولى ,جوني ثاني مرة قالوا الحين بنسوي تجميلي,
قد أيش أنهررت وجلست أبكي وأصرخ بس من جد ماصدقت خلصت يردوني ثاني مرة,وجلست دكتورة باكستانية عسسسولة,تهدي فيني,وتتحايل علي هههههههههه
بصراحة كانت مصرة على التجميلي وتقولي ماحتتأملي وأحط لك بنج ومو عارفه إيه,حسيتهم جابوا العيد فيني وبيصلحوه بأي طرريقة..خخخخخ
يالله أهم شيء كله عدا,والحمدالله دايم..

["نسيم"]

مستعجله بس حبيت اسلم عليكم واللي سالت عنا الله يسلم حياتك ويسعدك دنيا واخره

[4يو]

هلا عطر ونسيم الحمد لله كلنا بخير ونحمد ربي الله يهونها عليكي عطر ويوفقي وترتاحي من هم الدراسه انا زيك ايام الدراسه كنت احس تعب موطبيعي زوجي الله يسعده كان موفر ليا الشغاله تساعدني ولما تخرجه من الكليه حسيت براحه موطبيعيه

[Queen DadoOo]

اهلين اريج انا بخير الحمدلله وانتي كيفك؟؟
الله يوفقلك في الجامعة وتخلصيها على خير ان شاء الله
واحنا نتعب بس الحمدلله على كل حال كل شيء بأجرة

[معنى الغرام]

عطر الأمومة..
ياقلبي سألت عنك العافيه انا تمام الحمدلله
انتي كيفك الله ييسر امورك يارب.

[caramela]

السلآم عليييكم ..
كيف حالكم ي غاليات ؟؟
كيف اطفالكم واهلكم ؟؟
وربي يسعدكم إلي سألتو عني .. ومانفسي اغيب عنكم ولا دقيقه
فلاك ،، كوين ،، 4 يو ،، وأميرة ،، جوانا ،، نسيم ،، عطر الامومه ،، اريج ،، وكل الموجودين بشروني عنكم ..؟
وام ولودي والله وحشتينا والحمدلله طمنتينا عنك .. كيفك وكيف لودي يناثو اكيد كبران ؟؟
والغايبات ربنا يطمنا عليهم يارب .. وحشونا وبزات وفقني ولدت ومدحتلنا في د. صلوحي واختفت والله مره نفسي اطمن عليها ؟؟
وسويت إلي قلتولي عليه وجوعتها وربي زوجي زعل قال لاتخليها تبكي كدا .. ومامتي كمان قالتلي خلاص اشفطي الحليب واعطيها ولا تخليها تبكي واختي كلهم قامو عليا .. احس دي البنت فيها عرق سوداني هههههههههه مره مره كسوله في الرضاعه متعبه وتجلس ترضع بالساعات واطالع يادوب 30 ملء او اقل كمان الله يساعدني عليها يارب .. والله من كل قلبي نفسي ارضعها بس مااحب اشوفها تبكي كتير بزات انو هيا مو بكايه لما تبكي انا انصرع =(
واموره ياعسل سويت الحلبه لها وماشاء الله احس صحتها حلوه ربنا يسعدك يارب ومايحرمنا من نصايحك ومن نصايح كل بنات تجمع مكه يارب
آحبكم ..

[معنى الغرام]

caramela..
اهلين فيكي ياقلبي انا تمام الحمدلله ولودي تمام
انتي كيفك وكيف العروسه حقك ان شاء الله تكون طيبه..

[فليك]

( معنى الغرام ، كراميلا ، نسيم ، عطر الامومه ) معذورين يالغوالي الله يقويكم و يديكم العافيه يااارب ، اهم شي نشوفكم و نتطمن عليكم ....

[فليك]

صبااااح الياسمين عليكم :)