تجمع حوامل ليبيا

ام وسونة · 10-14-2011, 12:57 PM

صباح الخير وجمعة مباركة عليكم

ام وسونة · 10-14-2011, 01:01 PM

وخييييييييييه عيون الحمدلله على سلامتك وعش من شافك

المهم لاباس على عزوزتك وشبانيك ونورتي حويشك

وصحيحة فطوركم مقدما الفايدة فيهم

لكن ضروري تقوليلي شن فطرتوا ؟؟؟ههههههههههههه

وخيتي تمر حنة يااااااااااااارب يرزقك بالتؤام يفرح

قلبك وصحيتي على اجابتك وشرحك المفهوم

عموما تنفعي ابلة ههههههه نمزح معاك مش تزعلي

سؤال اخير وعارفة روحي بيختها نبيك تشرحيلي

على الصورة الملونة لان دكتوري طالبها مني يوم

الاثنين وقالوا مؤلمة ووخيتك خايفة ربي يسهلها وخلاص

هناء خالد · 10-14-2011, 01:17 PM

جمعه مباركه عليكم ياحلوين
وأن شاء الله تكونو كلكم بخير ومشكورين على الترحيب

عيون زوجي · 10-14-2011, 02:09 PM

ام وسوووووووونه كيف حالك يا احبيبه
والله يطمن قلبك
ولابأس طهور اعليك ويارب تجيك القدام وتحملي على خيررررررر
فطوري:
توست(جبنه وتن وهريسه عربيه) مع كابتشينو وزبادي لحمودي
والله يسلم زولك........

عيون زوجي · 10-14-2011, 02:10 PM

هنااااااااء نهارك مبروك كيف حالك وحال الوحم معاك وعقبال المستنيات كلهم تتشحروا من الوحم لين تكرهوا الحمل
انبصر اعليكم يارب يرزقكم بالحمل الميسر الساهل السليم

عيون زوجي · 10-14-2011, 02:12 PM

انا درت غداي رز مسقي مازال ما طابش حطيت البصلة عالنار انطيب فيها في الكسكاس
كل وحدة تخش اتقول شن غداها اليوم غير لانه يوم الجمعه

بنسئل عن اخوات الثوار
ايه وام قصي وميمونه كيف حال خوتكم وناسكم طمنونا على ابطالنا الاشاوس

ام وسونة · 10-14-2011, 02:16 PM

تسلميلي وخيه عيون ويارب يطمني وزيديني من الدعوات

الحلوة والله محتاجتها

وصحتين ومطرح مايسري يمري هههه مصرية

والغدي فكرت ندير طاجين دجاج ومعاه شوية رز ابيض

اني اول امس درت رز بالبصلة

وخيه هناء مرحبتين ياحبيبة

هناء خالد · 10-14-2011, 02:38 PM

هلا بيكم
بالنسبه للغداء وخيتكم ماليهاش مروحه من بنغازي غير يومين وطبعا بعد المطره الي جت لطرابلس وكلها خير أن شاء الله
حوشي غرررررررررررررق تنقع ميه وطبعا لقيت خلودي رافع الفرش للغسيل وكل الحوش على عرياااااااان ههههههههههههه المهم ليا يومين نجري ونرتب بي الجيه وتخيلو مع الحمل والتكركير ندير حاجه ونرتاح والغداء لاتوه ماطيبتاش فطرنا متأخر وتوه قاعده حايره شنو نطيب نفكر ندير شربه عربيه ومعاها حاجه ثانيه هذا يومي

ميراس · 10-14-2011, 03:50 PM

صباح الخيرات عالحلوات من الشرق الى الغرب عيون الف لاباس على شيابينك ام وسونة حرام عليك والله مانى واعرة تى خيرك اتخوفى فى الناس منى انا دايرة كسكسى

ميراس · 10-14-2011, 03:52 PM

هناء ربي ايعاونك ديري بالك على حملك عيون تعرفي والله باقي البنات مافيش عليهن اخبار